بنتي ما تتكلم

عادي طبيعي يالغاليه ولاتقارنين بين الاطفال هناك فروق فرديه بينهم حتى لو بعمر واحد ومن مواليد نفس اليوم والشهر والسنة ماتفرق يالغاليه كل طفل له طبعه


انا بنتي كبر بنتج واكبر شويه لحد الحين ماتتكلم بعض الكلمات والبقية غير مفهووومه


ولاتحاتين ولاتفكرين حتى توصلين للطبيب الحمدلله
عطيها وقتها تو الناس



دمتم سالمين
اختكم شريفة

انا مع الاخت شريفة لا تقارنين بنتج بغيرها وهناك فروقة فردية بين الاطفال عطيها الوقت الكافي وبيطور نطقها ولا تحاتين دام سمعها جيد وبالتوفيق ويخليها لج انشاء الله

لاتخافين غلاتي













انا عندي ولدي وبنتي


ولدي بسم الله عليه ماشاء الله تبارك الله كمل سنه ونص ويتكلم صحيح مايفهم كلامه بس تكلم صح على سنتين



وبنتي الله يصلحها كملت سنتين ماتعرف تفك كلمه والى الان عمرها سنتين و7 شهور ويالله تطلع الكلمه صح وفيها بعض التحريف على قولت الوالده الله يعطيها العافيه بنتك يبغى لها متجرم علشان نفهمها هههههه

لا عادي هالشي اطفال واجد جدي
والطفل الطبيعي ينعرف من الطفل الغير طبيعي

صديقتي بعد بنتها طافت السنتين ماينفهم ولاشي من كلام بنتها وحدها كلمة كلمتين على بعض
والحين ماشاءالله تتكلم عدل

الله يطمنكم يا رب ومشكورات على الردوود ..................

عادي خيو لا تحاتين ولا شي ... الاطفال قدرات ...

ولد اختي عمره اربع سنين .. وللحين مايعرف يتكلم عدل ... مانفهم اليه وحتى بالروضه محد يفهم عليه ...


ان شاء الله خير ...

السلام عليكم ورحمة وبركاته

اختي الغالية ،، انا بنتي الحين عمرها تقريبا سنتين وتوها تتكلم تقول ماما وبابا من فترة قصيرة،،تأخرت كثيييير بالكلام،،ولاني عارفة ان فيه اطفال يتأخرون بالكلام ماكنت اهتم بهالاشياء ،،لكن اهلي وصديقاتي كانوا يخوفوني من تأخرها،،عاد انا رحت وتصفحت بكل المنتديات والمواقع الطبية،،عشان اتطمن عليها،،وسويت بحث وحطيت موضوع بهالمنتدى عشان اللي مثلي يستفيدون،،

وهذا هو الرابط :http://forums.3roos.com/t443852.html

واتمنى تستفيدين منه،، وان شاءالله بنتج ماعليها شر،،وعلى فكرة ولد عمتي تأخر بالكلام وصار عمره 4 سنين،،بس ان شاءالله بنتج ماراح تتأخر،،والله يطمنج عليها

مثل ما قالوا البنات لا تخافي وانا بنتي شام لعمر السنتين و3 شهور حتى تكلمت مظببببوط كلمات وجمل
فلا تخافي الموضوع عااادي دام انها بتسمع وتفهم عليكم ماشالله