علاج تكيس المبايض

السلام عليكم ورحمة الله وبركاته

انا ماعندي اي خبرة عن التكيس لكن وضح معايا تكيس خفيف وقالي الدكتور نقصي وزنك وحيروح ان شاءالله

سألت اختي وابغا افضفضلها لأني متضايقه من التكيس والالتهاب اللي موجود فيا

قالتلي انه كان معاها تكيس كبير جداً داخل المبيض واذا سوت عمليه حتكون عقم

تقول راحت للمرخات واخدت دواء الروأكتين ولا يوجد اي حلول ومازال التكيس موجود والدورة تتأخر عليها بالشهور وتجيها متقطعة

واخدت علاج ولما كشفت الدكاترة ماصدقوها كيف راح منها بسهوله الحمدلله ماشاءالله تبارك الله

والعلاج هوا نص كيلو عسل اصلي و 5 جرام طلع النخل و 5 جرام حبوب اللقاح تخلطهم وتاخد ملعقة على الريق وتشرب وراهم ماء دافي او حليب دافي
وتقول دحين رجعلها وماتحمل ووقت ماتبغا تحمل حتسوي دي الطريقه وماهي شايله هم

وتبتعد عن المشروبات الباردة والايس كريم(n)

تقول كانت تسوي رياضة البطن لأنه كان لها بطن(y)

وقريت في موضوع عن عصر الاناناس مفيد جداً وكتير حملو بعد شرب الاناناس 3 كاسات في اليوم لأنه يذوب الشحوم(y)

امانه كل مين قريت الموضوع تدعيلي الله يصلح حالي وحال زوجي ويرزقني الذرية الصالحة