تجهيزات المولود في الشتاء؟؟

اختي تجهزيله ثياب شتويه
واظن الحين كل المحلات منزلين صيفي فانتظري لين مايتزلون شتوي واخذيه

حبابة

اني ولدت ببنتي في شهر 12 و كان شتا

دائما الياهل بعد ياخذون ليه كم طويل لان حتى لو عليه القماط الا انه يطلع يده بالليل او ارجوله يقوم عنه اللحاف و خبرج المكيف فلازم كم طويل

خذيت حق نوراء ثياب السليب سوت يكون كمها طويل و اللي فيهم دلاغ و لا تنسين القفازات اللي كأنهم كيس

شريت يمكن 3 دلاغات اللي يجون مع بعض قطنيين عشان لو بتلبسينه سليب سوت تطلع الريول

لا تنسين حبابة القبعات لازم لان برد و لا زم تحمين اذونه

اللحاف اخذيها صوف ناعم و خذي واحد عادي

الفراش للبيبي لا اتسوينه متين مثل اللي يسونه من مخمل او صوف لان الياهل راح ينام عليه و على الفارش موجود بساط و الطفل ملفوف بالقماط فبحر ظهره

اي نسيت اقول لج في هاي اللي يسمونهم الشباحات اللي تجي كأنهم ملابس طلعه خذيت لبنتي مثل نوع الفوطه اللي تييج ناعمة كلش

اهمشي حبابة بيت الطفل اللي اتدخلين الطفل فيه لان اذا صادتج طلعة او شي لا سمح الله مستشفى او مكان يكون ادفى للياهل انش اتحطينه فيه


و اذا حق تجهيزات الام نفسها

اني خذيت لي دشاديش قطنية ناعمة مفتوحة من الامام ....... بس بعيد الشر عنش و عن الباقي صادتني ريح ماقدرت فاطريت البس سروال تحت الدشداشة و كاني صرت ؟؟؟؟؟ ما ادري اشلون فراحت اختي و شرت لي من ماركس سبينسر و لاسنزا و بعد كنت ماخذه ايام الشتا من سارة بيجامات فواجد فادوني احسهم بعد عمليين اكثر من الدشداشة

عن نفسي

في بيت ابوي ماكان موجود تركمين الحمام بالغرفة يعني لازم نطلع الصالة ...و خبرش اذا برد الحمام يكون بارد و حتى لو بتسوين حمام ساخن للطفل بس طلعته من الحمام يلفحه الهوى

فخذيت طشت صغير و ابريق تبع الطشت و كنت اجيب ماي ساخن في الابريق و اسبح بنتي في الغرفة و يكون الطشت موجود عشان الماي

اخذي لج اللي الكلينس اللي يمسحون جسم الياهل فيه لان بعد عن البرد او ساعات بعد التحميم راح يوسخ الياهل " قصدي بول بس " فتضطرين انش بعد ما يدفى الياهل ما تقدرين اتبردينه من جديد فمسحيه بالكلينس و بعدين بعد فترة و انتي بتبدلينه الحفاظ يبي ماي او وديه غسليه

حاولي حبابة انش اتحافظين على جسمه من ان يدخل عليه البرد لان الياهل ما يتحمل

بنت عمتي ولدت شهر واحد و صاد بنتها التهاب و قامت كله اترجع و ظلت في المستشفى حوالي سبوعين عشان شنو؟؟ كانت اتسبحها بالحمام و اتيي الغرفة و الحمام كان في الحوش مع انه اتدفيها بالحمام و اتلبسها و اتلفها كله بالحمام بس بعد مثل ما احنا مانقدر انروح الحمام بالبرد و مسرع بس انلف روحنا باللحاف حسبي ولدج او بنتج ازيد منج

و يعطيش العافية حبابة .............و هدرت وايد ...ماعليه سامحيني

والله موضوع مفيدجاء في وقته لانه انا كمان ولادتي بالشتاء ومني عارفه ايش اجهز ليه وللمولود

فاالي عندها خبره بهالموضوع تفيدنا الله يسعدكم ويسهل علينا الولاده
ان شاء الله

مشكورين الي ردو علي
صاحبة الظل الخفي انا ادري اني بجهز له ثياب شتا بس قصدي شنو احتاج بالضبط يعني شنو الاشياء الي بتفيدني اكثر

ام نوراء ما قصرتي والله وانا خايفة لان الحمام مب في نفس الحجرة واحس بهلك الياهل من البرد او الحر يعني يا ذابح يا مذبوح
وهذا بيت الطفل من وين احصله وشلون شكله؟؟
والشباحات الي مصكوكة ريولها احسن؟؟ احس الياهل ما ياخد راحته وشلون بمد ريوله