تعبت من حياتي الزوجيه

السلام عليكم و رحمة الله و بركاته
والله ما ادري ايش اقولك ؟
بس اكيد انتي اللي تحسين فيه طبيعي عشان من كلامك انا حسيت انك انتي متعودة على مستوى اعلى بس نصيبك ان زوجك مستواه المادي عادي , و الحل لمشكلتك انك تحاولين تتأقلمي خصوصا و انتي تقولي ان زوجك يحبك و انه انسان محترم و طيب , لا تفكري ان الناس اللي مستواهم المادي زين و رجاجيلهم موفرين لهم كل شي يكونوا كلهم سعداء والله في صاحبتي متزوجة عن حب و زوجها ماشاء الله عليه مو مقصر عليها بشي بس والله انه هاملها بشكل مو طبيعي و يضربها و على طول محتقرها عشان لسه ما جابتله ولد
يعني حبيبتي حطي في بالك ان ها الوضع مؤقت بس و حاولي تقللي من التدمر قدام زوجك عشان انتي كده بتحمليه اكثر من طاقته
و ربنا ان شاء الله يصلح حالك

الغاليه اتمنى تردي على سؤالي عشان اقدر ارد لك .. بجواب شافي اختي..

عزيزتي شالمانع الحين يوم تحسن الوضع تطلعون.. بشقه لحالج..

سؤال ثاني اهلج وينهم .. عنج .. ليش ما تقطينهم عند امج يوم انج تروحين الدوام.. مع الخدامه ..

وبعدين ان شاء الله نحاول نشوف الحل مع بعض

اصبررررررررررررررررررري واستعيني بالله واكثري الاستغفار
وساعدي زوجك بحبك له ولبناتك ولاسرتك وبتشجيع منك انه يطور نفسه ازرعي التفائل والامل والطموح وباذن الله تكوني باعلى المستويات وتتحقق كل الى بتتمنيه انما يوفى الصابرين اجرهم حبيبتي الله يعينك ياااااااارب وييسر لك الاحوال

الله يعينج حبيبتي والله ان حالتج صعبه


بس انتي ادعي ان ربج ييسر لج ويسهلها عليج


والله يخفف عليج يارب

ودايما حطي ايجابيات ريلج وانسي الفلوس

طيب ما تحاولى ترجعى لوظيفتك الاولى
حاولى تكلمى زمايلك او رؤساءك فى عملك القديم عشان ترجعلك شقتك اللى كانت متوفره
وتبعدى عن المشاكل والاختلاط ويرجع وضعك يتحسن

الله معك

حاولى تتأقلمى إلى أن تجدى الحل
لا تيأسى واسعى انتى وزوجك لوظيفة توفر لكم سكن جيد

الله كريم

اختتتي وكليها على الله ربج كرييم او الي يطاالع الناااس ترررى ما يتحسسن وضضعة رب العالميين اقول وانشكرتم لازيدننكم قولي الحمدالله لش اطالعيين الي ارفع مننج طاالعي الي اوطططى مننج وسسجدي لي ربج سجدة شكككر ربي يحسسن وضضعج يارب ووفقج

الله ييسر لج امورج ويفرج همج يارب
انا مع راي احدى الاخوات اللي قالت لج حاولوا تطلعون بشقة اذا تحسنت اوضاعكم المادية
صدقيني غالب الناس اللي يسكنون في بيت عايلة لازم يصير بينهم مشاكل.. مو الكل انا قلت الغالب

وصج بعد مثل ما قالوا البنات وديهم عند اهلج خلال فترة دوامج او احد من خواتج اذا ما يشتغلون بس عشان تتطمنين عليهم

والله ييسر لج يارب كل صعب

الغالية الله المستعان عما يصفون بصراحة هذه اشياء ومشاكل تصير في كل بيت مستحيل وحدة عايشة عند أهل زوجها ما استوت معاها مثل هذي المواضيع وهذي بهارات الحياة
والزواج التقليدي من الممكن أنه يكون من احسن الزويجات ...

قومي في جنح الليل رائعتي وصلي واكثري الاستغفار بارك الرحمن لك وجعل الجنان ملك يمينكِ ... وطنشي رائعتي ومعه حق زوجك بأن يهدئ منك ويمنعكِ من التشابك مع انسانه قليلة عقل بصراحة تحط عقلها من عقل اطفال ... وخليك انت الاحسن والأرقى رائعتي

طيب ما في مساحة ببيت أهل زوجك تبنون فيها لو قسم صغيرون على الأقل غرفة للبنات ...

وحاولي رائعتي التقديم على هيئة القروض لبناء المساكن لشراء مسكن فأنا قرأت في جريد الاتحاد بأن هيئة القروض سوف تمنح المواطنين قروض تصل الى مليونيين درهم لشراء منازل لحل أزمة الاسكان وتعرفين هذي قروض حكومية يعني بدون فوائد وخرابط شرات البنوك ... وفي حالة انقطاع الرزق أو الوفاة يطيح القرض ....


بارك الله لك ويسر حالك


العتب

اختي والله ماله داعي الا انتي فيه
امي سكنت في بيت جدي 16 سنه في غرفه وحمام وجابت 5 اولاد وابوي كان مديون وكلنا بغرفه بس لما كبرنا شوي طلعنا انا واختي الا اصغر مني ونمنا مع عماتي وأبوي كان مديون وأعمامي كلهم ساكنين في نفس البي بس ابوي الوحيد الا له غرفة الياقي لهم مثل الشقق يعني غرفة جلوس وغرفة النون الرئيسية وغرفة لأولادهم والمطبخ مشترك للكل وكانت امي تشتغل في بيت جدي ولا في خدامة من الصباح واذا رجعنا من المدرسه تدرسنا وكنا كلنا قريبين من عمر بعض معالعلم ان امي من عايلة مو ميسورة الا غنية وكل ثيابها من امريكا وبريطانيا والهند وقل مستوى المعيشه لما تزوجت لان مبدأ العايلة اهم شي الدين والاخلاق والعايله وخذوهم فقراء يغنيهم الله امي تعبت في حياتها وتحملت وكان الشي الا ييصبرها القرآن وصلاة الليل وربتنا على هالشي والحين الحمد لله الاوضاع تمام وبشهادة الكل من العايلة والأغراب ان احسن تربيه تربتي انا واخواني وكلنا امتياز وكل واحد تخرج من الجامعه بتخصص مختلف والحين انا واختي تزوجنا وطول الوقت هي والوالد يقولون قولو الحمد لله على النعمه ولازم تتحملون كل شي الدنيا دوارة بس يبي لها صبر ودعاء وتوكل على الله وكل شي يصير لك اختبار والله اذا احب عبده ابتلاه انتي شوفي الا عايشين اقل من مستواك وقولي الحمد لله هالكلمة تغير اشياء في لحظة وماتدرين ايش المكتوب لك والخيرة في انك تتحملين هالأوضاع
توكلي على الله وماله داعي تخسرين زوجك بسبب أشياء تجي وتروح ولو دامك لغيرك ماوصلت لك
الحمد لله على كل نعمة في السراء والضراء
اللهم صلى على محمد آل محمد
استغفر الله الغظيم واتوب اليه
سوي هالأذكار كل يوم وصلي ركعتين تسيير الامور وقضاء الديون ولا تنسين غسل الجمعه والصدقات والحين على ابواب شهر رمضان ابواب السماء مفتوحة للمحتاجين ولا تنسيم الدعاء للوالدين والمؤمنين هالأشياء كلها تسهل الدنيا وان تأخر بس اهم شي الراحة النفسبة والقرب من رب العالمين والقناعة وكل هذي اوساخ دنيا ومصير الفرج يجي حتى لو تأخر
اذكري الله ورحي حالك وربك كريم

حبيبتي الله يكون في عونك بس تحملي والناس ماااعليك منهم صدقيني ربي بيعوضك والله حااالي نفسك على اتفه شي نتهااوش عليه لا وهذا انا ماااعندي عيال ولا شي بس حاااولي تطلعين من البيت الي انتي فيه وذا طلعتي نظمي وقتك نزمي بنااتك بدري لاتخلينهم يسهرون وذا جاااى من برى استقبليه كويس وطبعا حاااولي تهدين من الجو نومي بناااتك اذا قرب يجي عشاان يمون فيه كلام بنكم وحوار كويس وطوا اصواتكم اهم شي لاتحسسين احد انكم متهااوشين بالعكس بيني انك مرتااااحه ولا تخلينه يتجراء يتكلم عليك قداام احد بالعكس اهم شي لاحترااااااام لا زم يكون بينكم وعوديه عالاعتذار وانشأ الله بقدر افيدك
وهذيك سلفتك ماااعليك منها بالعكس اكشخي قدامها دااايم ولا كانها موجوده والله يعينك

بصراحة وايد مكبرة الامور يا مراة :ss:

على بالي عندج اهل زوج مو زينين ولا زوجج يضربج او ما يشتهيج

الدنيا مو كاملة حبيبتي و لا تفتكرين انج عايشة بجنه

انتي بالدنيا يعني حمدي ربج ان ابتلاج بس بشي صغير و انتي موب راضية بهالابتلاء

ما بال لو ابتلاج باشياء اكبر كل ما تسوين جدي و ما تحمدين عطايا ربج الله ما يبارك بللي يعطيج اياه

يعني المؤمن بقضاء الله يقول الشكر لك على ابتلائك يا رب الللهم زدني فهذا ملكك

انتي ما سمعتي بمصايب ايوب اخس من نبي ايوب فيه؟؟؟ ابتلى 80 سنة و بعد ما فرج عنه


عوض اعظم من السابق بأضعاف

يعني تأكدي ان الله ما ينسى عباده لما يشكرونه

وانتي تذمرين؟

على شنو؟ بمجرد تغير استواج تذمرتي على بالي شي خطير صاير لج

يعني الا صاير لج تقدرين بذكائج تحولينه لسعادة لان السعادة ما تكمن في الماديات


تكمن في قناعة الانسان

و شوفي مصايب غيرج و حمدي ربج واستغلي النعم اللي عندج

يعني ناس ما عندهم اولاد وانتي عندج ماشاءالله

ناس ما عندهم زوج يحترمهم وانتي عندج ماشاءالله

انتي شدراج لو صار عنده فلوس هالفلوس ما تصير بشي غير رضا الله

كلشي فيه صلاااح

بس انتي تحكمي باعصابج

و السعادة تكمن في تغيير نظرتج للحياة بالسلوك الحسن و الاخلاق و الابتسامة و الكلمة الطيبة مو بالفلوس ولا الماركات ابدا

يعني لازم تغيرين نفسيتج حتى تتغيرين انتي بالكامل تشوفين الدنيا اوضح

و تكونين اهمشي سعيدة مع زوجج لا تطالعين الماديات او خواتج ابدا

يمكن انتي احسن منهم بعلاقتج ببيتكم مع عيالج و زوجج

الله يكون في عونج ويصبرج على بلواج

حبيبتي الله يعينك ويساعدك ويرزق زوجك ويرفهكم
اصبري ماعندك غير الصبر وان مع العسر يسرى
ولاتجعلي زوجك يضربك اتحملي شوي والله اذا فقدت حب واحترام زوك الك سوف تكرهين الدنيا اكثر
والله يصلح حالكم

الله يسعدك وصبرى الصبر مفتاح الفرج

وكونى قريبة من ربك بالصلاةوالزكاة وكثرة الاستغفار وقيام الليل

مرااااااااااااحب الله ييسر امرج بس الحل الافضل تظهرين بشقه احسن حل لمشكلتج

ما اقول غير الله يعينج اختي والله حاسه فيج .....هالايام الفلوس صارت كل شي تصدقين انا رغم انه عندنا بيت ملك روحنا انا وريلي بس المصارف زادت لانه بيت ويبغي كل شي ومن غير ياينا ياهل في الطريق فالمصاريف زادت مرات احس انه حياتنا الماديه بدت تتغير والله اني مرات في خاطري اقول هاي مب عيشه ولكن ارجع واستغفر ربي واقول الحمدلله ريلي وايد زين وما قصر ويايه من تزوجني لين الحين وسافرني اكثر عن 6 مرات وبنالي بيت ويابلي خدامه وياما يابلي هدايا يوم اتذكر هاي الاشياء اقول حرام ما قصر ويايه وهي مسالة وقت ورب العالمين انشالله بيرد ظروفنا الماديه بعد احسن عن قبل وارجع ارضى عشان جذي انصحج اختي تتذكرين الاشياء الايجابيه في حياتج ويا ريلج وربي بيسهلها عليكم انشالله والله اني حاسه فيج حبيبتي :)