تجهيزات ومشتريات كتاكيتنا للعيد ان شاء الله

هلا حبيبتي .. مشكوره على الموضوع الحلو .. ياريت الكل يشارك عشان نفيد ونستفيد

انا شريت فستانين لبنتي من اتش اند ام و تاجين لايام العيد ولاول يوم افكر اخد ليها من الكوليكشن الجديد من اكسوسوريز.. بس لولدي اللي يحفظه عمره قريب 4 شهور و ماشريت له شي ..

ماشاءالله بسمة صايرة نشيطة في هالمواضيع
اني بعد الحين مجمعة كم لبسة جدد ومتحيرة ايهم البسهم الحين وايهم للعيد !!!

وبسئلكم عن عيد الاضحى شلون بيكون الجو ( حار او بارد ) ؟

بسمة اطفالي



ما شاء الله عليش نشيطة(y)
وتقراين الافكار:D
كان في بالي انزل موضوع عن العيد
سبقتيني خيووووو:wink:
اللحين خيووو صرت نفسش
اتشرى واخزن
استغل فرص التخفيض

اني الحين اشتريت الى بناتي ثياب العيد باقي ريش شعر والاكسوارات
ولدي للحين ماشتريت اليه
لو اعرف احط الصور احطها اليكم

مساااااااااء الخير

أنا شريت لعيالي ملابس تجنن من محل تاك تاك في دبي مول

بس اول يوم العيد بيلبسون ثياب ان شاء الله

هلا خواتي حلو نفيد ونستفيد بالنسبة لي انا أشطر عنكم كلكم ههههههههه ما شريت ولا جهزت شي لبنتي ما عدا شريت لها قطعة وديتها الخياط يعني سويت لها مخور عاد ما أدري لأي يوم بتلبسه أما شي ثاني فلا هيه أذكر من شهر تقريبا شارية بدله عبارة عن تنورة وقميص مع شنطتها حلوة عجبتني انا كنت شارية بدلتين بس وحدة لبستها ووحدة خليتها لأنها أكبر شوي قلت بخليها للعيد ما حصلت شي حلو هالبدلة شاريتها من الميغامول اعتقد محل ميني بوس ما اذكر اي واحد فيهم لاني اطوف عليهم كلهم بس بصراحة للحين أدور ما حصلت شي كاشخ ما ادري من وين أشتري لها شي مميز يالله بستفيد منكم أصلا دايما قبل العيد بأسبوع أشتري الي قيمته 100 يستوي 300 أتبهدل بالاسعار هالسنة بحاول اشتري باقي اسبوعين عن رمضان بحاول أذا الله أراد أشتري كم لبسة لها

بسوومه تقرين افكاااري ..!!!
كنت افكر انزل الموضوع اليوم ..
واخذ افكار وخصوصا حق ملابس الاولاد ..!

وقلت لو عجبتني بدله من بدلات عيالكم ..مثلا ممكن نروح المحل ونستفيد ..!
موضوع حلو وجهه في وقته لانه اغلب المحلات قاعده تنزل شتووي ..
واذا تاخرنا اكثر الى قريب العيد بنلاقي كل شتوويه وبنطورط ..!
المفروض من الحين ..!

ماشاء الله بسومة وان شاء الله دوم النشاط وان شاء الله مايروح تعبش بلاش

بالنسبة لي عادة كل سنة اشتري يوم وبكرة العيد بس هالسنة تشطرت واستغليت التخفيض

باقي لي نتاتيش جوارب على احذيه وان شاء الله ناوية افصل ليهم ثياب لظهرية العيد وقت الغذا واللبسات اخليها للعصر

ورحم الله والديك على هيك مواضيع

ماا شااء الله عليج ياا بسووومة

ياا أم الأفكااااار العجييييبة

أول شي سوويته و قبل لاا أكمل الموضوووع حااولت أعطيج تقييم

بس للأسف الميزاااان راااافض !!

بس ولاا يهمج راااح أحااااول معاااه >> تستاااهليييين ياا أم علي

و بالنسبة لي ماا جهزت و لاا شي

و كل شي أخذه ألبسه العياال أوول بأوول

و بكل مناااسبة ماا أشتري غير حزة الحزة بووقتهاا يعني

ان شاااء الله هالمرة أحااول أجهز من وقت

و يلاا ياا عرااايس وروناا شطاارتكم و نزلواا تجهيزاااتكم

و ان شااااء الله كلنااا نستفيد

و عسااااااكم من عوواااااااده

و مشكووووورة يااا أم علااوي ع الموضوووع

ماشاء الله عليج سباقة بالمناسبات... تستاهلين التقييم

أنا جهزت كل أغراض عيالي من شهرين تقريبا.. أستغليت هالمرة التخفيض وتشريت حق بنتي وولدي.. ويوم سافرنا ماليزيا بداية شهر ستة شريت لولدي كل شي.. ولما ردينا كملت الناقص مع أغراض المدارس.. حتى حق روحي خلصت كل شي يكون ماطلع في رمضان وأضيع وقت العبادة في السوق وسط الزحمة والغلاء...

حاولت اقيمش وراافض ما ادري شسالفته ..!!
عموما تستاهلين احلى تقييم ..!

بسومة حبيبتي

موضوع رائع فعلا

بس انا ليما الحن ما خذيت ولا اي شي الى بنتي

بس عندي استفسار

الحين بنتي رجلها عزكم الله عريضة ومو محصلة لها جوتي يدخل رجلها كلهم الى بنوتات رقيقات

يعني بنتي رجلها عريضة وفوق منتفخة شوي شسوي وين اروح افتريت البحرين كلها مو لاقية شي على قدها

اللعام للعيد عمتي شرت لها واحد من هش ببيز والحين كلما اروح مااحصل اللي ابغيه شسوي انقذوني