عروس و قاعدة تجهزين ؟ متزوجة و حابة تونسين ريلج ؟ تعالي عند ## عسولة قلبه ##

شلونكم بنوتات عساكم مرتاحين (y)


اليوم موضوعي غير عن المتعودين عليه ان شاء الله يعجبكم ويكون على ذوقكم :)


من ألحين أقول إلي تستحي لا تكمل الموضوع :D


حبايبي انتوا لا تزعلون ترى الموضوع عادي مافيه شي ان شاء الله يخليكم تستحون بس بسوي اكشن اشوي خخخخخ :tongue:


ادري طولتها عليكم ما عليه تحملوني شوي ^^


قبل لا ابدي الموضوع خاص جدا جدا جدا ما احلل اي وحده تنقله سواء اذكرت المصدر أو لأ , موضوعي حصري بعروس وووووووبس :15: ( فديت منتداي ) (a)



عقب الهذرة الي فوق ( سوري ) :o
ندخل بالمهم

امس رحت مجمع مترو ( عندنا بالكويت ) بشويخ
المهم اول ما دخلت ولا بويهي محل عطورات المهم دخلت وشفت عندهم سوالف حلووة وخطيييرة حق المتزوجااات :wink: عاد انا ما طوفت الفرصة على طووول رحت وشريت لي جم شغله


وحبيت انكم تشوفون الاغراض الي شريتهم ان شاء الله تستفيدون منهم



ان شاء الله بحط لكم كل شغله وسعرها ووصف بسيط لها عشان الكل يستفيد ^^



أول شي المجموعه الأولى













قبل لا ابدي بالوصف بقولكم شغله

طبعا الريحة رووووووووووعه وخطييييرة والله عمري ما شميت مثلها
وتمت بايدي لي بليل وربي شاهد على كلامي
حتى رفيجاتي كانوا معاي وقالوا نفس الحجي , يعني اذا بتشترينهم صدقيني ماراح تندمين ان شاء الله


الحين راح ابدي بالصور والشرح













اول شي تتسبحين بالشاور جل هذا كلمة رووعه شوي عليه ريحة خطيرة وينظف الجسم عدل

بريحة الفانيلا والكراميل يم يم :D
اسمه dessert shawer وسعره 2.500 كويتي


وعقب ما تغسلين جسمج تحطين السنفرة
وفيه نوعين ناعمه وخشنه

هذي الناعمه











وتستخدم للمناطق الحساسة و الابطين والويه بعد وطبعا ما ابي اتكلم عن النظافه والريحة الحلوووة والنعوووومة

نفس ريحة الشاور جل بالفانيلا والكاراميل

اسمه cake creamy body buffer وسعره 8.250 كويتي



السنفرة الخشنه











لو اقول من الحين لي باجر رووعه ما راح اخلص

والله انها تينن وتعطيج نعوووومة خيالية و الموظفه قالتلي مع الاستعمال تبيض

تستخدم حق جميع مناطق الجسم ماعدا الاماكن الي ذكرتهم سابقا

ريحتها سكر اسمر على دارسين ( قرفه ) بس حدها رووعه

اسمها cake brown sugar body scrub وسعرها 12.250 كويتي


وعقب ما تخلصيت من الشاور وتطلعين تحطين من هالبدي كريم الروووعه












هالكريم خياااااال راح يحافظ لج عالنعومة ويثبت الريحة ويخليها تفووح منج

ريحتها نفس الشي على فانيلا وكاراميل وااااااي روووعه

(اكتب الموضوع واشم ريحة ايدي والله) :D

اسمه cake body cream وسعره 9.250 كويتي


والحين خلصنا وعاد شمي الرواااائح الحلووووة ريلج اول ما يدخل البيت على باله مسويه كيكة :D من كثر ماالريحة قوية وتفووح بكل مكان


عقب تعطري بعطور تجذب زوجج













وهذيل احلى عطرين مرووا علي طبعا حق الزوج بسسسس

الي بالعلبه اسمه او لا لاه او بالانجلش oh la la اما سعره :D اهو المفروض يكون 19.00 كويتي بس بنفس اللحظة الي كنت موجودة عندهم صار عليه خصم (y) وصار ب 10.00 كويتي بسس ( حظي حلو )

والثاني من فيكتوريا سيكريت اسمه sexy sparkle من اسمه خطير وترى لما ترشين منه فيه لمعه حلوووة مادري اذا مبين بالصوورة وسعره 13.500 كويتي


ألحين نيي للمجموعه الثانية
والأهم (a)











ما صورت كل واحد بروحه بس بشرحهم عالسريع


هذي الكريمات كلهم بطعم رووعه روعه رووعه من ماركة my joy
انا مجربه كذا نوع كريم بطعم بس مرات يكون مر او مو حلووو اوو اوو

بس هذا والله غيييييير الطعم يهبل جنج تاكلين فراولة من صج :)

الي بالنص للجسم وممكن يستخدم للمساج :o

فيه منه انواع الي خذيته بطعم الفراولة وفيه فيتامين e وقوامه مثل الزبدة
اسمه flavored body kiss وسعره 12.00 كويتي


الوردي الصغير بعد بطعم الفراولة ويستخدم للشفايف ومنطقه الnipple وفيه نسبه حراارة (a)

اسمه hot lips وسعره 9.00 كويتي



البرتقالي الصغير بطعم البرتقال خاص للمنطقه الحميمة ( اعذروني عن الشرح )

اسمه making whoopie وسعره 9.00 كويتي

عروسات انصحكم فيهم لا تطووفونهم عليكم :)

ومن نفس المجموعه خذيت حمرا مع الغلوس بعد بطعم الفراولة او الصح حلاو الفراولة
من كثر ماهي حلوووة احط منها واكلها :D










اسمها sugar lips candy lip stick سعر الحمرا 5.00 كويتي والغلوس 4.750


بطلتها لكم عشان تشوفون لونها بس مو واضحة عدل












لونها babe pink وااايد ناعمه وهادية



واخيرا :D خذيت هالحمرا الي لو شنو ما تروووح حيييل ثابته وقوبة وتنشف بسرعه بس اذا بتروحينها يبيلج دهر من كثر ماهي ثاااابته

تحسفت خذيت وحده











لونها اورانج روووعه فاقعه على هادية والله مادري شلون اوصفها
وفي منها اللون الفوشي واللحمي والعنابي بسس

اسمها florina long lasting lip finity ورقمها 13 وسعرها 2.500 كويتي


وبس بجذي أكون خلصت كل شي بس بحط صورة الجيس عشان اذا وحده تبي تعرف اسم المحل












وهذي مجموعتي كامله :D













ان شاء الله تكونون استفدتوا ولو شي بسيط وانا والله ما حطيت الصور وصغرتهم وسويت مووضووع الا علشان افيدكم بتجربه حلوووة صادفتها :)


جربي منتي خسرانه شي وصدقيني راح تلقين ثأثير حلووو على ريلج بإذن الله

اتمنى اني كنت خفيفه عليكم وسامحووني على القرقة الزايدة :D وياريت تقدروون تعبي ومجهوودي

نورووني بردوودكم الحلوووة ولا تنسووون تقيمووني اذا استفدتوا ولو شي بسيط