السلام عليكم ..
من زمان ما نزلت موضوع هنا
بس اليوم جايبة لكم اكلة لزيزة خالص خالص
كنت مسوتنها من قبل ومصورة .. بس ما فضيت انزلها
امس بعد ما جهزنا مطبخبنا في بيتنا الجديد بمدينة الخريف ((صلالة))
قلت خلينا اسوى عشاء حلو ولذيذ وسهل وما يجتاج مجهود.. وسويت الطبق للمرة الثانية ولله الحمد حصل اقبال من الجمهور :D
[BLINK][COLOR=deepskyblue][COLOR=red]أصابع الكفتة بالباذنجان [/BLINK][/COLOR][/COLOR]
الطريقة كثير سهلة والطعم ولا اروع .. وشيء جديد
بما اني من محبين الباذنجان (( بعد الحمل طبعا :D)) وللحين وانا احبه ..
شفت ذا الموضوع في احدى المنتديات .. :D
نشوف الطريقه والمقادير
لحم مفروم او دجاج مفروم ع حسب ذوقك نلطه مع بصل مفروم ناعم وبهارات وملح وكزبره خضراء او بقدونس او نعناع لين يختلطوا زين
خليها ترتاح شوي يمكن عشر دقائق ..
شكلي اللحم مثل الأصابع وغمسي في الطحين او البقسماط وبعدها غمسي بالبيض وترصيها بصينيه وتدخليها الفرن حتى تستوي الكفته او ممكن تقليها بزيت ..
وع ما تستويى الكفته جهزي حبات الباذنجان الكبار وقطعي الباذنجان شرائح طويلة كبار بس خفيفة .. وحتى لو الالشرائح كانوا ثقل مو مشكلة مع القلي راح تصير هشة ..
ملحيهم .. وبعدها اقليهم بالزيت
بعدها
اعملي الصلصه طماطم مع كزبرة او نعناع وفلفل اخضر حار ع حسب الرغبة واخليطهم بالخلاط ..
بعد نضج الكفته وقلي باذنجان مقطع شرايح لفي اصابع الكفته بالباذنجان وشكيهم بالصيخ الخشبي علشان ما تنفلت منك.. وترصيها بجنب بعض في صينيه وتحطي الصلصه فوقها وممكن تضيفي لها قطع او شرائح طماط زيادة .. كان كان عندي طماط صغيرة وكان باقي شوي بيض بعد تغميس الكفتة .. وبالفرن بس 10 دقايق او 15 دقيقة.
هذه صورة مقربة للكفتة مع البانذجان وهي ملفوفة
هذا بعد ما اضفت الصلصة
هذه الصلصة من قريب .. طبعا مو تكثرون صلصة .. لا شوي بس
اضفت البيض المتبقي
وقت التقديم .. قدمته مع مندازي .. وخضار مقطعة وروب
وكان الطعم رهيب .. حار ع سخونة ع لذاذة.. ((لا تنسون تشيلون الاسياخ من اللحم .))
وعليكم بالعافية .. ومطرح ما يسرى يمريح
وما عليكم الا تدعسون التقييم .. ودعاءكم الصالح لولدي وزوجي ولي :D
