ولد عمي الصغير يقولوالييا000000

والله الموضوع من أكبر مشاكل الاطفال في هذا السن ... وللأسف مب الطفل يباله تأديب سامحيني يا الغالية ولكن العم هو اللي لازم يمسك لسانه الوصخ ... عافانا الله... لانه هذا طفل يا الغالية وكل كبير في العيلة راح يكون له قدوة .... فأنا ما الوم هالطفل ولكن الوم عمه الله يهديه وإذا تبون تعلمونه الاحترام علموا عمه بالاول .... ما راح يتعلم الجاهل ابدا وهو يسمع هالكلام كل يوم من فترة لفترة ....




يا الغالية في المدارس اطفال يتناقولن الكلام البذء فما بالج إذا خرج من العم
فإذا في واحد كبير في العيله لازم يكلم العم والله ويحط له حدود على الاقل جدام اليهال ....



العتب

هذا الولد لايعرف معنى الكلمة ولكن يكررها لسماعها من والده المحترم
اهم شي انه تخلين والدته تكلمه وتتفاهم مع ابوه ويكلمونه ان هذه الكلمة عيب وحرام واذا قالها مره ثانيه سوف يخرج الدم من فمه حتى لا يكررها مرة اخرى
والمحترم الوالد المصون يجب ان يتأدب ولا ينطق بها مرة اخرى امام ابنائه .




دمتم سالمين
اختكم شريفة

مشكورة اختي بس العم حيتادب كيف للاسف عمره50 سنة الين دحين ماعقل واذا سمع الولد حيخاصمو ويمكن يضربو لكن ماحيبطل هالكلمة شو العمل مع هالولد

[MARK="999999"]
هلا

طبعا انتي سويتي اللي عليج و شكيتيه لأمه و أبوه و النتيجة جات على فاشوش
و طبعا ما لج حق تضربينه و لا تأدبينه بس اللي تقدرين عليه هو انه لما يقول لج هالكلمة تخاصمينه يعني ما تعطينه ويه بالمولية لو شنو يسوي في روحه حتى مطالع لا تطالعينه و اعتبريه مو موجود، و اذا طالعتيه لو بالغلط خلي نظراتج له خزات عشان يحس أن اللي سواه غلط و عيب و عشان يمكن أهله يستحوا شوي و يأدبوه صج....
خلج على هالمنوال لما يتأدب معاج لأن الطفل كل اللي يبيه اهتمام و اذا ما لاقاه منج بيعرف أو على الأقل بيحس أنه سوى شي ضايقج
[/MARK]

والله ماادري شنو اقول لك دام انه يسمعها على طول

اكيد برددها بس خوفيه منك قولي له بحرق لسانك او بقطع لسانك اذا سبيتني

احملي سكين او نار وخوفيه فيها حق مايتجرأ يغلط عليك

المره الجايه خذي قرن فلفل حااااار وحطيه على فمه عشان يحرم يقولك كلام وصخ

دامك شكيتيه لامه وابوه ولا نفع سويهااااااا مرررره وراح تدعين لي

اذا ااا ذاق طعم الفلفل الحار يوم يجي ينطق اي كلمه شينه راح يتذكر حرارة الفلفل

الله يهديه بس وعطيه واحد قولي له اذا سمعت ابوك يقول كلام موب زين حطه في فمه خخخخخ

مشكلة والله يعينكم ......
بس ياليت انتي تمسكين الولد مرة وعشر مرات وتفهمينة على جنب إن هذا الكلام مو حلو ........ والناس تكرة اللي يقول هالكلام ....وماتحب تجلس معة
كررررررررررررررررررررررررررررررري المحاولات مع الولد لأن هو صغير والتكرار يعلم الشطار .....بكرا هو بيستحي ويكرة يقول هالكلمة إذا تذكر كلامك ...وبيدعي لك إذا كبر

والله الغالية إذا هذا عمره فعلى الدنيا السلام ... والله يستر على عمج تنعرف شخصيته الله يعينكم
اهم شيء انتي ظلي خبري اهله على اساس تبري ضميرك ... ويكون سويتي اللي عليج ...


الله يعينكم

العتب