شلوووووووووووونكم
ان شاءالله اوووووكي
شوفوووووووو
سويت اليوم بسبوسه و الصراحه طلعت
ممتازه من ناحية الطعم و التماسك و الارتفاع و الليونه
حشى مابقى شي :tongue:
شوفوهااااااااا
ماشاء الله عليييي
اول مره اسويها بحياتي و اول مره اضبطها حتى امي تقول والله طلعتي موسهله خلاص بنعتمد طريقتج حق رمضان
بس سامحوني ماصورت لكم الخطوات لان ماتوقعت انها بتطلع مضبوطه
المهم
المقااااادير هي
بيضتين
2 فنجان قهوه سكر
ملعقه كبيره بيكنغ بودر
علبة قيمر KDD الحجم الكبير
و في نفس علبة القيمر ناخذ باقي القياسات يعني
2 سميد بحجم علبة القيمر
ربع العلبه زيت بس مايكون زيت ذره لان ثقيل انا افضل زيت عباد الشمس لان اخف
ربع العلبه حليب بودره مثل نيدو
ممكن تضيفين فنجان قهوه جوز الهند مبشور اذا تحبين بس انا ماحطيت عشان الاهل مايحبونه
نص كوب شيره ( قطر ) على حسب الطريقه الي تحبين بس تكون بارده وقت الي تصبينها
الي تبي طريقتها تقولي لان امي الي سوت لي الشيره مو انا
الطرييييييقه
بخلاطة الكيك اول نخلط :
البيض + السكر + البيكنغ بودر
بعدين القيمر
و باقي المقادير
لحد مايتجانسون
خلااااااااااص
شفتو شلون سهله ؟؟؟
نصب الخلطه في صينية فرن بس تكون متوسطه و غزيره عشان البسبوسه تنتفخ و تصير رفيعه
كل ماصغر حجم الصينيه كل ما ارتفعت البسبوسه اكثر
ندهن الصينيه بشوية زيت شوووووووووي كلش عشان ماتلصق بس
و نصب الخلطه و بتكون جامده شوي مو سائله
و نحرك الصينيه لين تستوي كل الاطراف
بنفس المستوى
و بالسكين نقطها بالشكل الي نبي مربعات او شكل سداسي و نرش اللوز ( البيذان ) بوسط كل مربعه يا يكون لوز كامل او مقشر كيفج انتي و ذوقج
نولع الفرن بس من تحت و الحراره تكون 180 درجه و عقب 40 دقيقه او لحد ماتشوفين ان اطرافها استوت بنيه بس حاسبي لا تحترق طفي تحت و ولعي فوق شوووووي بس دقيقه لحد ماتشوفين لونها صار ذهبي و حلو
طلعيها من الفرن و تركيها شوي برع بعدين قطعيها مره ثانيه محل الي انتي قطعتيها قبل
و بعدين صبي عليها الشيره و الشيره لازم تكون بارده مو حاره
و انا افضل ماتكثرين من الشيره عشان ماتمحرج بعدين
خليها شوي لين تصير دافيه
و بعدين حطيها في صحن التقديم و عليج بالعافيه
جربوها بنات ترا الاهل عجبتهم و مدحوها
يلا نبي ردود حلوه و دعواتكم
شكرا قطوة بحرينية رووووووووووعة