انا تعبانه .. محتاره.. شو الحل بلييز

حبيبتي يمكن هاي من تغير وضعك من بنوته لي معرسه ومن خوفج من المسؤوليه حبيبتي عيشي حياتج واذا على الشكل المواصفات اللي قلتيها تغطي على كل شي والله ياما ناس حلوين بس معذبين اللي حوالينهم توكلي على الله وعيشي جوك واحلى فتره ولا ترفضين طلباته دام ما تغضب رب العالمين واذا مو مستحبه ناقشيه ومو حلو بنوته حلوه تكون عصبيه..

والله يوفقج ياقلبي

ويمكن يكون عين وصابتج فما عليكي الا ان تقري سوره البقرة يوميا او تحطيها في بيتك يوميا تسمعيها يعني....


وتحاولي انتي من نفسك تسمعي كلامه لأن زوجك اذا تعامليه بهالشكل بتالقي يدور غيرك تسمع كلامه وتسوي اللي يبيه...

فدام انه بيدك لا تخليه يروح عنك ... وحتا لو ماصار زي زمان انتي إسأليه وقولي له ايش رأيك البس ذا ولا ذا

ايش رايك اسوي كذا.... والله يوفقكم ان شاءلله

اقري على نفسك اولآ .. بعدين هونيها وتهون. . . . .



العصبيه ماتجيب شي !



لآآزم تعتذرين منه علىآ عصبيتك وربي مآلك داآعي < كسر خاطرهآ


لاتخلينه يآخذ عنك فكره مب زينه قبل الزوآج ومثل مآسمعت ان الرجل مستحيل يتغير انطبآعه الاول عن المرآه < يآليت اكون وصلت المعلومه وفهمتيهآ


المهم يآ أختي هوووووووووونيها وتهوووووووووون وربي الدنيآ مآتستآهل تعصبين لاوعلىآ خطيبك بدون سبب !



تقبلي مروري . . .

السلام عليكم
اختي الغاليه
فكري قليلا
وانظري حواليك لقت حصلت على زوج ورجل تتمناه كل فتاه
فيه كل المواصفات
الادب ، الاخلاق ، الرجل المحترم

وانت تنظرين الى شكله .... !!

تقبليه .. تقبلي اخلاقه وادبه وذوقه في تعامله معك
اكسبيه ولا تنفريه منك وتندمين

ادعي الله بان يؤلف مابين قلوبكم وان يجمله في عينيك

اعلمي انك اذا احببت الرجل سوف ترينه اجمل رجال الدنيا
وسبحان الله الشكل مايدوم يتغير مع الزمن ولكن اللي يدوم المعدن الطيب واسلوب التعامل

وادعي الله في صلاتك بان الله يؤلف مابين قلوبكم ويهديكم لبعضكم البعض




دمتم سالمين
اختكم شريفة

SHREEFA;10125733:
السلام عليكم
اختي الغاليه
فكري قليلا
وانظري حواليك لقت حصلت على زوج ورجل تتمناه كل فتاه
فيه كل المواصفات
الادب ، الاخلاق ، الرجل المحترم

وانت تنظرين الى شكله .... !!

تقبليه .. تقبلي اخلاقه وادبه وذوقه في تعامله معك
اكسبيه ولا تنفريه منك وتندمين

ادعي الله بان يؤلف مابين قلوبكم وان يجمله في عينيك

اعلمي انك اذا احببت الرجل سوف ترينه اجمل رجال الدنيا
وسبحان الله الشكل مايدوم يتغير مع الزمن ولكن اللي يدوم المعدن الطيب واسلوب التعامل

وادعي الله في صلاتك بان الله يؤلف مابين قلوبكم ويهديكم لبعضكم البعض




دمتم سالمين
اختكم شريفة

والله الغاليه ..

يا سبحان الله .. ترى خطيبك يمكن في عين غيرج . وايد وسيم .. لو ما تبينه ترى القائمه طويله ..

يا سبحان الله .. ما كأنك بيوم من الايام تقولين متى البس الدبله .. ومتى انخطب..


والحين تبين تطفشين الريال بعصبيتك ودلعك الي ماله داعي .... يوم الي تكونون ببيت اهاليكم .. تقولين بلبس حق خطيبي وبسوي وبحط وبتجمل ..

وياسبحان الله الحين .. ما تتحملين الريال يطلب منك طلبات بسيطه .. الريال قاعد .. يعطيج اشارات افهميها .. محد يتحمل العصبيه والمعامله القاسيه .. وتضارب المشاعر.. لا تخلينه على الاقل تبان جدام خطيبك ..

وانا بقولها لج .. لا هي بعين .. ولا احد حاسدج .. هذي شي من داخل قلبك .. والاساس كله بشكل خطيبك ...
لكنه بيحلا بعينك يوم بيناظر غيرك ,, ولا مدح وحده بفيديو كليب لانها لابسه قصير .. وبتقولين دامه يبي ليش ما قال..

والله شي جميل الريال قاعد يقولج شنو يحب وشنو يبي يشوف.. حريم شوفيهم بالمنتدى .. لو صارو هيفاء وهبي بعد ما يعجب..

راجعي نفسك واكسبي خطيبك... تراها مب بعيده عنه يراجع نفسه .. عنج ,, ويخليكي تضربي اخماس في اسداس... انتي بنعمه لا ترفسيها ..

سامحيني على قسوتي...
بس ابي مصلحتك وما ابيج تضيعين مستقبلج

ام جنى

تعالى نتكلم بصراحة فى واحدة صديقتك أو قريبتك إنخطبت قريب لواحد وسيم ومؤدب ومركزه مرموق...
لأن واضح إن سلوكك ده نابع من المقارنة بينه وبين رجل آخر وطبعا كانت النتيجة فى غير مصلحة خطيبك وبالتالى بدأتى لا شعوريا تنفرى منه ومن طلباته ....
لكن عايزة أنبهك لحاجة ممكن يكون الرجل الوسيم ده زير نساء أو غير ملتزم دينيا أو أو وممكن يكون خطيبك ده اقدر الرجال على حفظك ورعايتك وتقديرك وحبك ....
حبيبتى كل إنسان له 24 قيراط بياخده ممكن يأخذهم كلهم نعمة واحدة وممكن يتقسموا بين عدة نعم ....يعنى ربك مش هيظلم حد ليكى أربعة وعشرين قيراط هتاخديهم هتأخديهم .....فحاولى تنظرى للميزات خطيبك فقط ...وإنظرى لعيوب الرجال من حولك لابد ان تجدى عيوب لكن لنك تنظرين إلى مميزاتهم فقط فأنتى لا تستطيعين رؤية عيوبهم ولأنكى تنظرين إلى عيوب خطيبك فأنتى لا تستطيعين تقدير مميزاته ....
لكن نصيحة لكى إن لم تستطيع تقدير خطيبك وأن ترضى به فاتركيه ليس من أجلك ولكن حرام تظلميه معك إو تظلمى أطفالكم لو ربنا كتب لكم خلفة بعد الزواج...
فكرى جيدا وربنا يصلح حالك ويبعد عنك وساوس الشيطان .

والله يا الغالية على قولت اخوانا وحبايبنا المصريين ... دبور ويزن على خراب عشه ... خلي ربج جدامج يا الغالية ويا حبيبتي ... ترى الرجل ما ينعاب ... وبسهوله بيدور للي يباه برع البيت ... اونتي فتحتي له المجال

اسئلج تريدينه يدور على اللي يريده اي رجل في زوجته في حريم خلق الله ... تريدينه يلتفت لما حرم الله اذا انتي ما اشبعتي غرايزه فسمحي لي انا اشجعه على الزواج الثاني بدل اللجوء للحرام ...

افيقي يا اخية قبل فوات الآوان ترى محد راح ينفعج ..... شوفي مشاكل الاخوات اللي زوجها سكار... مغازلجي ... يضربها ويكسرها .. مسكينات وصابرات يا حليلهن .... بس والله حرام عليج اتقي الله فيه وفي نفسج انتوا توكم بداية الطريج .... ولا تخلين الشيطان بوساوسه تسيطر عليج وعلى تفكيرج ....

هذي فرصتج عشان تحتوينه وتلمينه من البداية قبل ما يطيح الفاس في الراس .... بس غريبة كيف هو متحملج بصراحة سامحيني يا الغالية .... والله كفو عله رجال باين عليه ولد ناس واجاويد .... ديري بالج يا الغالية والله نكلمج على اساس انا خواتج والله العظيم ... ...

البنات ما قصروا وإذا مب مقتنعه فيه لا توهقين ولد الناس وياج ويخسر دم قلبه وعمره في عرس العروس فيه فاشله (( سامحيني )) تحدي نفسج ووجهي كل قدراتج لسعادة خطيبك صبي كل مشاعرج وعواطفج له ...

الفرصة جدامج يا الغالية .... لا تضيعينها ولا ترفسين النعمة اللي انتي فيها زوجج قلتيها محترم وأخلاقة عالية وهذا المهم ....



العتب

هدي من نفسك حبيبتي و فكري شنو الشي اللي يخليكي تعصبي عليه

لازم تفكرين بمميزات خطيبك و تفكرين كيف انه انسان طيب وانه راح يسعدك بأذن الله

بس لازم انتي تسعدي بالاول علشان يقدر اهو يسعدك

هدي من نفسك وحاولي تتقبلي حبيبتي ليمن تتعودي عليه

اختي يمكن هاي عين حاولي تتحصين كل يوم انتي وخطيبك
بس انتي قلتلي انه خطيبك ويطلب منك تلبسين شي قصير كيف يعني هوة الحين خطيبك ولا زوجك؟؟

لا تصغرين عقلج بتفاهات مالها داعي خلج كبيره وفاهمه وواعية

والطلب اللي طلبه منج تراه عاااااادي لا تعقدين الأمور من بدايه حياتكم لأن اذا كان الأساس موب مبني على الإحترام أولاً والحب ثانياً اسمحي لي خيووو بتكون حياتج مع الريال جحيم

احمدي ربج وهذا نصيبج أرضي فيه وخليه بعيونج

نصيحه خيووو اذكري ربج وصلي الليل واقرأي القرآن عشان ترتاحين.. موفقه .. :)(f)