ولدي مدري شفيه .. مضايقني .. !!

وعلى فكرة سمعت ان ظهور الاسنان او تأخرهم يتعلق بعوامل وراثية .. وبنت عم ولدي عمرها 11 شهر

وللحين ما طلع لها ولا سن .. وولدي بعد اتأخر في التسنين .. فأنا اتوقع ان لما يطلع لبنت عمه اسنان

انه اهو بعد بيطلعون له لما يصير عمره مثلها .. فالخلاصة من كلامي اني استبعد ان الي في ولدي اعراض

تسنين

في البدايه ما عليه شر ولدج ..!
ومن خلال كل الا قلتيه والي انا مريت فيه مع ولدي ..
اتوقع يا تسنين ..او ممكن يكون عنده احتقان ..!

والسببين هذوول من اعراضهم ارتفاع الحراره ..!
والسببين تاذيت منهم وبالخصوص التسنين ..
لانه يعوف الاكل بسبتهم ومزاجه يصير مو كلش ..!

واما اذا احتقان المفروض تعالجينه ..
وذي الطبيب يشوف ممكن بلاعيمه ولا اذنه لانه لها دخل كبير ..!
وازيد شي يجي عوراهم باليل وعلاجه مضاد ..!

واذا طلع من التسنين في كريم خاص بتسنين يخفف المهم ..
وينحط على اللثه موجود بالصيدليات وخاص للرضع ..!

والم الاسنان يطول على ما يطلعون ..!
انا اخر شي الرحي غربلوني وصار كل مصخن بسببهم ..
وتغربلت وياه حتى عيادة اسنان خاصه بالاطفال وديته ..!
وهي الوحيده الا مووجوده عدنا بالبحرين ..

وقالت لي انه لثته متينه ..!!
وعلى ما يشق الضرس اللثه يتاذى ..
وتصيده كل الاعراض الا ذكرتيها ..!
والله يكون بالعون واهي الا قالت لي عن لكريم
الا يخفف من الم التسنين تلاقينه بصيداليه ..!

ان شاء الله من تجربتي اكون افدتك ولو بالقليل ..!
ما عليه شر يارب .. وموفقه ..!

فرووووولة;10083977:
وعلى فكرة سمعت ان ظهور الاسنان او تأخرهم يتعلق بعوامل وراثية .. وبنت عم ولدي عمرها 11 شهر

وللحين ما طلع لها ولا سن .. وولدي بعد اتأخر في التسنين .. فأنا اتوقع ان لما يطلع لبنت عمه اسنان

انه اهو بعد بيطلعون له لما يصير عمره مثلها .. فالخلاصة من كلامي اني استبعد ان الي في ولدي اعراض

تسنين

حبيبتي كلش مالهم علاقه بالوراثه ..
كل طفل يختلف عن الثاني ..!

واكبر دليل الاخوان واحد من 5 شهور يسنن وثاني سنه وشهر يسنن ..!
يختلف من طفل لثاني وكل هذي الامور على سماكة اللثه ..!

موفقه ..!

تسلمييييييييييين والله يالغالية على ردج والله اجبرتي بخاطري الله يوفقج يارب وين ما تكونين

اهلا اختي فراولة

ما على ولدج شر ان شاء الله

بس حبيت اطنج ان شاء الله ما عليه اي شر .. لان بنتي تقريبا بمثل عمر ولدج بس ما شاء الله سننت خلاص
بس كنت الاحظ ان كل مرة راح يطلع لها اسنان الاقيها مزاجها غالبا متعكر وخصوصا اول مرة طلع لها اسنان

اما بخصوص النوم فانا اعاني من نفس المشكلة .. واتوقع ان ولدج ما ياكل وايد بالذات قبل النوم
حاولي تعشينه بأي شي غير الحليب والسريلاك .. انا احس السيريلاك هذا لاول شهرين من الاكل
بنتي بعد الحين ترفضه رفض نهائي وتفضل تاكل من اكلنا حتى لو شي بسيط بس ما تحب اكلها الخاص

صادتني فترة طويلة وقرابة الشهر وبعدين اعتدل نومها مرة ثانية ورجعت تطول بالنوم
للحين تقعد بالليل بس ترضع وتنام مرة ثانية

ثاني شي حبيبتي اتوقع اذا كان ولدج يرضع طبيعي فهذي علاقة طبيعية .. كانت بنتي تقعدج بالليل تصيح ولما اخذها ارضعها مباشرة تنام
يعني بس حركات عشان تتأكد اني راح اظل جنبها طول الليل


ان شاء الله ولدج ما فيه الا العافية وطمنينا عليه



مسامحة على الاطالة الهدرة الزايدة هههههههههه

هلا وغلا بسجوود الروح

انا احس ولدي كره الحليب وعدل كلامج ما ياكل شي قبل النوم

بس ارضعه صناعي مو طبيعي وهو المفروض يشرب 180 مل وكان ما شاء الله يشرب هذي الكمية

وهالايام يشرب بس 100 مل واقل .. البارحة شرب تقريبا 80 مل وتوقعته يقعد من النوم بسبب الجوع

ولكنه تم نايم للصبح .. ولما قعد رضع بس شوية وقعد يصيح .. صاير يصيح بس لما يرضع ليش مادري

والله خايفة عليه موووووت

اول شي غلط انج تخلطين اي دوا مع الحليب ... اسالي الدكاترة في هالموضوع

وبالنسبه لولدج اصلا شي طبيعي اي الم يزداد بالليل ..سبحان الله ...

وبعدين وما تقدرين تحددين ولدج شو فيه لانه ممكن يكون التهاب اذن ولا بلاعيم ... ولا غازات ولا تسنين اعراضه كلها متشابهه والطبيب هو الي بيقرر ولدج شو فيه ..

واذا رفض الادول في بديل الي هي التحميله لها نفس المفعوووووووول

الله يشفي ويكبر ويصير سند لج ان شاء الله

- أختي الكريمه قبل أي شي حصني طفلكي دائما بالأذكار والقرآن وإجعليه ينام عليه
- بالإضافه لكل ماذكر من الأخوات يمكن أن يكون عقد ( نحن هكذا نسميها ) أو ما يطلق عليها غازات تكون مع الجنين طبيعيا وتخرج مع الرضيع مع الفضلات أعزكم الله لكنها أحيانا لا تخرج وتسبب الألم للطفل فيبدأ في التعصر كما وصفته محاولا إخراجها أنصحكي بماء يسمى ماء غريب يباع في الصيدليه أو إخلطي ماء مع القليل من السكر وإجعليه يشربه
- لا تغفلي إستشارة طبيب الأطفال فيمكن أن يكون شي لم تلاحظيه
- لا تعطي طفلكي أي نوع من الأدويه الطبيه دون إستشارة الطبيب مهما صغر في نظركي فقد يسبب الكثير له وقد لطف الله بطفلك من الباندول فهو قوي التأثير على الكبار فما بالنا بالرضيع
- عوديه على إخراج الهواء الذي رضعه مع الحليب وذالك بوضعه على كتفكي والتربيت على ظهره بلطف وستلاحظين أنه أرجع بعض الحليب فلا تخافي فهو طبيعي ( أي إجعليه يتجشأ ) وهذا أمر صحي له
- تأكدي من مكان نومه فقد يكون غير مريح له أو بارد ومعرض للهواء
حفظه الله لكي من كل مكروه فهم أغلى مما يتصورون (^)

الله يحفظه ويخليه لج يارب

الله يحفظه يااارب والبنات ما قصرن..

حبيبتي تراه الياهل فدي العمر ايصير عندة قفزة فالنمو واتصير مرة بالشهر مرة بالشهرين وعلى دي السبب ما اينام عدل كلها فترو واتعدي


انا شريت كتاب مترجم امريكي وفادني فدي الامور

مدام ولدج ما فيه اعراض المرض فعادي كل اليهال ايصير فيهم هاللون لا تحاتين

وسلامتكم

صحيح كلام اختي kh.imane

اختي اذا تحبيت تتأكدين انا عادة اروح حق دكتور في عيادة خاصة
اذا حسيت نفسي وايد اوسوس اروح له
وما اطلع الا مرتاحة
اقول له على كل شي وهو بعدين ما يقصر
يفحص الياهل من جميع النواحي عشان يتأكد
وفي النهاية يقول لي على الي العلاج
ولو ما كان فيه شي يساعدش انش تفهمين شلون تتعاملن معاه
انا لما صادتني مشكلة الرضاعة مع بنتي رحت له وفعلا نفعني

اذا تحبين راح ادلج عليه

مشكوووورين اخواااااتي ما قصرتوووو على وقفتكم معااااااي وكلكم امهات واكيد تحسون بقلب الام على اولادهاااا وان شاء الله من الصباح راح اوديه الدكتووور واتطمن واطمنكم

الغالية سجود الروح ياريتج تدليني على الدكتور و في وين تصير العيادة الي اهو متواجد فيهاااا

الدكتور موجود في عيادة الحكمة بشارع البديع
فوق صيدلية رويان
اسمه حسن علي زين الدين

المشكلة انه العيادة غالبا زحمة
تقدرين تاخذين منه موعد بالاول

راح ارسل لج الرقم على الخاص


وان شاء الله ما على ولدج اي شر

تسلمين يالغالية

انا وديته اليوم المركز الصحي الحكومي كنت مستعجلة وفحصت الدكتورة اذونة و بلاعيمه وقالت انهم الحمد

لله مافيهم شي وتقول انه يمكن لانه كان مصخن واهو في فترة نقاهه عشان جذي مو حاب الاكل والرضاعه

واحتمال انه الحين في فترة تسنين وقالت لي عن اسم جل موجود في الصيدلية اخذه له و عطتني دوا عن

اذا صاده احتقان .. بس الاحظه يحب الاشياء الباردة يعني لما اعطيه تفاح ولا كمثرى بارد يحب ياكلهم ..

وابشركم الليلة الحمدللة قبل لا ينام رضع زين الحمدلله رب العالمين شكثر فرحت