السلام عليكن يا عروسات
يا ربات البيوت
يا حلوات
يا اي وحده عندج حسن تدبير منزلي أو تنظيم
ساعدوني :confused:
.
.
ابا انظم وقتي بالثانية و الدقيقة:
عندي وايد التزامات ومب عارفة كيف ارتب وقتي:ss: ، ساعدوني
1. عندي نونوووو صغيرررررررره و يبالها اهتمام و عنايه:confused:
2. ترتيبات بيتي من تنظيف و غسيل ومسح و كراف ، وبيتي نوعا ما كبير (غرفتين نوم ، صاله ، ميلس خارجي ، ميلس حريم ، مطبخ ، 3 حمامات ، و حوش كبيرررررر ، و زرع )
3. ادرس و دوامي من الساعه 8 الصبح لين الساعه 3ونص الظهر (يعني نص يومي فالكليه)
4. طباخ ريوق و عشا لريلي (ماطريت الغدا لاني اتغدا بالكولج و هو ببيت عمتي)
5. عندي مذاكره وبروجكتات و امتحانات
6. العلاقات الاجتماعيه من زيارات لأهل ريلي و اهلي و ربيعاتي
7. من غير اني ابا وقت لنفسي و اهتمامي بشكلي وجسمي
8. وقتي لريلي (مابا اقصر معاه ابدا و ابا اسويه الليالي الرومنسيه اللي يسوونها كل الحريم )
.
.
.
شاسوي ؟؟؟؟
(احس اني بتخبل من كثر ماحس ان يومي مزحووووووووووووم و عندي وايد اشياء اسويها)
اي وحده عندها لي فكرة او جدول يومي ممكن امشي عليه دخليكن لاتبخلن عليه به
اهئ اهئ اهئ
.
.
.
اتريا آرائكن و افكاركن و يزاكن الله خير مقدماااااااااا
.
.
.
.
.
.
.
.
.
.
.
.
:(
حاولي قبل لا تنامين تجهزين كل شي للفطور
ومن تقعدين تسوين الفطور عالسريع وتروحين الكلية
اذا رجعتين الساعة 3 ونص ، اخذي دش سريع وارتاحي لش عالاقل ساعة
وبعدها قومي قعدي ويا بنتش وزوجش
المغرب طلعي شوي غيري جو
ووقت الرجعه سوي لش عشا خفيف او اشتري جاهز اذا ماكو وقت
وقبل لا تنامين خصصي لش ساعة او ساعتين للمذاكرة ولا تسهرين
لان السهر ما يفيد
وليش ماتجيبين لش شغاله تنظف وتطبخ لش؟
هذيان;10118111:
حاولي قبل لا تنامين تجهزين كل شي للفطور
ومن تقعدين تسوين الفطور عالسريع وتروحين الكلية
اذا رجعتين الساعة 3 ونص ، اخذي دش سريع وارتاحي لش عالاقل ساعة
وبعدها قومي قعدي ويا بنتش وزوجش
المغرب طلعي شوي غيري جو
ووقت الرجعه سوي لش عشا خفيف او اشتري جاهز اذا ماكو وقت
وقبل لا تنامين خصصي لش ساعة او ساعتين للمذاكرة ولا تسهرين
لان السهر ما يفيد
وليش ماتجيبين لش شغاله تنظف وتطبخ لش؟
ان شاء فعلا و هذا اللي ناويه اسويه ، اجهز عجيني عشان بالليل عشان بعد صلاة الفجر اخبزهاااا ، ياليت عندي وقت اطلع ؟!
انا طول الفتره اللي طافت العشا و الريوق كله من براااا ، زهققققققققققققت و ريلي بعد زهق من اكل براااااااااااا و بعدين انا ابا اهتم بأكل ريلي و اكلي بعد لاني ارضضضع ، و تعرفين ليش انا مابا اييب خدامة؟ لان ريلي دوامه قصييييير و انا اخاف على ريلي من الخدامة وبعد لاني تجاربي السابقه مع الخدامات خلتني اكرههن وما افكر ادخل اي خدامة بيتي و اعتمد على نفسي بالدرجة الاولى
.
.
.
يزاج الله خير حبيبيتي ماقصررررررررتي
ربي ينولج اللي فبالج يارب
وجود البشكاره فالبيت يعدم الخصوصية
ويشيل البركة ، هذا غير المصايب اللي تسويها
مرحبا اختي الله يعينج صراحه بعطيج جدول وشوفي يمكن يناسبج
بالنسبه حق تنظيف البيت
خصصي الويكند للتنظيف كامل البيت وخلال الاسبوع بس نظفي غرفة النوم وغرفة الصالة والحمامات اللي تسخدمونها ميلس الحريم والميلس الخارجي نظفيهم مره في الاسبوع بس لان ماتستخدمونهم وايد
والحوش والزرع جيبي لج زراع او صبي هو يقوم بالمهمة هاي مرتين او 3 مرات في الاسبوع
وغسيل الملابس مرتين في الاسبوع حطيهم في الغساله وانتي تطبخين والكوي حاولي تكوين في الويكند
بالنسبه حق الدراسه حاولي تدرسين في الجامعه في البريك اذا عندج او خلي لج ساعتين بعد العشا من 10- 12 مثلا
الريوق والعشا
الريوق امره هين جبن لبنه- بيض -يعني اشياء خفيفة
العشا
تقدرين تجهيزينه من العصر او في الويكند اتقطعين الخضرا كلها واللحم تبهرينه عشان ايام الاسبوع يكون جاهز عندج بس عليج تطبخينه
وتقدرين تنوعين في الاكل يوم سندويتشات مثلا ااذا هاليوم كنتي وايد تعبانه والويكند مثلا تاكلون برع او تطلبون من برع
والزيارات خليها في الويكند اذا ماعندج وقت
&
нαуσσиα ~» ❥ ²°
عروس مبدعة
13-08-2009 | 03:00 AM
الله يعيييييييييييينج والله !!
بس مادري شاقدر اساعدج غير بدعاء الله يسر امورج وويفقج بدراستج وخليلج النونو وابوها ^.~
بس عندي اقتراح
دامج تردين 3 ونص
ليش ماتاخذين لج شغاله بساعات يعني وقت رجعتج من الدوام تكون اهي يايه تنضف لج البيت وقت الي انتي موجوده فيه ..
أحلام صغيرة;10118262:
مرحبا اختي الله يعينج صراحه بعطيج جدول وشوفي يمكن يناسبج
بالنسبه حق تنظيف البيت
خصصي الويكند للتنظيف كامل البيت وخلال الاسبوع بس نظفي غرفة النوم وغرفة الصالة والحمامات اللي تسخدمونها ميلس الحريم والميلس الخارجي نظفيهم مره في الاسبوع بس لان ماتستخدمونهم وايد
والحوش والزرع جيبي لج زراع او صبي هو يقوم بالمهمة هاي مرتين او 3 مرات في الاسبوع
وغسيل الملابس مرتين في الاسبوع حطيهم في الغساله وانتي تطبخين والكوي حاولي تكوين في الويكند
بالنسبه حق الدراسه حاولي تدرسين في الجامعه في البريك اذا عندج او خلي لج ساعتين بعد العشا من 10- 12 مثلا
الريوق والعشا
الريوق امره هين جبن لبنه- بيض -يعني اشياء خفيفة
العشا
تقدرين تجهيزينه من العصر او في الويكند اتقطعين الخضرا كلها واللحم تبهرينه عشان ايام الاسبوع يكون جاهز عندج بس عليج تطبخينه
وتقدرين تنوعين في الاكل يوم سندويتشات مثلا ااذا هاليوم كنتي وايد تعبانه والويكند مثلا تاكلون برع او تطلبون من برع
والزيارات خليها في الويكند اذا ماعندج وقت
مشكورة حبيبي عالجدول و مافصرررررررررتي
صدق صدق ماقصرتي
حسييييييت بالراحة من قريت ردج و ان شاء الله جاري التطبيق
انا ناويه ادرس بالكليه و اجهز كل شي بالليل قبل ما اسير و سالفه الصبي ماروم اسويها خخخ شو خانت ريلي عيل انا اكرف و هووووو من الجماهير بخلي هالشغله له هوووو بس ان شاء الله يرضى
مشكورة حبيبي ماقصرتي و يزاج الله خير
دانو الكرز;10118397:
الله يعيييييييييييينج والله !!
بس مادري شاقدر اساعدج غير بدعاء الله يسر امورج وويفقج بدراستج وخليلج النونو وابوها ^.~
بس عندي اقتراح
دامج تردين 3 ونص
ليش ماتاخذين لج شغاله بساعات يعني وقت رجعتج من الدوام تكون اهي يايه تنضف لج البيت وقت الي انتي موجوده فيه ..
ربي يعين الجميع يالغاليه و اجمعين ان شاء الله
يزاج الله خير عالدعوه الطيبه ماقصرتي
ان شاء الله اقتراحج بقوله لريلي و ان شاء الله يوافق يارب
ماقصرتي فديتج
يزاج الله خيررررررررررررررررررررررررر
وينكن يا حلوات ؟؟؟
محتايه افكاركن
مرحبااااااااااااااا عفرة صباح الخير
ضحكتني سالفة انو ريلج من الجماهير ههههههههههههههههههههههههههههههههههههه
بذكر جدولي سابقا الحين أنا تخرجت
راح أضبط لج جدول وأرجع ... طيب ؟
الريوق مش مهمة صعبة يعني أي ثنك يمشي
<بيض مسلوق > يتحضر حتى من الليل
<بيض مقلي
<جبنة زيتون لبنة مربى عسل + شاي حليب " حبيب الكل"
يعني كلها حواضر .... << أنا كنت أتريق بالجامعة>>
** اتيسري كليتج ووقت البريك اكتبي لج نوتة بالأعمال اللي لازم تسويها اليوم
- أنام ساعة
- كنس غرفة الجلوس " 10 دقائق "
- غسل الحمام الأكثر استخداما " 10 دقائق"
- اعمل الأسايمنتات الواجبة علي " حددي لها وقت"
- أدرس اختبار ".............."
- أقعد مع بنتي شوي " ساعة"
-آخذ لي بريك يبدأ من قبل أذان المغرب بربع ساعة أغمض عيني وأريح قبل الصلاة
- أصلي وأسوي العشا وأتعشى " 2ونص ساعة"
كل شغلانة تطبقيها من النوتة شطبيها ... وراح تحسي بدافع انك تكملي شطب النوتة كلها وتنجزي كل أعمالك ...
الأعمال المنزلية الباقية خليها للويكند أقعدي الصبح الساعة 8 وريلج معاج باتفاق مسبق
واحد يكنس وآخر يغسل وعال11 بتخلصون أكييييييييييد
خذولكم فرة مع بنتكم الصبح وروحي عند أهلج ومعج كتبج ومستلزمات الدراسة ان وجد ...
وجي يعني تمشي الحياة
بس اعتمدي على كتابة النوتات وطبقيها مررررررررررررررررررة بترتاحين من اللوية
أتمنى أفدتج خيو .. الله يتمم لج دراستج بخير ... أنا ألحين أدور أيام الضغط وحشتني ... لأني صرت ألحين فاضية لوووووووووووووووووووووووووووووووووول ..خخخخخخخخخخخ
و
ولــــWALAHــــه
عروس رائعة
13-08-2009 | 06:45 AM
هلا اختي عفرة
اقتراحي الاول لك هو ان تعملي بقول نبينا صلى الله عليه وسلم عندما طلبت منه اليسده فاطمة ان يكون لها خادمة وأتت أباها النبي صلى الله عليه وآله وسلم وطلبت منه خادمة ، فقال لها : يا فاطمة أعطيك ما هو خير لك من خادم وم الدنيا وما فيها .
قالت : وما ذلك يا رسول الله ؟
قال : « تكبّرين الله بعد كل صلاة أربعاً وثلاثين تكبيرة ، وتحمدين الله ثلاثاً وثلاثين تحميدة ، وتسبحين الله ثلاثاً وثلاثين تسبيحة ، ثم تختمين ذلك بلا إله إلاّ الله ، وذلك خير لك من الذي أردت ومن الدنيا وما فيها »
وفعلا لو سويتيها عن يقين تحسي ان طول يومك وليلتك فيها بركة انا مجربتها لدرجة انك تحسيها احيانا صعبة لاني ما اكملها والقى نفسي نايمه
واقتراحي الثاني زوجك لازم يساعدك في بعض الاعمال وخاصه ان دوامه قصير زي ماقلتي الزرع والحوش خليه عليه ولما تقومين باعمال المنزل خليه يساعدك وخاصة انك انت لسه ماعندك اللي يوسخ البيت فالاعمال بتكون تنفيض غبره لا اكثر
موفقه حبيبتي والله يعينك
الله يكون في عونك خيتو والله الاعمال ماتنتهي اببببببببببببببد
انا وبيتي صغير وجالسه بالبيت مالحق على شي والله من الالتزامات الاجتماعيه وبنتي الله يصلحها والله
بس انتي عليك بالاجهزه ... انا سمعت انه غسالة الصحون ماتحتاج شغل يعني ماتعبين نفسك بغسيل صحون وخلافه تجمعينها بالغساله وتشغلينها وبس
الملابس نفس الشي غساله توماتيك والافضل تشترين نشاف بالحرارة ينشف لك الملابس كنها مكويه تطلعينها وتدخليننها الدولاب مباشرة ماتحتاج كوي وتعب
وسمعت انه مكوى البخار سهل وسريع بس والله مابعد جربته اللي يحكون عنه .. انا جربت كون اير الصغيرة مب زينه ..
والبيت نظفيه كل اسبوع من تمسيح وخلافه .. والغبار بمنفظة الغبار يوميا وبس ..
والحمدلله بنتك لسا صغيرة فما تحتاج تعب وحوسه ... والله يوفقك في دراستك ويعينك على العناية ببيتك وزوجك وبنوتتك الله يخليهم لك
عزيزتي ..,
أولاً : دعواتي القلبية لج بالتوفيق في دراستج :smile:
*
كل إنسان يقدر ينظم يومه بسهولة مهما كان مشغول ومزحوم
لكن يعتمد على ترتيب جدول أفكاره + شطارته + سرعته بشكل عام
وهاي المطلوب منج القيام فيه
*
يعني خصصي لج وقت تصحين فيه من النوم + وقت تنامين فيه
[MARK="333333"]وهذي أهم نقطة , [/MARK]
*
لنفترض إنج بتصحين كل يوم مع صلاة الصبح , تصلين
تجهزين الفطور وما في أسهل من تجهيز الفطور .. ممكن ترتبين البيت على السريع لو كان فوضى
تتطمنين على النونو .. وترتاحين لج ساعة
ومن ثم يشتغل المنبه وتصحين زوجج لشغل , وإنتي للدوام .. وخلو النونو راقدة
لين ما تجهزون
يعني علما زوجج يفطر , إنتي تقدرين تسبحين وتجهزين عمرج
وفي وقت إلي هو يسبح ويجهز عمره للشغل , إنتي جهزي النونو + أفطري على السريع
*
نقول يومج كله في الجامعة , وهو بدوامه .. والنونو أتوقع عند أمج
[MARK="333333"]يعني ما ينحسب لج شي [/MARK]
خلال كل هالفترات الطويلة , من 8 لين 3 الظهر
كلمي زوجج أقلها مرة واحدة
وحاولي تدزين له مب أقل من 2 أو 3 مسجات
بيني له إهتمامج وحبج له !..
وأيضاً ما يمنع تتصلين لو مرة تتطمنين على النونو
*
رجعتج البيت ,
أخذي لج دش .. وأرتاحي .. وأكيد زوجج مثلج بيرتاح لأنه جاي من الدوام
والنونو قضت يوم حافل .. أتوقع هي بعد بترتاح معاكم
خليها ساعة , ولا تكثرين .. قعدي من النوم
تفرغي لتحضير العشا , وحاولي دائماً تسوين أشياءات خفيفة جداً ولذيذة , أو أطلبي من برى من باب التنويع
وشوفي الوصفات المبتكرة والحلوة في النت
كلها خلال ساعة أو أقل .. وتتحضر
ومنها تفرحين زوجج بطباخج
*
يعني لنفرض عندج وقت من 5 العصر إلى آذان المغرب
خصصيه بشكل عام لتحضير عشاكم .. الإهتمام في البيت ( غسيل أو كوي .. إلخ )
وتغسلين الصحون .. تنظفين المطبخ من بعد الطبيخ
*
ومن بعد آذان المغرب , خذي شور أكيد .. وحاولي تكشخين شوي
لأنه من بعد مجهود وتعب تحضير العشا + الإهتمام في البيت
محتاجة بعد تلبسين وتتعطرين وكل شي
[MARK="333333"]علشان زوجج يشوفج بأجمل صورة[/MARK]
*
وإذا في أشياءات واجب الإهتمام فيها مثل تكلمة الكوي .. كمليها وعندج وقت إلى آذان العشا
لأن كوي الثياب أمرها سهل وممكن تقومين فيها من بعد ما تسبحين وجذي
*
طبعاً بتقولين والنونو ؟!. وزوجي !..
أتوقع زوجج بيكون نايم ولا تصحينه إلا لصلاة المغرب
وإذا كان من النوع إلي ما يطول بالقيلولة .. خليه يهتم ويلاعب بنته طيلة هالوقت إلي إنتي تكونين مشغولة
[MARK="333333"]وما أعتقد إن صعب عليه يهتم في بنته حزة إلي إنتي تهتمتين في بيته وأكله[/MARK]
*
الحين من بعد آذان العشاء ,
عندج وقت فراغ لبنتج , لزوجج , ولنفسج
مثل ما قلت لج حاولي تلبسين وتكشخين .. يعني لأن ما وراج شي بعد .. لا طبخ ولا تنظيف
*
ممكن تتعشون , وتحاولين تنومين النونو أو خليها معاكم
تقدرين تطلعين ساعة مثلاً أو ساعتين .. تغيرون جو
أو تقعدين مع زوجج في البيت وتسوين لكم برنامج ,
*
نهاية يومج ,
خصصي لج ساعة ونص إلى ساعتين للدراسة والمذاكرة
قبل النوم
مثلاً خلي نومج يكون 11 أو 11 ونص ..,
*
أهتمي بالنونو ونوميها .. وبعدين رقدي
ويفضل يكون نومج , مثل توقيت نوم زوجج
يعني ناموا بوقت واحد ..,
*
وبس!.
وأبتدي يومج كل يوم على نفس الشاكلة
*
نجي لأهم الأيام .. أيام الويك آند
أكيد أهم يومين في الأسبوع
- يوم يكون مخصوص لزوجج ولأهلج ..,
- يوم يكون لتنظيف البيت كامل + أهل زوجج ..,
*
أنا ما أدري شنو نظام الإجازات بلإمارات
إحنا عندنا " الجمعة & السبت "
- يوم الخميس , ليلة الجمعة .. وهي ليلة الإجازة
ممكن تودين النونو عند أمج تتحمل فيها , وتقضين هالليلة
مع زوجج , بما إنه يوم إجازة ومن حقكم تقضون بعض الوقت مع بعض
[MARK="333333"]- يوم الجمعة .. وهو يوم إجازة !..[/MARK]
نامي براحتج وممكن تصحين 9ونص .. إلى 10 الصبح .. وتبدأين تنظفين بيتج كامل
لأنج قلتي إنه كبير ومحتاج تنظيف كله .. وممكن في هاليوم تطبخين إنتي الغذى لزوجج
بما إنه يوم إجازة واليوم الوحيد إلي ممكن تطبخين له
أو روحوا تغذوا في بيت أهلج ,
وخلي يوم الجمعة منوع , في طلعات , في تنظيف البيت , في الإهتمام بنفسج
ممكن تروحين الصالون مثلاً
وتدللين نفسج
ممكن تطلعين شوبينغ
وتشترين لج كل ما تحتاجينه
الجمعة يوم مفتوح من الصبح لين الليل .. ( وتقدرين تسهرين )
يعني نسقيه على راحتج
[MARK="333333"]- يوم السبت .., [/MARK]
يوم راحة , يوم للدراسة .. يوم ممكن أيضاً تطبخين فيه
يوم تزورين فيه أهل زوجج
وحاولي في هاليوم تنامين من وقت .. لأنه وراج قعدة من الصبح ثاني يوم ,
بس أهم شي يكون فيه جزء لدراستج + أهل زوجج
وأيضاً هو يوم مفتوح .. نسقيه براحتج
*
وبس!.
بالتنسيق والترتيب .. بتنسيقين حياتج
لبنتج , ولزوجج , ولبيتج
*
ونصيحة فقط ..,
حاولي ما تفكرين في الإنجاب نهائياً إلا لين تكملين دراستج
ولا تفكرين أبداً بالوظيفة , إلا لين تكبر النونو ومن الممكن تنجبين وتتفرغين لأولادج بشكل أكبر
+
صح الخادمة ,
أبد مالها أمان وبلاويهم أكبر من فوائدهم
وما لهم بركة , ولا أكو خصوصية
بس إحنا هني في البحرين
في مكاتب خدم
[MARK="333333"]يوفرون لج خادمة بشكل يومي - أسبوعي [/MARK]
يعني من الممكن ,
تجيبين خادمة بشكل أسبوعي ( 3 أيام بلأسبوع مثلاً - لمدة 4 ساعات ) تساعدج وتعاونج
وبنفس الوقت .. ما بتكون في بيتج
بتجي بشكل مؤقت + بتروح
وبتعاونج وايد ,
*
موفقة (f)
انزين يبيلج خدامه بارت تايم ... تي تنظف و تغسل و تسير ... طبعا في الوقت الي انتي فيه في البيت ..
u
umjana79
عروس ركن قضايا و حلول
14-08-2009 | 06:41 PM
اعذريني غاليتي ولكن موضوعك يخص ركن افكار وخبرات