~ حرمآن ]~

أستغفر الله ..

في ناس تفكر بهالطريقة الحقيرة , الوحشية ؟!.

*

إسمحي لي أقولج إن زوجها - حميج - موب رجل والله!,

[MARK="333333"]لأن إلي يسويه لا هو من باب الرجولة ولا من باب الإنسانية [/MARK]

خذاها ونيته شينة , ومن بعدها سجنها وحرمها من أهلها ومستغل ضعفها وحبها له

*

وصدقيني!.

لا يعتقد للحظة وحدة بس إنه راح يتوفق بالفلوس إلي أخذها من عندها .. وبالزوجة إلي ناوي يتزوجها

لأن الله ما راح يوفقه بأي خطوة بيخطيها

هذي كلها فلوس حرام ونهبة

وغير جذي المسكينة لا غلطت عليه ولا ظلمته بشي

كانت على نياتها معاه

*

إنتي الحين أملها الوحيد + زوجج من باب الشهامة والرجولة

لازم تساعدونها

إذا هي مقطوعة عنها سبل الإتصالات + مسجونة بين 4 جدران

*

إنتوا حاولوا توصلون بطريقة أو بإخرى لعناوين وأرقام الإتصالات بأخوانها

أكيد هي تعرف أرقامهم وعناوينهم

*

وحاولوا توصلون له كل إلي قاعد يصير لأختهم هاليتيمة المسكينة

وصدقيني!.

ما في أخو بالدنيا يعرف إنه أخته تمر بهلأشياء

بتخلى عنها وبيتجاهل

[MARK="333333"]والله بيجونها ركض , علشان يخلصونها من هلإنسان - إلي ما بقلبه رحمة -[/MARK]

*

ومن قال إنها ما تقدر تتطلق ؟. ومن قال إنها بتتعلق ؟!.

هالكلام يمشي على نفسه

ما يمشي على الشرع والقانون

تقدر ترفع عليه قضية طلاق .. بعد مو خلع

قضية طلاق للضرر الحاصل عليها

إنها كانت تعطيه كل معاشها + ما كان يعطيها أي نفقة + ناوي يتزوج عليها ويعلقها

وحرمها من شغلها !..

هذي طلاق للضرر ,

بمجرد وجود محامية / محامي شاطر

بتتطلق منه بسهولة , وهو واقف يطالع بعد

ولا يقدر يسوي شي بعد!.

وإذا تطلب الموضوع تتطلق منه خلعي وهي متنازلة عن كل حقوقها .. ليش لا ؟!.

*

هذي إنسان خاين , ما بقلبه رحمة , وجبان , وما قدر العشرة بينهم

وأبد ما عليه حسافة ولا ندم

[MARK="333333"]نعمة من رب العالمين لو تطلقت منه والله [/MARK]

المفروض تفرح لأنها تخلصت منه

هذي ما يستحق تحبه أو تخلص له أو تكون زوجته

والحمد لله ما في بينهم أولاد .. ولا كان السالفة تصير عذاب لها

*

وتتطلق !..

وترجع لوظيفتها وتعيش على راتبها

وتشيل وتحط في أمها

وأخوانها سندها وظهرها في الحياة

أبد مو صعبة!.

إلا راحة ما بعدها راحة

*

لكن حياتها الحين هي الجحيم , والجحيم الأكبر سكوتها وصبرها على مثل هلإنسان وأهله

*

ساعدوها ,

لأن ماكو إلا إنتوا تساعدونها وتوقفون في صفها

لأنها حالياً ضعيفة بدون والي

ومن باب الإنسانية .. تساعدونها

*

وحسبي الله على زوجها وعلى أمه وخواته

إلي ياخذون بنات الناس ونيتهم شينة .. لا مقدرين زواج ولا مقدرين عشرة

حسبي الله عليهم

والله لا يوفقهم إن شاء الله

[MARK="333333"]والله إني أقولها من حر قلبي [/MARK]

لأن مو سهل إن زوجج وأهله خاطبينج ومبيتين النية الشينة

وبعد ما تتعلقين معاه وتضيع حياتج , تكتشفين المر منهم

حسبي الله عليهم

*

والله يوفقها , وتفتك منه .. وتعيش حياة سعيدة

والمظلوم ما يضيع حقه عند الله

إذا مب في هالدنيا , في الآخرة

*

خلها تدعي لربها إنه ياخذ حقها من كل إنسان ظلمها .. والله ما ينسى أحد