مساعدة قصيدة تخرج

جااااااااااااااري البحث و لا يهمك:wink: ..
تقبلي مروري ..أختك/ أوتار المشاعر ..

***

الأولى :

نجاحك من نجاحي وجيت أهني نفسي لسعدك


...........وازف احلى التباريك واهنيبك شهاداتك


الا ياصاحبي الناجح فخور ببرقك ورعدك


................رفعت اسمك على الدنيا ولا علم ابد فاتك


سهرت ونلت من اعلى المراتب وافي بوعدك


..................ومن يبغى العلا سهر اليالي ويفعل سواتك


تركت العلم يتحدث عليك ويرتفع بعدك


......................تمنيت ونجحت وكل أماني خافقك جاتك

الثانية :

الفرح غنى وهلت لجلها الدمعه
....والليل تضويبه الايام سهرانه

والعيله اللي عشانه جات مجتمعه
......بالضحك والسعد نشوانه وفرحانه

من ليلة السبت حتى ليلة الجمعه
.........اقول مبروك التخرج على شانه

العيله : هي العائله يعني الأسرة

الثالثة :

مبروك لك يا نبض قلبي والاحساس
......يا ملهمة شاعر هداك القصيده

حقٍ لِبوك اليوم يرفع بك الراس
.....ويضحك حجاجه بابتسامه فريده

حلمه تحقق واصبح الحلم نبراسي
.......جني حصيده ما غَرَسْ طيْب بِيْده

لبّسْك من طيبه وم الحكمه ألماس
........عقدٍ عليه تْبات عينه سهيده

العِلْم يا بنت العَرَبْ يطرد الياس
.........ومن جَدّ مثلِكْ صار عالي رصيده

هذا الوطن مِعْطَاءْ من دون مقياس
.........دار الشيوخ أهل العقول الرشيده

في حبهم يا بنت نشعر بنوماس

.....هم نورنا في المظلمات الشديده

لْهم نسوم الروح من شِدّة الباس
......فدوى لهم في وجه أهل المكيده

واليوم يومِكْ مِيْدي بعود مَياسْ
......وابدي مَعَ الأيّام صفحه جديده

عيشي سنين العمر في زحمة الناس
......مرفوعة الهامه بروحٍ سعيده

مبروك لِكْ مليار من نبض الانفاس
........وعسى مقامك بالصروح المجيده

لعيونك اللى م الخجل صابها انعاس
......أقول لك مبروك باجمل قصيده

همسة :

ولا تنسي الحركات على الاحرف مثل الفتحة والكسرة والشدة ( عشان النطق والمعنى )

مثال : كلمة ( لبّسْك ) لو الشدة مو موجوده فيه ناس ممكن تقراها غلط ومعنى ثاني

ولاتنسي ممكن لو تبدلي ( يابنت ) في البيت السابع بإسمها يكون احلى

لا تنسيني من صالح الدعاااااااااااااااااااااااااء:)
تقبلي مروري .. أختك/ أوتار المشاعر ..