ياترا بابا مايحبني ولا يغار علي ولا شو معناها؟؟

اختي الله يكون بعونك .. بس حاولي تراجعي تصرفاتك يمكن انك بتسوي اشياء بدون قصد و هو مو راضي عنها حاولى تفهمي من ولدتك ان ماقدرتي بسؤال مباشر فبشكل غير مباشر و حاولي قدر ما تقدري تبريه و تلتمسي لو العدر وربي يحنن قلبوا عليكي بس تاكدي مافي اب يكره اولادوا

لا حبيبتي مافي ابو في الدنيا يكره بنته اكيييييييد يحبك ((البنت حبيبة ابوها))
بس يمكن مثل ماقالت الاخت yakoutta يمكن انتي مو سامعه كلامه او خالفتيه مرة

اختتتي انتي ما وضححتي شنو الطلب او كم اعماار اخواانكم يمكن لسة صغييرة او شي

ممكن اشرح لكم اكتر
بابا يعامل اخواني احسن مني في كل شي
في الكلام في الاسلوب في النظرات في المعاملة وكل شي
مافي فرق بينا كتير سنتين تلاتة بس
انا عمري 16 اخي 15 اختي 13
بس قولو لي كيف اخليه يحبني؟؟

يمكن هو معتبرك الاخت الكبيرة يعني مش محتاجه ان يعاملك مثل اخوتك الصغار ومن غير ما يشعر ويمكن ما انتبه انك بعدك في سن صغير ومحتاجه رعاية وحب مثل اخواتك..حاولي انتي تبادري وتتقربي لابوكي وتكلمي بشكل ودي وتعبري عن مشاعرك وادعي بصلاتك ربك يحنن قلبه عليكي واكثري من الاستغفار والدعاء والله يخليكم لبعض ويخليه فوق راسكم يارب

اكيد هو يحبك بس انتي حاولي تقرب ليه بطاعة و دلال و اهتمي به و باحتياجات و سويله مفاجاءات مثلا اعمليله كيكه و اكتبي عليها اسمه اشتريله عطر و حطيها تحت مخدته قومي الصبح قبل الكل و سويله فطار دليعيه مثلا بابوتي و لاباسم دلع بتاعه كثييييييييييير اشياء و افكار تقدرين تتوديدين بها لابوكي وتكسرين هالحاجز اكيد حبيبتي لو عاملتيه بهالطريقة رح يموت عليك
انا لو مكانك استغل كل لحظة معاه لاني بابا توفى من عمري 9اشهر يعني ما اعرفه نهائيا و الله حبيبتي وجود الاب نعمة الله يديمه فوق راسكم

رائعتي وابنتا الحبيبة لا تنظري من هذا المنظور ما في اب او ام في العالم ما يحب عيالة والله يا حبيبتي لما كنا في عمركم ما في وحدة ما قالت هذا الكلام (( انا نفسي اللي قاعده اكلمج قلت وسئلت ليج أمي اشترت لأختي وما اشترت لي أو اذا طلبت فلانه جبتوا لها لكن اذا طلبت انا لا لا لا )) حتى كنت اقول حق امي ايوه انا اليتيمة اللي لقيتوها عند باب بيتكم ههههههههههههه :o


وامس ولدي يقولي ايوه إذا طلب اخوي الصغير تيبون له إذا انا طلبت ما تيبون لي شيء هههههه :wink:

صدقيني يا الغالية يمكن انتي مكبره الموضوع حبتين :wink:

روحي عند ابوج وعااااااادي خذيه على جنب وقولي له اللي بخاطرج بصراحة انا ما سويتها وانا صغيرة بس كنت اتمنى ترجع الايام وإذا مر علي مثل هالموقف بقول


وعلى فكرة إذا واحد من عيالي قال هالشيء أنا باخذه على جنب وبخليه يطلع اللي بخاطره جزاك الله خير لفتي عيني وفتحتيها على موضوع .... عندي ولد دووووووم يقولي هذي الكلمة هههههههه :eek:

جزاك الجنة لما اسمعة يقولها مره ثانية بزخه وبكلمه ههههههه:D

صدقيني ما في حد ما مر بهذي الفترة ههههههههه
العتب

انا توقعت يا حبيبتي ان عمرك بين 15 أو 16 عااااااي جدا وبكره بتذكرين كلمات العتب كلنا مرينا في مثل الموضوع

تسلمولي يا حبايبي
ان شاء الله يا رب

سحابة وردية شكلك وكأن والله اعلم ما اقتنعتي بكلامنا :wink:

بس صدقينا ترى والله انتي فلذة كبدهم وبنتهم الكبيرة يعني بكرهم وهم يتوقعونج اكبر من كذا هم اذا لبوا طلبات غيرج ترى يعرفون ان الصغار ما راح يسكتون رايحين رادين نبي ونبي واذية اما انتي العاقل ما راح تأذينهم وراح تقدرين ميزانيتهم



العتب

لا يا حبيبتي انا اقتنعت
بارك الله فيكم
بس كيف اخليه يعاملني بلطف وكلام حلو زي اختي بس؟؟

عادي يمكن يعتبرك الكبيره ويبغاك ماتتعودين على الدلع

الله يهديه ان شاء الله

بالعكس اكيد ابوك يحبك بس يمكن مايبين حبه
حاولي تتدوديين له بكلل شي

طيب خليه يحس انك كبرتي ... من اي ناحية بتقولين ... خليه يلتفت انه يكلم وحده كبيرة وعاقلة يعني غيري اهتمامتج شوي ... وبالبيت ويا اخوانج قدمي تنازلات للي اصغر منج فهميهم علميهم انصحيهم ... وفي اوقات قولي وجهة نظرج وفكري تقربي من الوالدة وعبري عن ارائج بمشاكل البيت ومشاكل اخوانج ... خليهم يحسوا انه في ينت عااااااااقلة وكبيرة في البيت ... بعطيج مثال بسيط جدا جدا جدا

اخوانج الصغار يضاربون بالبيت ومسوين مشاكل انصحيهم ... وخاصة وقت ما يرجع الوالد من الدوام حاولي تحتوين هالصغار عشان الوالد يرتاح ... وبعد في السيارة اذا طلعتوا كلكم وصار مشاكل من اخوانج تدخلي بطريقة لبقة ومحترمة من غير ما تجرحين اخوانج او تصارخين عليهم ... صدقيني شوي شوي راح يلتفت لج ويقول بنتي كبرت ما يصير انعامل معاها بصراخ او بطريقة عصبية مثل الصغار

الغالية لان بروحنا نشوفها مع عيالنا انا ولدي عمرة 13 سنة لما شفته بدا يتغير في طريقة كلامه معاي ومع ابوه واخوانح قلت لا هو الحين كبير لازم احترمة واقدره واعامل بلطف اكثر ... الصراخ ما يجيب في هذا السن شيء الا الهم

الاب والام كل شيء يسونه في البت ويتناقشون فيه بروحهم بس لما يكبرون العيال يدخلونهم بهذي العملية فيستشيرونهم ويسألهم ويراعونهم

العتب

بارك الله فيك على هذا الكلام الحلو
ان شاء الله بحاول اني اعمل كل اللي قلتي عليه
^_^

حاولي تكلمينه بأدب وبدلع ويمكن ييرضالج..