عباية مفتوحة وشيلة + بنطلون جنز ضيق = ؟؟؟!!!!

والله صح كلامك 100%

الايام هادي كل الناس صاروا هيك

الدين صار عندهم لعبة

الله يستر عليهم ياااااااااااااااااارب

الله يهدي بنات المسلمين لما يحب و يرضى

للاسف العبايه ما صارت للستر صارت موضه
وهذا هو الي صاير الحين

الله يهدي الجميع ان شاء الله

الله يهديهم
....
ويصلح قلوبهم ويثبتهم على الأيمان

.
.
.
.

السلام عليكم ورحمة الله

العتب .. حياك الله بيننا


العباءة بهذا الشكل الذي ذكرتيه
المفروض ما يسمى عباءة .. للأسف

أصبحت العباءة الآن
موديلات وأشكال وألوان
و أيضا أصبحت تعرض ..كالأزياء
مصممين عالميين لا يمتون للإسلام بأي صلة
يفصلون لنا عباءات .. لتدمير معناها الصحيح


بالنسبة لسؤالك .. لا أعرف فتاة بهذه الثقافة ..الغريبة :ss:

الله يهدي جميع بنات وشباب المسلمين


جزاك الله خيراً ..أختي
لاتحرمينا تواجدك (f)

طيب يا جماعة الخير وين الأهل وين الأخوان اللي فيهم الشهامة على عرضهم وشرفهم ... قلنا البنت صغيرة ... جاهلة ما عندها فكرة ... ماعلية ... وين الأهل والاخوان ... يا سبحان الله ... والله كنت اتمنى اسئلها بس اعرف شو راح يجيني ....

انا ما قاهرني الا العباية ... وبيقولون الخلايق هاذيل ترى الاماراتيات أو البحرينيات أو الكويتيات أو القطريات .... او العمانيات ... السعوديات ... يعني هذي الاشكال تضر دينا وعاداتنا وتقاليدنا واحترامنا وهيبتنا ....


سبحان الله اليكم طامة أخرى :eek::eek::eek::eek::eek::eek::eek::eek::eek::eek::eek:

اخبرتني اخت زوجي بأن لها زميلة بالعمل بهذا الشكل الذي ذكرته لكم ولكن لم اتجرء واسئلها لان انا ما يخصني ... قالت في يوم من الايام وهي جالسة بمكتبي حدثتني ببعض الاشياء التي صعقتني وهي أن والدها هو من سبب ظهورها بهذا المظهر فتقول عندما كنا نلبس الحجاب كان يغضب يقول لنا خليكم فررري مب ضروري الحجاب ... وإذا بتلبسونه لازم اطلعون جمالكم فيه مثل تطلعون شعركم شوي او تلبسون حجابات ملونه .... :eek:

وتكمل الفتاة ليس هذا فحسب وانما كان ينحرج منا ان لبسنا الحجاب الشرعي والله اتسائل اي جيل سوف ينتج من أمثال هذا الأب ... واين دور الأم الله يحفظ بناتا



العتب

DoOoLi

الله يحفظ لنا الدين ويعزه يا رب

مشكورة على الحضور يا الغالية

أصبحنا نلبس ما يفصله لنا أعداائنا وهذا العجب !!!

الله يهدينا جميعا وينور قلوووبنا .....

مشكوورة ياغاالية على الطرح القيم...

الله يهدي بنات المسلمين لما يحب و يرضى

يعطيك العافيه على الموضوع
فعلاً استغرب من بعض البنات اللي يعملون كذا
الاحظ ان اغلبهمن بعمر المتوسط والثانوي
و السبب الرئيسي هو التقليد الاعمى
وحده لبست مثل هذا اللبس خلاص الغالبيه تقلدها
كان ماعندنا عقل ونعرف نميز بين الصح والخطا
انا اكره شي عندي التقليد واني اقلد احد بشي احس شخصيتي تنمحي مع الايام
وايضاً الاهل لهم دور لازم الام والاخوات الكبار يتقربون من اخوانهم في هذا العمر ويسمعون
مشاكلهم وينصحونهم ,,

مشكوره اختي الفاضله على غيرتج على بنات المسلمين وياليت وحده من اللي يلبسون بهالطريقه تكون عندها جرئه وتدخل وتعلق على الموضوع عموما كل مافيه الموضوع لفت انتباه ونقص بشخصية الوحده تبي تلفت الشباب بأي طريقه لكن العتب موعليها العتب مثل ماقلتي وين ابوها وين امها وين اخوانها خوالها اعمامها وعلى قولة المثل اذا كان رب البيت للدف ضارب .. فما شيمة اهل الدار سوى الرقص مايدمي القلب اختي الفاضله انه لما تجين تنصحين وهذا من حقهم علينا تلاقينهم يتحسبون عليج او تقولج ربي بيحاسبني ياكبرها عند الله ومستهينه بحساب رب العالمين مانقول غير الله يهدبهم وكل راعي مسؤل عن رعيته والله يصلحهم ويصلحنا ويهديهم ويهدينا والاهم يثبتنا .

انا ما بجذب علييج " كنت من اللي يلبسون العبايه المفتوحه من يدام " بحكم اني مش متحجبه و طول الوقت كان في بالي انه هذا احتشام !! مع الوقت مدري كيف حسيت .. يوم امشي الناس تطالع .. مافي واايد عندنا بالبحرين هالنوع من العبي تره .. اغلبها المسكره من يدام .. و من وقتها غيرت و مرتاحه البس تحته شو ما بغيييت لانه لنفسي و لله الحمد .. حتى الشيله صرت ملتزمه فيها قبل انزل القذله اللحين ارفعها كلها حمدالله ..

بس انا ما كان تبع للموضه او شي مثل ما قلت ما كنت متحجبه ففكنت ماخذتها عادي السالفه .. بس بعد ما فكرت فيها مره ثانيه و حسبتها صح و عدلتها عشان ما امصخر عمري و اصير فرجه و الحمد الله

الله يهدي بنات المسلمين لما يحب و يرضى

المشكلة صارت اكبر ممانتصور البنات يعتبرون البنطلون حياتهم واهم من اي شي ثاني
قلنا ماعليه لبستوا جينز تستروا بس لا ما يعجبهم الا العبايه المفتوحة
ويشوفن ان اللي متسترة متخلفة وللاسف نجحوا اعداء الاسلام في غسيل مخ هالاجيال الجديدة
مانقول الا الله يهدي الجميع ويستر علينا وعلى نساء الاسلام

الله يجزاكي الف خير لطرحك هذا الموضوع وكثير بنشوف اشكال غريبه عجيبه كان واحدموبالسوق كانه داخل حفل اوعرس العبايات اشكال الوان والمكياج الصارخ وحكاية البناطيل الجينز كملت الناقص والله خلوني اكره طلعت السوق من المناظر الي باشوفها الله يهديهم

الله المستعان:(

كلامك سليم غاليتي فاذا انعدم الوازع الديني فاين دور الاهل والاخوة؟؟؟

سيأتي علينا يوم تغمنا غمامة يمتنى المرء حينها

ان يعود ساعة من نهار فيقول ياليتني كنت ترابا

يوم لاينفع فيه مال ولا بنون

الا من اتى الله بقلب سليم

اشكرك اختي العتب

اسأل الله ان لايجعلك في دار اهلها يحترقون

تسلمي حبيبتي على غيرتش على بنات المسلمين

انا مره شفت وحده عسقوله والعبايه طايره تقولي سوبرمان مدري باتمان

تصدقي تلوووووووووووعت

وقلت اللهم اهدها وثبتنا

ربي قادر على كل شي

اهم شي يا بنات ادعو لهم ربكم كريم ويتقبل الدعاء

هذولي على بالهم كذا التطور وهم بكذا قدام ... ما دروا ان ناس كثيرين يعتبرونهن

رخاص للأسف...

زميلتي تخبرني.. تقول كنت مو متحجبه ... وادرس في بلاد غير عربي

وصار مره موضوع عن الاسلام واقوم وادافع.. وكان من ضمن الناس اللي يتناقشوا رجال

مسيحي متدين مررررره.. قالها انتى ليش تدافعي عن الاسلام؟؟ اللي يشوفك ما يحسبك مسلمه؟؟

لو انتي معتزه بدينش فعلا كان سويتي اللي يأمرش فيه وما خالفتي اللي جا بدينكم ...

تقول حسيت كأنه احد صفعني وقلت كلامه صحيح .. سبحان الله .. ومن يومها تقول تحجبت

وقلت احنا صح .. وديننا فيه الخير .. ليش اقلد اللي برااا ...

الله يثبتها ويهدي جميع بنات المسلمين