ساعدوني .. استقيل و الا؟؟؟

انا اتوقع انها جواب على صلاة الاستخاره
وانا من رايي انك ما تستقيلين لان هالايام صعب انك تحصلين وظيفه

والافضل انك تكملين شغل لان بيكون من صالحك وصالح زوجك وخصوصا ان زوجك عليه سلفيه واولادك بمدارس خاصه

فكري عدل والراي الاول والاخير لك

والله يوفقك ويسهلك

انا بصراحة مو لاقية شغل

ولو لقيت مستحيل اخليه الا لظرف قاهر فوق ارادتي ..

لان قعدة البيت مميته

احس بعد ما تخرجت وقعدت في البيت سنتين اني كبرت عشر سنين
لا ادري عن الدنيا ولا ادري عن الجو ولا ادري عن شي محكورة بين 4 اطوف

وانتي براحتش

شكرا خواتي على الردود الطيبه
بس ما ادري ليش انا كارهه الشغل احس بضيق وملل وانا اشتغل ..واحيانا احس اني مقصره فعيالي ومب عاطتنهم حقهم ...ما ادري دايما اهل زوجي يحسسوني بها الشي ...يقولون انا وايد مهمله فتربيت اعيالي معى اني من ارجع من الدوام ايلس ويا عيالي الين يرقدون :(
في حد استقال وندم ؟؟

سلام اختي انتي كلمي زوجش في هاي الموضوع وشوفي رايه قبل ماتستقيلين

رايه هو الأهم ، وإذا عليكم ديون ، والحين الحياة صعبة جداً أنتظري لج بعد جم شهر وعقب قرري ، لا تتمللين

من الشغل ، ترى قعدة البيت أخس مللل ، وبتعبين روحش ، عقب اذا قررتين انج تشتغلين مره ثانيه

لأن مافي أشغال عدله الحين ، الحياة صعبة جداً ، يعني من الأفضل أنج تواصلين في الشغل ، أنتي ماعندج

خادمة تعطينها اولادج ؟ ، وين اهلش ، اذا يقدرون اهلش يتحملون في اولادش وديهم ليهم ، أو كل يومين

وديهم بيت عمتج ، اهلش ، والله يوفقكِ...

بس أهمشي ماتطلعين من شغلج ، لأن صعب عليج تردين الشغل ، مابتحصلين شغله عدله ...

أختكِ: المنامية

تدرون تعبانه نفسينا لاني ابغي اشتغل وما ابغي في نفس الوقت

هلا خيتو
يمكن هذي كآبة صايدتج على أولادج .... كل أم يجيها هالأحساس اذا تترك اولادها في البيت.
و عشان ما ينقال لج مهملة أعرفي ان الناس تاخذ بالظاهر يعني اهتمي بنظافتهم و مظهرهم أكثر أظافيرهم شعرهم، و قبل ما تطلعين حاولي تسوين لهم شي ياكلونه، و اذا صرتي بالشغل اتصلي حق بيت عمج أسألي عنهم.
و حاولي انتي و زوجج انج تطلعون معهم لمكان عادي على البحر مو شرط تصرفون فلوس سوي لكم عشا و خذوه بره و تعشوا.
العبرة مو في المدة التي تقعدينها مع اولادج حتى لو طالت أهم شي انتي شنو تعطينهم شنو تسوين لهم خلال قعدتج وياهم، و حطي في بالج الأولاد ترى يتكيفون مع غياب امهم و عادي تمشي الحياة.
و اذا حسيتي ان بيت عمج تضايقوا خليهم مرات مع أهلج.... ما أظن أن له داعي أنج تتركين الشغل حالياً.
جربي فترة تسوين فيها النصايح اللي نصحناج فيها و اذا حسيتي بنفس الضيق اتركي الشغل.

مشكورين خواتي ع النصايح الطيبه
وعيالي انا اخليهم بيت اهلي ...والعصر لما ارجع من الدوام اروح بيت عمي لانا ساكنين عندهم
ولا مره خليت اعيالي عندهم ...بس ما ادري ليش هم جيه :(
انا بجرب اسويلي جدول وارتب اموري اكثر
ادعو لي بالتوفيق
والله يبلغنا واياكم ومن نحب رمضان
وكل عام وانتوا بخير

غاليتي انا اشوف في رايي تضلين على شغلج وايد احسن لعدة اسباب اولا ظروف الحياة وايد وايد صعبة وخصوصا بالسلفيات اصعب اكثر وانتي بعد عندج عيالج ماشاء الله مدارس خاصة يعني كسار ظهر من الزين واذا على زوجج بروحه لا ما راح يقدر على ذي وانتي توج تقولين توظفتي من فترة بسيطة يعني ما مداج تتعودين على الشغل واذا لازلت مصرة على الاستقالة مثل ماقالت وحدة من الاخوات العزيزات خليها لبعد كم شهر على الاقل شي تتخلصون من السلفيات

ربي ييسير لج امرج ويهديج الى طريق الصواب

تحياتي

احمدي ربي لقيتي وظيفه

احد يلقى وظيفه ويتركهااااااااا ... الله يهديك بس

اقري سورة البقره كل يوم وانتي تتحسنين يمكن احد حاسدك على الوظيفه حقتك

الله ييسر امورك ويكتب لك الي فيه الخيرررر

نصيحه لاتتركين شغلك

شكرا خواتي ... صراحه كنت وايد محتاره ..بصلي استخاره مره ثانيه
الله يكتبلنا الي فيه الخير

رائعتي انا مريت بهالحالة كنت كارهة الشغل موووووووووت بس كنت انا حامل وكنت افكر بطفلي وفكرت بالاستقالة أكثر من مرة لدرجة اني دخلت عند الوكيل اقدم استقالي بس ما قبلها لعدم وجود بديل حالي وقالي فكري ... رديت البيت واستخرت واستخرت واستخرت وسبحان الله صار الشي اللي غير مجرى الامور كلها ظهر قرار الاموامة 6 شهور وتمتعت فيها كلها 6 شهور مع طفلي وهذي نتايج استخارتي ربي سهلها علي من كل جانب ولله الحمد واستمريت بشغلي وفكرت بالاستقالة مره ثاني وتعدلت رواتبنا وارتفعت وقعدت استمريت يعني كنت اصلي استخارة بصراحة ما ارتاح اظل كارهة الدوام وايد بس تحدث امور غريبة تقولين في نفسج الله ان الله احدثها لج انتي ... استخيري ومن ثم استخيري ... وراح تلاقين نتيجة ... اما تضيع ورقة الاستقالة او يظل المدير مو موجود او بيرجعج يقولج فكري ويماطلون أو حتى بيغرون بترقية مثل ما صار معاي في احدى المرات ....


الله يهديج لما هو اقرب الية يا رب فرصتج رمضان على الابواب استخيري


العتب

تسلمون خواتي وشكرا على الردود الطيبه .. ان شا الله بصلي استخاره والله يكتبلنا اللي فيه الخير
الصراحه المدير مصر على اني اعيد التفكير فالموضوع وعاطني مهله افكر وارد عليه خبر
وان شا الله تتيسر الامور

من كلامكم وردودكم ع الموضوع رديت افكر واقيس الامور .... وان شا الله بخبركم بقراري يوم باتخذه
جزاكم الله خير على النصايح الطيبه

حبيبتي تعوذي من الشيطان و وصلي الصلاة في وقته وقرئي سورة ياسين يوميا بعد صلاة الفجر وصلي صلاة الضحى لان فائدتها تعود على صحة القائم بها
واذا قدرتي تغيرين القسم وتروحين قسم اخر لابس
بس نصيحتي لج لاتتركين العمل لان لة فائدة مادية وكذالك له تغير تتعرفين على ناس جدد وتحسين بكيانج واان لك دور في الاسرة و المجتمع الله يوفقج

اختي لو ان زوجج عليه ديون وتشوفين انج مساعدته في المصاريف ومو مقصرة مع عيالج في شي والمدير ما يبيج تطلعين! معناته انج تتمين في شغلج احسن
وطبعا اختي اللي صار هو جواب الاستخارة،، لان ربج اعلم بمصلحتج،، الاستخارة مو انج تحلمين او تحسين بضيق او كذا،، الاستخارة هي ان لو الشي مب زين لج الله بيبعده عنه لو حاول كل البشر يجيبونه لج،، والعكس

خيوووتي ...!!

آتمنى تفكرين زين بخصوص السلفيه الي على زوجج ثآني شي ان عيالج بمدآرس خآصه

هل الرآتب الشهري لزوجك يكفي لمصروفاتكبدون نقص مع ابنآئك

هل يكون باقي من الراتب يزيد عن حآجتكم ..

آختي .. إلا تعلمين كم الحيآه صعبه وعنآء ومشقه .. فلاتتركي عملك .. وفكري جيدآ وقيسي الامور بعده منآظر بدل منظور وآحد

ممكن تأخير المدير لاستقالتك خير لك (( كل تأخيره فيها خيره ))

ممكن يزيدوآ روآتبكم يرقونكم مثل ماذكرت احد الاخوآت ..

مآتدري ان ممكن رآتب زوجك الشهري لايكفي متطلبآتكم وفي حآله طآرئه تحتآجون للمآل فلا يوجد لديكم زيآده منه لآي امور طآرئه ..

آآختي .. أنتي حبيبي نفسج بالشغل قولي اليوم بسوي جي بصير احسن وحده شجعي نفسج على الافضل والاحسن جوفي شلي مضايقج حآولي تغيرينه ترفهين عن نفسج ...

لاتتسرعين لان لو رديتي للبيت بتستانسين فتره الجلوس فيه عقب فتره بتتمللين من الروتين الملل في البيت ...

ويمكن تضيق فيج الدنييآ لاسمح الله من الجلوس بالمنزل او اي شي وين تروحين عقب ..

تبين تشتغلين مآرآح تلقين وظيفه بسهوله ..

الله المعين ,,

وشآوري زوجج افضل آهو آدره بمصلحت آسرتكم وبالتوفيق

تقبلي مروري

انا حاسة ان دة جواب من اللة

لالالا استمرى
ربنا عايزك تكملى

المل الى عندك مش من الشغل
دورى عن السبب الحقيقى
يمكن علاقتك بجوزك مش قد كدة ودى السبب
روحى قصى شعرك وغيرى لونة

انزلى هاتىلك لبس جديد

غيرى فى شكلك واسلوب حياتك ودورى على حد يساعدك فى البيت
اخرجى مع جوزك
غيرى فى شكل البيت

حبيبتي صلي استخارة

واكثري من الاستغفار بنية الله يقدملك الخير

اختتتي واااصلي كل الناااس ماتحب الشغل بس متصبرة وقولون شلي حادك على المر قال الي امر منه

صلي استخارة وجووووفي وين قلبج يوديج..