الثقة والفلوس ،،

اشحالكم ؟ عساكم طيبين ،،،
بنات انا عندي مشكله يمكن تكون سخيفة بنسبالكم بس والله انها هم كبير على قلبي

صديقتي كانت ياية عندي وحسيت انها متضايجة من الخاطر ويوم سالتها شو فيج تمت تصيح كسرت خاطري ،، وتميت ازن عليها ماطاعت تقولي وهي فحياتها مااشكتلي عن امورها العائلية بس كنت احس انها حالتهم المادية وايد صعبه ،، المهم بعد ماالحيت عليها قالتلي انها محتاجين 15 الف مبلغ مقدم لاجار بيتهم واخوها تعب من كثر مايدفع ومعاشه وايد ضعيف وهو الحين عمره 29 ولين احين ماجمع فلس واحد عشانه كله عشان اهله ،،،
ولو مايابوا المبلغ خلال اسبوع بيطردهم من البيت وهم مالهم احد هني ،، المهم قالتلي لو اقدر اساعدها وانها اسفة لنها طلبت مني بس مالها حل ثاني ،،
مع العلم انها صديقتي من يوم ماكنا صغار يعني من 2 ابتدائي ونحن احين فالجامعه بس اهلي مب وايد مب اهلها لنه امها من جنسية ثانيه بس والله انها ادب واخلاق والله ،،،
كلمت اختي وقالت انها بتساعدهم ب 5000 الاف بس ماعرف اذا تقدر ترجعها ولا لا ، اخاف ماتقدر واحس بتأنيب الضمير وانا مااضمن انها تردهم ،،، واستحي اطلب منها اثبات ولا شي

هي محتاجة وربيعتي من زمان وانا ماروم اشوفها متضايجة وحامله هموم الدنيا فوق راسها والله ماتستاهل ،، هل اساعدها واثق فيها انها بتردهم ؟ ولا اسكت واشوفها تتألم وتصيح ؟؟؟

احترت والله ماعرف شسوي ،،،،،