ضروري يابنات حواء

بسم الله الرحمن الرحيم

وبسمة تعالى

وقولوا ما شاء الله


طبعا بنات انا الفرحة مو شايلتني ومو شايلة ولا احد من البيت خير شر وعلى طول حلجي مشقوق ههههههه من الفرحة.

طبعا وعت بنات وايد وهم بنات تجهيزات بنات البحرين وشات البحرين وربعي وحبايبي ما ابي اذكر اسماءهم اهما يعرفون روحهم وكل منتدى عروس اني اكتب لكم خبر وقصة.

انا اختي لكبيرة صاحبة القلب الحنون ام الكل واكبر حفيدة بالعيلة صاحبة الطيبة والاخلاق والصدق والمركز وكل شي الله موفقنها بكل شي بحياتها والحمد لله.

طبعا اختي صار لها 11 سنه متزوجة والله ما كتب لها انها اتشوف ذريتها او ثمرة شجرة حبها وهذي مشيئة الله (سبحان الله).

طبعا اختي حاولت في كذا بلد منها الاردن ،مصر والبحرين بالمستشفيات والمشكلة تعود الى زوجها من بداية زواجهم تعرض الى عملية افتاق وتم العملية وتخيط العملية على الوريد المؤدي الى خروج الحيوان المنوي وانحصارهم وموتهم او يطلعون اضعاف المهم كان يستخدمون علاجات كبيرة والله ما كتب لهم خير شر.

المهم اختي من قبل تقريباً 3 اشهر صار ما بينها وبين اهل زوجها خلاف طبعا هذا بكل بيت يصير هذا الشي بس المشكلة كانت اختي من النوع الاخر الى ما تحب اتصير مشاكل ونفسيتها تتعب دائما لين احد يزعل منها حتى لو اهي على حق وخلت هم الدنيا كل على راسها.

طبعا ما كان عندها سالفة ولكن لكل شي سبب يا سبحان الله.

المهم اختي يت فترة من الفترات والى اهي بالاحرى الشهر الى فات اتصلت فيني وقالت لي انتي وين وجاوبتها اني طالعه من الشغل قالت لي ممكن اتمرين الصيدلية قلت لها ليش اش فيش وكان في خاطري اني كنت اروح الستي سنتر المهم قالت لي انتوا كلكم منشغلين عني ما في الى انا اداري عليكم كلكم بس ولا وحده فيكم اتحس فيني اقول لكم فيني صخونه ولا احد معبرني قلت لها الحب اصخونه عادي الحين اروح لج الصيدلية وايب لج احبوب من عندهم وايبه لج واروح وياج الستي سنتر وقالت لي بعد ابي اختبار الحمل قلت لها شنو :eek::eek::eek::eek::eek: ليش قالت لي الدورة متأخره علي 4 ايام قلت لها عادي قالت انا من خلقت الى الحين ما اتأخرت علي المهم انا غلقت التلفون من عندها ولدموع اربع اربع قلت هاي بقايا جنون اختي مسكينة لان اول ما اتزوجت وايد نفسيتها تعبت لان اختها لصغيرة اتزوجت وللحين اهي ما صارت ام المهم رحت صيدلية رويان بشارع لبديع ورحت الى صيدلاني وانا اصيح واقول له اختي 11 سنه متزوجة والحين الدورة متأخرة عليها 4 ايام ابي احسن نوعة اختبار حمل واغلى شي وشي ثقة بليز وحتى الكشير الى في الصيدلية دمعت عينها علي وقالت اذا حامل يبي الحلاوة والصيدلاني طلع لي اختبار الحمل قال هاي احسن واحد عدنا حتى تقدر تستخدمة قبل حلول الدورة المهم اخته ورحت لها البيت بسرعة وما ادري اشلون انا اساساً كنت اسوق وطبعا كنت ابي اتصل الى امي وزوجي بس اهي كانت محلفتني اني ما اقول الى احد للين ما نتأكد وزوجي بهل الاثناء اتصل فيني ونفزع اش فيش وجدبت عليه جدبة بيضة اني متهاوشة بالشغل قال مستحيل شي غير مو هاي قلت له خلني الحين اشوي وبتصل لك المهم وصلت الى اختي بسرعة البرق وقلت لها يالله دخلي الحمام سوية قالت لي انا ما اعرف ولا عمري اشتريته ولا اعرف اشلون اسوية :confused::confused::confused: طبعا انصدمت اختي الى اكبر مني الى المفروض اتعلمني هذي الاشياء ما تعرف لها تخيلوا ياناس (مشيئة الله) (يا سبحان الله) المهم يبت لها كأس وقلت لها ......... فيه وطلعية لي وبسوية لج المهم دخلت وعطتني الكأس وسويت لها الاختبار !!!!!!!!!!!!!!!!!!!!!!!!!!!!! يا سبحان الله، يا سبحان الله، يا سبحان الله تخيلوا اول ما خليت التست فيه وهو يرتفع السائل فيه ويطلع لي خطين انا من الصدمة ما كنت مصدقة انتضرت دقيقة لا صج اختي حااااااااااااااااااااااااااااااااامل طبعا انا اجمت مكاني ولدموع تنزل مني وما كنت اكدر اتكلم وهي اتهززني اتقول لي شنو مو حامل له وانا اطالعها واصيح واصيح وسترجعت قواي وقلت لها انتي حامل وحضنتها واصيح واتصلت الى امي وانا اصيح واخبرها وامي طاحت من الفرحة والصدمة واختي تصرخ اش صاير اش ففيها امي ما كان عندي وقت اني اقول الى اختي لصغيرة وسكرت التلفون واتصلت الى زوجي وانا اصيح فلان اختي حااااااااااااااااااااااامل، رد علي حبيبي لا تمزحين بهل المزحات الثقيلة طبعا كان حلم وصدمة وحكمة الله يا سبحان الله وطلعت من بيت اختي ورحت سيدة بيت ابوي دخلت ابوي يحضني ويصيح ويقول حامل وكان يغني ويرقص والكل اختبل حتى الخدم كانوا ادمع اعيونهم علينا (تدرون وانا اكتب لكم طاحت ادموعي) وبس لان وايد طولت عليكم وقلت لكم جزء من قصة حياتنا.

- طبعا يا بنات كل شي يصير من كتبة الله تدرون ان اختي فوق 4 الى 5 اشهر وقفت علاج ويأست وقالت اخواني وعيال خواتي اهما عيالي (طبعا معلومة ان عيال اختي يحبون اختي هاي اكثر من امهم من كثر ما اهي مدلعتنهم وتشتري لهم وطلعهم)

- طبعا يابنات اختي طلعنها من شغلها اجازة اطرارية لزوم الراحة وحتى الوزير الى اهي مديرة مكتبة استانس ونصدم.

- طبعا هاي المولود اذا الله تمم لها على خير بكون اعز بنت او ولد في العائلة وبكون طعمه غير.

- طبعا اختي متنسيه علي وتحبني وايد وايد وعلى طول تبيني اكون وياها في كل شي حتى من قبل اسبوع خلتني اروح وياها الى اتراسوند اشوف البيبي ما كان يبين كلش صغير.

- اخت لها البوم وخليت لها اول صفحة خالية بكتب لها قصة حياتها كلها وثاني صفحة غلفت اختبار الحمل وخليته في الالبوم وثالث صفحة اول اتراسوند والرابع وحدة الى الاسبوع الى فات والى لين ماي المولودة او المولد بس اختي خاطرها في بنت اتقول ابي ادلعها بس بعد الى ي من عند الله حياه الله وبكون غالي ولد غاليه.

- دعواتنا الى كل وحدة تبي والله ما عطاها خلي املج بالله قوي.

- طلب منكم ان تدعون لها الله يتمم لها على خير لان بالفوحصات تبين وي تكون الجنين ضهرت الياف بالرحم ونزيف عدها وحدنا خايفين بس بعد املنا بالله اقوى من الطب وتطورة.

- طبعا انا حتى لو افكر الحين احمل تلقائيا راح اجل الموضوع لان الطفل الى بي من عندي بكون منسي هههههههههه الاهتمام كله الى ولد الغالية.

- طبعا انا راح اسوي الى اختي احلى توزيعات واحلى ضيافة واحلى ترتيب واحلى اثياب باخذهم لها وكل شي بسويه لو يحلى لي البسة اثياب من ذهب والماس بسويها له.

- احلى موضوع انها راح اتصير ام حقيقية.

اعتذر على طول الموضوع بس والله لو تعرفون فرحتي بعدين بتعرفون ليش الموضوع طويل لو شنو اكتب ما راح اكتفي.

تحياتي

عروس متفرغة



طبعا طلب من يتوم شنو كان شعور زوجها راح اكتب لكم

كنا انا واختي بالحجرة وصار العفسة وهو ما حاول يدخل على اساس خوات وي بعضهم وطلعت اختي وهي حاملة الاختبار وتعطيه اياه وانا كان عندي التلفون اصور لان ما كان في استعداد اكتفيت بكيمرت التلفون وعطته اياه وهو بعد ازيد من اختي يقول هذا شنو ويلس يطالع ويقول شنو هاي ويودة يمين ويسار وفوق وتحت وما عرف شنو هاي وقالت له اختي انا حامل وهي اتصيح كانت اساساً طبعا ردت فعلة الكل بقول لي انه وقف وحضنها صح :D:D:D:D:D لا ابد وقف وهو مصدوم ويود الباب وطلع ومكنا ندري وين راح بعدين اكتشفنا انه ركب سيارته واتصل الى عديلينه الى اهما زوج اختي وزوجي ويلس يبجي ومو مصدق وراحوا له يهدئونه وطلب منهم يروح اي مسيد فاتح يصلي صلاة الشكر وللحين مو مصدقة انه بصير ابوا على طول اذا مرته يمة يدة على بطنها وطبعا انا المستشار مالهم يسالوني يصير يحط يده لو لا :wink::wink::wink::wink: