لحقوني طلعت على مسئوليتي واللي فيهم سكر حمل يدشووون

ا

ام دنـــــا

عروس جديدة

14-08-2009 | 03:51 AM

صباح الورد لاحلى كروووشات ..

بنات انا الحين بالاسبوع الثلاثين .. نهاية السابع ...
والدكتورة شافت القياسات حق السكر اللي اكتبها لقتها جدا مرتفع على انه ما يزيد على 220 ...
وقالت الحين اكتب لك تنويم بس انا رفضت خايفة حدي .. ما ادري ويش اسوي واصرت عليا الدكتورة وتقول فيه خطر على جنينك ويمكن يموووت بسم الله عليه ...
وتبغاني اجلس بالمستشفى علشان ينظموون لي السكر بالانسولين ...
وانا خلاص نويت اقطع الانسولين لانهم يقولون يثبت السكر ومعاد يروووح بالولادة ياليت اي وحده ضربت الابر تفيدنا هل ثبت عندها السكر ...
وتنصحوني اتنوووم ولا اضغط نفسي حيل بالحمية الين ما اولد بالسلامة ..
اختي تقولي اصبري على نفسك ولا تروحين تضربين الابر واقطعي هالابر عنك وانتو شو رايكم ... انا خايفة على الحنين لا يضرر ويكون بسبة اهمالي ...
وبعد لان دكتور المنتدى نصحني اتبع الحمية افضل لي وما ادري شو السبب ارسلت له وباقي ما رد عليا ...

ب

بطة حلوة

عروس رائعة

14-08-2009 | 04:41 AM

حبيبتي ام دانا

انا فيني سكر الحمل واخذ عنه حبوب من بداية الحمل بس اخذه لسبب ثاني ولما اكتشفت فيني السكر دكتورتي ما غيرت للانسولين بس زادت لي جرعة الحبوب.

خالتي نفس حالتش بس لما ولدت خلاص وقفوا عنها الانسولين وعطوها نفس الحبوب اللي اشربه
يعني ما بتظلين تطقين ابر انسولين

بس لان الدكاترة ما يعطون حبوب عن السكر في الحمل ودايما يعطون انسولين
انا حالتي غير ودكتورتي تفكيرها غير وانا متطمنه لها

بس انتي لازم تنامين في المستشفى لان السكر خطر على رئة البيبي ويخليه يكبر قبل وقته وفوق عن جذي يوسخ داخل وتحتاجين متابعة على طول فالاحسن تتفادين هالموضوع وتنامين علشان البيبي
يعني تعبانه فيه 7 شهووور مو قليلة حبيبتي

ان شاء الله ما طولت عليج

G

GIRL_U

عروس مشرقة

14-08-2009 | 11:41 AM

الدكتورة الها خبرة اكثر عنى وعنج حبيبتى ..
واستحملى كم يوم احسن لج عشان البيبى
وما تشوفين شر يارب العالمييين

فى أمان الله

ر

ريحانة القدس

مشرفة سابقة

14-08-2009 | 02:40 PM

حبيبتي كان المفروض تضلي بالمشفى وتلتزمي بتعليمات الطبيبه اكيد هي ادرى بحالتك وحفاظا على سلامتك وسلامة جنينك ..

د

در مكنون

عروس رائعة

14-08-2009 | 09:21 PM

مثل الأخوات اللاتي سبقنني انصحكِ بالعودة للمستشفى

اشرحي للدكتورة مخاوفكِ بوضوح واسأليها إن كان بالامكان أن تتبعي حمية تحت اشرافهم اثناء وجودك في المستشفى مع متابعتهم المستمرة للجنين فربما ينجح الأمر دون ابر

لكن في كل الأحوال اقنعت أم لا انصحك باتباع ما قالته ... لأنه لو لم تفعلي وحدث لجنينك اي شيء لا سمح الله ستلومين نفسكِ وستشعرين بذنب يصعب أن يزول

ق

قلبك الأخر

عروس فضية

14-08-2009 | 09:33 PM

نامي بالمستشفي احسن ’’
اضمن للبيبي ولش

°

°• أم السآإدة •°

عروس ماسية

16-08-2009 | 03:45 AM

نامي بالمستشفى أحسن

موب عشانج عشان البيبي يااقلبي

والله يثبت لج ياارب

وسهل علييج الولادة

M

MRS:QaTar

عروس متألقة

16-08-2009 | 08:44 AM

نامي بالمستشفى أحسن لج وللبيبي
أنا كان عندي سكر حمل ونمت 3 أيام وطلعت عادي لاتحاتين

ا

ام نيلا

مشرفة سابقة

16-08-2009 | 08:55 AM

اسمعي كلام الدكتورة افضل لج ولجنينج

وربي يسهل عليج