الحمل "افرازات مزمنة"والاعشاب ممكن تساعدوني؟؟

:down:معقولة ماحد عندة فكرة عن الموضوع كدة تتركوني اعاني ولا حد يساعدني ماكان العشم فيكم واللة كل الي دخلو ماعندهم رد:confused::confused::confused::confused::confused::confused::cry: :sad:

غاليتي انتبهي على نفسك
ولا تستخدمين اي وصفه ما دامك حامل
طيب وش اسباب هذي الإفرازات التهاب مثلاً والا يمكن يكون طبيعي مع الحمل
عموماً انا راح ارسل لك رقم شخص متخصص في علم الأعشاب
كلميه بالهاتف واشرحي له الحاله وان شاء الله تلاقين عنده الحل
لأن المتخصص يعرف ما سيفدك وما سيضرك
راح ارسل لك الرقم على الخاص
ما قدامك الا العافيه وسلامتك من كل شر
الله يتمم لك على خير ويرزقك بالذريه الصالحة

أختي الله يعافيك اللي أعرفه أنه لازم تروحين دكتورة زينة وتوصفلك تحاميل هي تساعد على وقف الافرازات أما بالنسبة للمرة عادي استخدميها وان شاء الله مافيها ضرر على الجنين لاتنسين انه هذا يعتبر شيء خارجي مثل الغسول ومامنها ضرر ان شاء الله .....

وأنا أكرر وأقولك راجعي دكتورة كويسة ولو أعرف اذا أنت نفس منطقتي ول لا كان أرسلت لك على الخاص دكتورة ممتازة أعالج عندها وهي متخصصة بهذي الأشياء.

أتمنى اني أفدتك وفي الخدمة:smile::smile:

مشكورة اختي القمرة واختي الرتحلة على ردكم وانا من الشرقية ادا تعرفين دكتورة كويسة ارسلي لي على الخاص وما تقصرون يجعلة في ميزان حسناتكم ان شاء اللة

الله يسهل علييج عزيزتي وتقومين بالسلامة ..
عزيزتي ... عليج بالملح أو الشوفان مرة رهيب
تيلسين في حوض به ماي دااافي وتحطين شوي ملح أو شوفان وخليج يالسة لمدة ربع ساة وإن شاء الله الله بعافيج أهم شيء اشربي ماي وااايد تقريبا 2 لتر أعرف بتقولين وااايد بس صدقيني زين أحسن عن الادوية الكماوية

مشكورة اختي سارووووووونة على الرد والنصيحة بس مادري تقصدين حوض الاستحمام وايش نوع الملح وهل الشوفان هدا الي نستعملة وما ياثر على الجنين مشكورة مرة ثانية