صدمة المنتدى المختلط

هلا خواتي شخباركم



يعلم الله اني من ردودكم على موضوعي الاول تجرات اني احط لكم مشكلتي انا هي مو مشكله

بس ابي نصيحتكم فيها

خواتي انتو عارفين من موضوعي الاول اني انا ما احب سوالف التعارف عالنت وعارفه انه حرام

بس انا مره اشتركت بمنتدى مختلط بنية اني مشتركه عشان قسم الاناشيد
عندهم يحطون الاناشيد الجديده اول باول وانا انزلها على مبايلي

يوم اشتركت قعدت احوط بالمنتدى من فتره وارد عالمواضيع وانصح البنات وانزل مواضيع دينيه مفيده

عشان يستفيدو منه البنات والشباب

وكنت انزل مواضيع نقاش صريحه ومفيده للطرفين وهم يستانسو من مواظيعي

فجاه راسلني واحد عالخاص في البدايه كان يكلمني عادي عن مواضيعي واقوله اخوي وجي

لني ما احب اقفط احد وشففته يعني يستشيرني بشي فرديت عليه

بعد فتره صار يطرش عالخاص يسال عني فارد عليه ان انا بخير اخوي
وجي

عقب فتره اعترف لي انه يحبني وقالي والله ماعرف كيف حبيتج

قالي انتي غير مواضيعج مفيده واحسج عاقله مو مراهقه نفسهم وتوقيعج ديني

قال والله اعرف انج بتقوليلي كيف حبيتني وانت ما شفتني ولا تعرفني
قال والله ماعرف بس احساااااااااس فيني وصارحتج فيه

انا قتله انا ماني من هالنوع قالي والله اعرف وهذا اللي جذبني لج

قتله هذا اعجاب بالشخصيه وبس ومصيرك بتنسا

قالي لا مو لازم لما تحب احد تكون نهايتك معاه وقالي والله ماعرف كيف بديت افكر فيج

ومواضيعج اقاراها اول باول

وقاليي صدقيني اذا حصل ظروف وتباعدنا ما بزعل بتمنالج الخير بس الله لا يجيب هاليوم مو لازم عشان نحب بعض نفترق

انا ظليت طول وقتي ظده

بس والله قعدت افكر اول مره يصير معي هالموقف

وقعد يحلف ويقسم

قولولي شو هذا ؟؟؟؟؟

يعني انا يوم اشتركت ماكنت متوقعه ان جي بيستويلي

يعني بنات مو تجرحوني بالرمسه انا خبرتكم لني منصدمه من اللي صار واول مره جي يصير لي

بس فزعتكم والله ونصيحتي بس