هل زوجك يتدخل في أمور البيت اللي من تخصصك انتي ؟؟؟!!!

السلام عليكم
فيه موضوع خانقني جداااااااااااااا بجد
هو ان جوزي بيتدخل في كل حاجة في حياتي صغيرة وكبيرة يعني لو جه في يوم وكان فيه تراب مثلا على التسريحة او الكمود يزعق لي ويقول لي ايه القرف ده اقول له اني كنت تعبانة ومانضفتش انهرده يفضل يتكلم برضو وانا اكتر حاجة بكرهها انه يتدخل في شغل البيت في الاخر بزعق له واقول له انت مالك ده شغلي وانا عارفاه الاقيه يقول لي يعني اقعد في مكان زبالة واسكت
وانا والله مش بحب ان الدنيا تبقى مكركبة خااااااااااالص يعني حتى مجرد ما بيغير هدومه عشان ينزل الشغل انا بعلق هدوم البيت اللي كان لابساها ولما يرجع اعلق هدوم الشغل وادي له لبس البيت وانا طبعي كده مش بحب ان يكون فيه حاجة مش في مكانها كل اللبس في الدولاب وعلى الشماعة
ولو يوم نسيت او كنت تعبانة بيقلبها دراما واني مش نضيفة ولازم يتكلم في كل حاجة
وحصل موقف دلوقتي ادام امي واخواتي بيحكم رايه عليا اوي خطوبة بنت عمتي بكرة وانا ورايا تنضيف في الشقة عشان كنا بندهنها ولازم امسح الارض وافرش الاوض وهو مصمم اني اروح الخطوبة مع اني لو مارحتش عاااااااادي جدااااااااااا عشان هم عارفين اني بعمل توضيبات في الشقة وهو مصمم اني اروح وانا مارضتش اعلي صوتي ولا اتخانق عشان ادام ماما واخواتي
وبجد اتخنقت والله العظيم جدا وده اللي خلاني اجي اكتب لكو من كتر ما انا مخنوقة
مش عاوزاه يتدخل في كل حاجة كده ده قبل ما ينزل الشغل يقول لي روقي البيت بقى واكوي الهدوم وطبقي الغسيل اللي جوه عالسرير
مع ان دي حاجات طبيعية انا هعملها من غير ما يقول اني هكوي ولا يعني هسيب الهدوم من غير مكواه ولا هسيب الغسيل من غير ما اطبقه
ويقول لي انا لو ماقلتش مش هتعملي الحاجات اللي وراكي والكلمة دي بتضايقني اوىىىىىى
ده ساعات اكون تعبانة ونايمة وهو نازل الشغل بييجي يصحيني مخصوص من النوم عشان يقول لي ابقي اغسلي الطقم اللي انا حطيته في الغسيل امبارح
يعني انا مثلا هو هيحط الهدوم في الغسيل وانا هوديها الدولاب تاني من غير ما اغسلها؟؟؟
بس هو كده لازم يتكلم وانا من النوع اللي مابحبش حد يقول لي اعملي حاجة ولو حاجة انا هعملها وحد قال لي اعمليها مش بعملها عشان انا مش بحب كده طالما ده واجبي وحاجة محدش هيعملها غيري يبقى محدش يقول لي اعمليها
انا طبعي كده وقلت له قبل كده ماتدخلش في شغل اليبت زي ما انا مش بتدخل في شغلك عشان انا مش بحب كده وهو مش راضي يتغير وبيتدخل ويتكلم في كل حاجة

انا زهقققققققت واتخنققققققققققققت بحد وهو مش راضي يتغير
مش عارفة اعمل له ايه بجد عشان لو استمر على كده انا هخالفه في كل حاجة يقول لي اعمليها لاني مابحبش اخد اوامر من اي حد مهما كان
وهو مش قادر يقتنع ويخليه في حاله



معلش طولت عليكو بس بجد مخنوقة اوىىىىىىىى