اخواتي وحبايبي وحشتووووووني
بقالي كتير قوي ما نزلتش موضوع جديد في قسم المطبخ
والنهارده بقي كان عيد ميلاد اختي
(عيد ميلاادها ال16 هههههههه) وقلت بقي لازم اعملها تورته
دخلت المطبخ وقلت بسم الله
{{{{شكلها مش مظبوط قوي بس قلت لازم اتشوفوا عمايلي بس طعمها والله جناااااان انما الشكل باظ شويه عشان كنت مستعجله }}}
هبطل رغي بقي ونبدا :
اولا :
9 بيضات وضربتهم في المضرب (ضربا مبرحا ههههههه)
ومعاه طبعا الفانيليا
وبعدين نضيف كوب ونصف سكر بودره
ونضرب لمده لا تقل عن عشر دقائق
وبعدين كوب ونصف دقيق مع معلقه بكينج بادور
ونسيت اصور الخطوه دي :o
وبعدين كنت مجهزه الصينيه ودهناها معلقه سمن وحطيت في القاع ورق زبده
وحطيت الكيك ودخلتها الفرن لمده نصف ساعه تقريبا او اكتر شويه
وطبعا كنت مجهزه الكريم شانتيه
وبعد ما طلعت من الفرن قسمها من النص وسقيتها بمعلقتين جيلي سايل
وبعدين فردت جزء من الكريمه في النص
(بس للاسف فرولت معايا شويه وانا بفردها )
وبعدين غطتها كلها بالكريمه
وكنت مجهزه صينيه فيها جيلي
قطرها اكبر حاجه بسيطه خالص من قطر صينيه الكيك وحطيتها في التلاجه
عشان تبرد وتمسك نفسها شويه بس مش قوي
وبعدين قلبت عليها التورته اللي انا مجهزاها
وزينت التورته بالكريمه (دي بقي الخطوه اللي باظت مني لاني كنت مستعجله جدا لان الناس علي وصول)
وده الشكل النهائي للتورته
ومعاها بسبوسه برضه صناعه مطبخي وعصير مانجو
بس الكاسات كانت لسه فاضيه وانا بصور خخخخخ :D
ضروري ضروري بقي اعرف رايكم
مستنيه الردود
سلام يا قمرات