حاسة بقلق ..من الحمل - منتديات عروس

ر

رقة الورد

عروس مبدعة

13-08-2009 | 02:40 AM

السلام عليكم /

شخباركم عرايس ؟؟

مدري موضوعي تعبروه مشكلة أو سخافة ..لكن بجد دايم أفكر ..

أنا متزوجة لي 3سنين و5شهور ..وعندي ولد عمره سنتين و8 شهور ..جبته بعد زواجي ب9 شهور بالضبط الحمد لله ..

المشكلة زوجي يبيني أحمل الحين ..وأنا احس انو ولدي لساته صغير ..وكل ما اتذكر تعب الحمل ووجع الولادة أخاف ..غير كذا أنا ما ارتحت من اول سنة من زواجي جبت ولدي وتعبت وما شفت الراحة ..وودي الحين اعوض لما بدا يكبر ولدي ..

ودايم اتخيل كيف الوضع ومعي بيبي صغير مع ولدي ..وكل شي أحسه صعب ..:ss:

حاولت أقنعه بكل الطرق لكنه رافض ..يقول لي جيبي بيبي ثاني ووقفي بعدين الوقت الي تبيه ما عندي مانع عساه لو 10 سنين ..!

فكرت اخذ حبوب منع الحمل من وراه ..بس خفت يعرف ويزعل مني خصوصا ً ان احنا متعودين ع الصراحة ومتفاهمين وااايد ..:15:

مدري شسوي ..أوقات أقول خلاص بخليها على الله والي كاتبه بيصير ..وولدي بيكون عمره حزتها 3سنوات ونص يعني مو مرة صغير ..ولا أدري ..!

الي أطلبه منكم حبوبات ..تقولون لي تجاربكم لما جبتوا البيبي الثاني ..من ناحية تعب الحمل وعندك طفل ..والتعامل مع الطفلين فالبداية كيف ..صعب أو سهل ..؟

صحيح الطفل يهدأ ويتغير للأحسن لما يجي معاه أخ ؟؟

تعتقدون ابالغ فخوفي ..؟

على فكرة عمري 24 ..وزوجي 30..وما اشتغل قاعدة فالبيت ..!

أختكم /رقة الورد

L

Lovely lolo*

عروس ماسية

13-08-2009 | 03:11 AM

بصراحة ماعندي تجربة بكرية
بس اللي اسمعه انه سنتين كفاية وحلو الاطفال يكبرون مع بعض
وترة حمل من ثاني يختلف يعني يمكن يكون اسهل من الاول خاصة عندك تجربة
وانتي في البيت مااعتقد يكون كثير صعب تربين اثنين اطفال

وانا اتذكر من كنت صغيرة العب مع اخوي بيننا سنتين فرق
وللحين نتذكر سوالف ونضحك عليها

ولو حملتي الحين بعد 9 اشهر يكون ولدج صاير 3 سنين يعني اتوكلي على الله
وماكو احلى من الاطفال :)
وصحيح نفسية الطفل الاول يتغير للافضل مع اخو يلعب معاه

ب

بنت القمر وأحلى قمر

عروس ماسية

13-08-2009 | 04:46 AM

انا من رأي انك تتفاهمي انتي وزوجك اولا وإذا مارضي خلاص اتوكلي على ربك واتركي الحبوب محد يدري يمكن تتأخري وربي مايريدلك الحمل الحين ويمكن ربي رايدلك خييير وتحملي على طووول فكلا الحالتي ن خييير

ر

رقة الورد

عروس مبدعة

13-08-2009 | 04:57 AM

الف شكر على ردودكم حبيباتي ..وانا ما استخدم حبوب ..مانع طبيعي ...

تسلمووون وياريت الاخوات يفيدوني بتجاربهم ..

°

°• أم السآإدة •°

عروس ماسية

13-08-2009 | 05:02 AM

أهليين حبيبتي

أولآ فكرررة حبووب الماانع شيليها من باالج حراام تسوين شي من ورااه

بعدين ولدج ما شاء الله علييه معررررس خلااااص هههههههههه

لا وايد زين فاارق السن بينااتهم

وآنه أييد زوجج أن يكون هاي الفارق بينهم

لا تكسريين بخاطر زوجج

والله يسر لج ووفقكم

خاصة أنتي بالبيت يعني بجابلينهم ماتشتغليين << تعجبيني

عني آنه هذاا بجري

دعواتج!

ر

رقة الورد

عروس مبدعة

13-08-2009 | 05:37 AM

الله يقومك بالسلامة أم سيدون ..وتسلمين على الطلة الحلوة والكلام المشجع ..

ما قصرتي قمر..

ا

البندري2000

عروس مشرقة

28-08-2009 | 05:15 AM

السلام عليكم بصراحه انا مع زوجج ويمكن اخالف شوي
انا مع المره اللي من تفطم ولدها تجيب الثاني اقل شي يكون معاه سند خخخ حزه الاهواش يفزع
وبعدين لوتجيبين اثنين قد بعض وبعدين توقفين اربع سنوات اهوون
من انج توقفين بين كل واحد ثلاث سنوات
الله يوفقج بس دامج تاكلين حبوب منع ترا مايتم حمل على طول مب شرط

ن

نور سوريا

عروس مبدعة

28-08-2009 | 05:37 AM

حبيبتي انا برأيي توكلي على الله ابنك مو صغير كتير ومن هون لتولدي بالسلامه

بكون كبر اكتر ومشان تعب الولاده ربك بهونهااا

الله يكتبلك إلي فيه الخير

ف

فتاة المستحيل

عروس مشرقة

28-08-2009 | 08:18 PM

انا الحين قاعدة اعيش هالتجربة وللحين مو عارفة شنو بيصير لما يجي الثاني هههههههههههههه

انا ولدي عمره سنة ونص الحين ولما اولد ان شاء الله بيكون سنة و11 شهر ....كنت ابي اقعد على الاقل 3 او 3 سنين ونص بين الاول والثاني لاني تعبت بولادتي بعملية قيصرية وتعبت كثيررررررر...... بس سبحان الله ربج اراد هالشي وصدقيني فالبداية زعلت كثير وكنت ابكي لان ولدي وااايد صغير وللحين مو مستوعب شنو يايه هههههههههههه وهمن كنت خايفة من الوحام لان بحملي الاول كنت اخذ ابر مثبتات بس كان الوحام خفيف جدا جدا بس فس هذا طلعت عيوني وحامي كان متعب جدا جدا يعني مو شرط تتعبين في الاول انج تتعبين في الثاني انا في وحامي الاول كنت زينة في وحامي الثاني تعبت كثيرررر .....يمكن تكونين العكس تعبتي في الاول في وحامه في الثاني ما تتعبين ابدا ان شاء الله ....... بس في الاخير سلمت امري لله وكاني ناطرة اعيش الاجواء مع اثنين ههههههههههه الله يعين بس والله لما افكر بناس الود ودها يجيها بس واحد وماابي اتبطر على نعمة ربي واللي يجي من الله حياه الله .....انا اختي صار لها 10 سنين متزوجة وما عندها عيال والله مرات اقعد ابكي كثير لما تقوللي والله ابي واحد بس واحد انا راضية تخيلي ..دعواتكم لها بهالشهر الفضيل.....الحمدلله على النعمة احملي وتوكلي على الله وبعدين ولدج بيكون ما شاء الله 3 سنين بسم الله عليه معرس وصدقيني بعدين انتي خليه يساعدج يعني قوليله مثلا جيب حفاظة اخوك سوا يع مثلا يروح يجيبها .....وشجعيه بالتصفيق او الكلام الحلو ..... بيحس انه سوا شي وانه انجر شي صج بس جاب حفاظة لكن بالتشجيع صدقييني شخصيته بتتغير للاحسن وبيحس انه موضع اهتمام منكم مو بس البيبي ....وصج بيكبرون مع بعض ويساعدون بعض ويدافعون عن بعض .....

هذا اللي ناوية اسويه مع ولدي ان شاء الله وادعي ربي انه ما يكون في غيرة بينهم واني احاول اوفق بين الاثنين من رعاية واهتمام يااااارب ...انا بعد نفسج ما اشتغل وقاعدة عشان سواد عيون اليهال ههههههه

ربي يرزقج الذرية الصالحة وبشرينا عنج ان شاء الله ......

ف

فتاة المستحيل

عروس مشرقة

28-08-2009 | 08:35 PM

شوفي هالموضوع ....كنهم يدرون عننا .....

http://forums.3roos.com/t479909.html

أ

أمـيــرة بصمتـــي

عروس مبدعة

28-08-2009 | 10:28 PM

توكلي على الله ..

أنا بنتي عمرها سنتين ونصف الحين وأنا قلت ما أبي أحمل إلا لما تكمل ع الأقل ثلاث سنوات ونصف لكن الله كتب وحملت .. والحمدلله أحس السن مناسب ..

وإنتي تقولي قاعدة في البيت يعني عادي ما تحاتين شي ..