السلام عليكم و رحمة الله و بركاتة
هذا اول موضوع لي في المنتدى ,, و اتمنى انكم توقفون معاي , و ما تخلوني
انة عندي مشكلة ,, و اهي ان عرسي قرب و للحين مو عارفة اقرر اذا اسوي لي حفلة عرس او جلوة بس
انة ابي رايكم لان ما عندي احد كبير اسالة ,, امي متوفية(الله يرحمها) و انة اكبر بنت في البيت و ما اقدر اسال احد غيركم ,, و اتمنى انكم ما تردوني ,, اي وحدة تقرا الموضوع تعطيني رايها الصريييح ..
بقول لكم مميزات و سيئات كل وحدة منهم و انتو حكمو اذااسوي لي احفلة افضل او جلوة ,,
بالنسبة للحفلة..اهي حلمي ,, احب حفلات الزواج موووت ,, احب الفستان و المسكة و الكيكة و كل شئ....بس الميزانية تعبانة و ما تساعد حق اسوي العرس الي في بالي , اذا بسوي عرس بضطر اني اتنازل عن شهر العسل لانة يكلف وااايدحتى لو كان بسيط و انة ابغي اسافر لاني مو من النوع الي يسافر على طوول
و بالنسبة للجلوة .. كل شئ فيها تمام التمام,, ما بتكلفني وايد , و بتخليني اسافر مع زوجي,,, بس بتحرمني من فستاني الابيض و احس اني بتحسف عليه لو ما لبستة
و في نفس الوقت اهلي و اهلة و خواتي ,,, كلهم يبغوني اسوي عرس عشان يستانسون فيني لاني ما سويت حفلة خطوبة << بس سويت ملكة في البيت لان الوالدة(الله يرحمها) ما كانت ماخذة وقت من توفت
انة ما ابغي اضغط على خطيبي ,, و انه متاكدة ان لو كان يقدر يسوي لي كل شي كان سواة و ما قصر
ابي رايكم ,, و ارجوووكم لا تخلوني