السلام عليكم ورحمة الله وبركاته
مررررررررررررررررررررررحبًا بنوتات وأحلى طبخات .. شحاااااااااااااااااالكم ؟؟ شخباااااااااااااركم ؟؟ عساكم بخير وسهاله ؟؟؟ وشحال استعدادكم لرمضان ؟؟ ياربي كم كثر انا ولهانه عليه
حبايبي هالساندويشات للأمانه أخذتها من مطبخ منال العالم .. وطبقتها في مطبخي انا
اتمنى تعجبكم مثل ما عجبتني انا وريلي :wink:
نبدا بسم الله
المقادير ... :
حبة بصله صغيره مقطع قطع صغيره + 2 فص ثوم مفروم
نص فلفل أخضر مقطع صغير + نص فلفله حمره مقطعه صغير
جبن شيدر مبشور
لحم مفروم .. على حسب الكمية الي تبينها
2 ملقعه زبده للساندويشات .... و1 ملعقه للوجه
الطريقة ... :
أول شي نحط ال2 ملعقه زبده على نار هاديه لييين تذوب تمامًا
وبعدين عليت شوي عالنار وحطيت اللحم وتميت أقلب (على فكره تقدرين تبدلين اللحم بالدجاج بعد بيطلع خيالي)
لين صار نص مستوي حطيت البصل والثوم .. وتميت أقلب
وبعدين حطيت الفلفل الاحمر والاخضر .. وتميت أقلب
وانا أقلب حطيت شوي ملح + شويه بهارات مشكله
واذا أنتي تبينه حار ممكن تحطين كاري وعروق فلفل حار
وبعد ما خلصت طلعته وحطيته في صحن بروحه عشان يبرد شوي بس
ولين ما يبرد سخنت 1 ملعقه زبده على نار هاديه
وبعدين بديت أسوي الساندويشات .. على فكره نسيت اخبركم ان انا سويتها بخبز صمون .. بس انتوا تقدرون تستبدلونها بالي تحبونها
حطيت اللحم وفوقه حطيت الجبن المبشور
سكرته ودهنت الوجه بالزبده وحطيت عليها شوي حبة البركة
وسكرتها بالقصدير زين ما زين ( منال اتقول .. حاولي ماتخلين أي منفذ)
وحطيتها بالفرن وشغلت النار تحتها لمده ربع ساعه إلى 20 دقيقه .. وبعدين طفيتها وشغلت النار فوقها لمده 4 إلى 5 دقايق
وبعدين طلعتها وصارت جاهزه للأكل
يمي يمي شو كانت لذييييييييذ وحلوه .. وعلى فكره هالطريقة تصلح تكون عرايس لو تحبون .. وماصورت شكل الساندويشات فالنهايه عشان يوم تجربونه تشوفون بروحكم :tongue:
حبايبي سامحوني قاعده اكتب سريع سريع لأني طالعه الحين وفليل مسافره .. دعواتكم
اتمنى تعجبكم يالغاليات وتحبونها وتجربونها
وفالنهايه اذا عجبتككم قيمووووووووووني
وادعولي بالذرية الصالحة
تاتا
