حلمت بأنني حامل

هلا أختي بخصوص التشققات انا بعد صادتني وسببها انه فترة الحمل ما عطيتها اهتمام لازم يوميا ادلك بزيت الزيتون عشان يترطب المكان بس الحمد لله عدت على خير قمت بعد الولاده اسوي لي كمادات ساخنه وخف الالم والتشققات

وبخصوص الحمل الثاني الصراحه كل اللي اسالهم يقولون الحمل الثاني اصعب واتعب من الاول وطبعا كل وحده تختلف من الثانيه وانا من رايي يعتمد على عمرك اذا كنتي كبيره فجيبهم ورا بعض ووقفي واذا كان عمرك صغير فخلي بينهم فرق والله ولي التوفيق

هلا خيو قنوت ... يسلموو على مرورك ..

يعني لو استخدمت زيت الزيتون والتدليلك والمستر مارح ترجع لي مرة ثانيه ...

بنت جيرانه خبرتني انه اذا صادك تشققات في اول حمل .. معناه في كل حمل راح يرجع لك ...


وبالنسبه للحمل مرة ثانيه مجرد تفكير ... والله كريم ..

وعمري 23 عام وشهر ...


وسلامتكم ..

اذا عمرك 23 العمر كله ان شاء الله فافضل ان اول ما تكل بنتك سنتين تحملين ع الاقل تكون شوي اعتمدت ع روحهاااا وتنفستي شوي

هلا خيو .. مشكورة على النصيحه ...

فاطم ما حبيت ادخل وما ارد بس الله يعينج مع التشققات بس مو شرط الي يصير لها اول مره معناه كل مره واعتقد في حلمات تنباع عشات التشققات و عندج بعد زيت الزيتون
وعن الحملة الثانية ما جربت بس الي سمعته ان اصعب والله اعلم

نورتي بمرورش حبيبتي كلمه الحياه ...

تطمنت من كلامكم 50% على التشققات ...

والله كريم ...

وينكم يا امهات ؟؟؟؟ محد بمر بنفس التجربه ؟؟؟

محد عنده خبره ؟؟؟

هلا حبيبتي

بالنسبة للتشققات انا الحمد لله ما صار عندي والسبب اني من اول ما حملت وانا ادهن صدري كل ليلة بزيت
ومو شرط كل مرة يصير عندك تشققات اذا اهتميتي بصدرج من بداية الحمل

وبالنسبة للسيم انا بعد مثلج تم تقريبا شهر حتى من الالم رديت مستشفى الولادة وشافتني الدكتورة قالت لي كل شي اوكي بس صبري علية واهتمي بالمنطقة وبروحة يطيح

والحمل الثاني ما عندي خبرة ...

هلا حبيبتي كربلاء ..

ان شاء الله في الحمل الثاني ادهن جسمي يوميا ... ومااتمنى ترجع لي التشققات مرة ثانيه ..

فاطم بدر;10122013:
..

يعني لو استخدمت زيت الزيتون والتدليلك والمستر مارح ترجع لي مرة ثانيه ...

بنت جيرانه خبرتني انه اذا صادك تشققات في اول حمل .. معناه في كل حمل راح يرجع لك ...


وبالنسبه للحمل مرة ثانيه مجرد تفكير ... والله كريم ..

وعمري 23 عام وشهر ...


وسلامتكم ..

انا صادتني التشققات في الولادة الاولى وعانيت معاناة لان كا يطلع منهم دم غير الالم المبرح بس في الولادة الثانية صادني بس اخف بواجد والوحدة حتى تتحاشى التشققات لاازم تكون العناية من الحمل ان تدهن الحلمات بزيت الزيتون

اما الولادة اول مرة قيصري والمرة الثانية طبيعي والحمد لله

السلام عليكم

بالنسبه للتشققات فهذا كلام غير صحيح ان اذا جاكِ اول مره يعني دوم بيجيك إذا تحملي فهذا غلط لأن كل مره غير جسمك وأسلوبك يتغير يعني بالنظافة والإهتمام .
أم عن الحمل الثاني فمقولة الكبار هي صحيحه بأن كل حمل يختلف عن الآخر وهو كما اسلفت سابقا النمو الجسمي له دور والبيئي له دور وهناك من تكون لديها مشاكل مشتركه في كل حمل وهي اسباب مرضيه عضوية وراثية مثل السكري او الضغط اما باقي المشاكل فهي تختلف في كل مره لأنها ليست عوامل وراثية حتى في كل حمل تضهر .. وبالنسبه انك تفكري تحملين فنصيحتي لك ِ ان كنتي ربة منزل وقادره على تربية إبنتكِ الأولى والطفل الجديد والأهتمام بمنزلك ِ وزوجك ِ فلا يضر من التفكير بالحمل الثاني .. ولكن إن لم تكوني ربة منزل او لم تكوني قادرة على تحمل أعباء الطفل الجديد والطفل الأول والاهتمام بمنزلك ِ وزوجك ِ فلا انصح به ..ولو ان الأطفال كلما تقاربت اعمارهم كلما كان افضل من الناحية الإجتماعيه للطفل بس يبي له صبر من جد .
اما عن السيم بالولادة الثانيه .. فمثل ما قلت كل مره غير وليس شرطا يخيطوك ِ سيم بكل مره انا صديقتي عندها اولاد اثنين ولامره خيطوها سيم !!وهي تولد طبيعي لان توسع الرحم كان كافي لولادة الطفل من غير عملية قص ولكن المهم في الأمر النظافة الشخصيه والتحرك حتى يلتئم الجرح وليس الجلوس والخمول وايضا ليس المعنى من الحركه هو العمل والامور الثقيله لا فهذا ايضا له مساوئ منها ينفتح الجرح او يدخل هواء بالرحم ومن هيك شغلات .. فلأصح الحركه الخفيفة بين الفينة والآخرى من مشي بسيط في أنحاء الغرفة او المنزل صباحا ومساء من دون ارهاق الجسد ..

تحياتي لك ِ
أم ميمي

هلا خيو بسمه اطفالي .. نورتينااا ...

التربيه الحين صعبه .. شلون باثنين .. الله كريم ...

اني مفكرة لمن بنتي تكمل سنه ونصف بعدين اجيب الثاني ...


نور مرااام ...

اسعدني مرورش خيوو ... ومشكووووورة ..


ام ميمي ...

مشكورة خيو على النصايح ... راح اتذكر كلامش على طول ..

اني ربه بيت حاليا :o... ماحصلت وظيفه مناسبه للحين ..



دعواتكم ...

السلام عليكم
اختي اني كنت استخدم كريم
اسمه ميبو احطه على الحلمه عن التشققات وقبل لا ارضع ابني طبعا اغسل الحلمه زين

وبالنسبة للحمل الثاني سمعت الولاده اصعب بس في بعض البنات قالوا لي اسهل يعني يعتمد على حسب المرأة

يسلمووو خيو الساقيه على مروررش الطيب ..

والله يسهل الاموووور ...

مو شرط حبيبتي بكل حمل يصير عندج تشققاات

أني بأول حمل صاارت عندي و ذبحتني و بالحمل الثااني بعد بس أخف

و أماا الولاادة و السيم فمثل ماا يقولوون كل حمل يختلف عن الثااني

و عني أني فالحمل و الولاادة ببنتي و ولدي نفس الشي وماا اتغيرت عندي الولاادة "صعبة"

من جذي خاايفة أني من تجربة ثاالثة !!

و السيم نفس الشي ظل لي تقريباً شهر و هذا الشي بالذاات يحتااج عنااية و اهتماام

حتى يتمااثل للشفااء بسرعة و ماا اتصيدج مضااعفاات

و اتأكدي ان مو كل اللي اتعااني منه بعض النسااء انتين بعد بتعاانين منه

لأن من وحدة لوحدة يختلف و أسمع يقولوون ان الحمل يعتمد على العمر و الفرق بين الولااداات

و الله يسهل على الجمييع و يرزقهم و بالذاات المحروماات بالذرية الصااالحة

هلا حبيبتي

لا تحاتين من الحين بالنسبة حق التشققات في ولدي الاول صادني اكثر بس في الثاني صادني خفيف وفي الحالتين استخدمت كريم اسمه افالون وااايد زين

وبالنسبة حق السيم مو شرط يسوونش سيم واجد لان الثاني احيانا ما تحتاجين حق شق او شق خفيف

هلا خيو ام مراااام ..

كابوس الولاده مسيطر عليي للحين .. ومااتصور ادخل هالغرفه مرة ثانيه كل مااتذكر التعب ..

وعقب الولاده فطووم تعبتني على طول صياح وغير التشققات الي هلكتني ..


الله يسهل على الجميع ..


خيو دودة1 ...

استخدمت كريم افالون ومافاد .. لانه كان جرح عميق جداا .. واضطريت اوقف رضاعه واعتمدت بنتي على الصناعي من صغرهاا ...

وان شاء الله مانحتاج للسيم مرة ثانيه ..


الله كريم ..

فاطم بدر;10134840:
هلا خيو ام مراااام ..

كابوس الولاده مسيطر عليي للحين .. ومااتصور ادخل هالغرفه مرة ثانيه كل مااتذكر التعب ..

وعقب الولاده فطووم تعبتني على طول صياح وغير التشققات الي هلكتني ..


الله يسهل على الجميع ..