السلام عليكم شحالكم حبيباتي................انا مربيه من 7 شهور الحين وكنت دايما افكر بموانع الحمل بس قلت بخاطري تو الناس بصبر شوي ..........لاني ما حصلت الحل الي يناسبني اتخوفت من كل الموانع نفس الابر والحبوب واللولب.........من اسبوعين حسيت بالم فظيع بظهري وريولي سرت المستشفى وخذيت ابره خف الالم شوي ورد مره ثانيه وعقب اسبوع سرت حق دكتوره نسائيه بنفس يوم موعد دورتي الشهريه وكان عندي الم الدوره المعتاد.......خبرتها بمشكله ظهري وجسمي .قالت لي ها اكيد شد عضلي وعطتني ابرتين وعقب سالتها عن تركيب اللولب .مدحتلي هالمانع وقالت لي احسن شي اللولب وانا بصراحه اقتنعت بكلامهااا.وعقب قالت لي بسويلج تحليل بول قلت اوكي ولما سويت قالت لي ما اعرف شو اقولج غير مبروووووووك........انا بطلت حلجي وقلت على شو دكتوره قالت لي حااااااامل.....تميت واقفه واطالعها وحسيت الدنيا تلف فيني
ولدي صغير بعده محتاج رعايه وانا بعدي ما قادره انسى يوم ولادته واحس بتعب وارهااق ما يعلم فيه غير ربي..............يالله لا اعتراض على حكمك بس كيف بربي ياهلين متقاربين بالعمر .......ولدي بعده صغير لا يمشي ولا حتى يقول غير ماما وبابااا
انا اعرف ان هاي نعمه من الله .الف حمد وشكر لك ياااااارب وفي غيري محرومين من نعمه الامومه وانا ربي عطاني الحمد لله........................خواتي مشكلتي الحين اني مول ما متقبله الوضع هذا:ا احس اني فرحاااانه كله افكر ومرات اقول اكيد في غلط
والله من الضغط الي علي ومن الا رهااااق .ولدي صغير ويرضع طبيعي كيف اقدر افطمه وكيف بييب غيره اخاف اهمله ووين بحصل فرصه ارتااااح فيهاااا, وريلي اخاف اقصر وياه .يعين الحين بواحد وبعد ما محصله وقت ارتاح فيه .24 ساعه شاغل وقتي
خواتي محتاجه وقفتكم وياااااااي نفسيتي تعبانه وايد افكر بالحمل .افكر بولدي .افكر بريلي (يقولي الحين ما بتفضين لي كل وقتج بياخذوه العيال)افكر بنفسي ..........ساعدوني وعطوني حلول ارفع فيها معنويتي.......
والاهم والاهم كيف افطم ولدي .؟؟شو اعطيه بالليل لو يقوم يصيح ...؟؟؟؟؟؟ما ابا اعطيه مرضعه .....عطوني حلول غير ؟؟؟؟؟؟كيف اوفق وقتي بين ولدي الاول والولد الثاني الله يحفظه ويسهل مخرجه؟؟؟؟؟؟؟كيف بقوم بواجبي تجاه ريلي بدون ما احسسه ان اليهال هم كل وقتي؟؟؟؟؟؟؟؟؟؟؟؟؟؟؟؟ساعدوني خواتي وياليت احصل ردود حلوه وعشمي فيكم كبير الغاليااااااات
حبيبتي الله يسهل عليج ويقومج بالسلامه
هذي نعمه من الله واحمدي ربج عليها
الصراحه انه ماعندي خبره للحين ماربيت
دعوااااتج لي هالشهر احمل يارب ياكريم
الله يرزقج بالذريه الصالحه اختي زهره الجنه.....تسلميين
أ
أمـيــرة بصمتـــي
عروس مبدعة
08-08-2009 | 12:10 AM
الحمدلله رب العالمين على كل حال ..
أختي الله ماعطاك هذي النعمة إلا يعلم بحالك ويعلم بإنك قادرة عليها .. و لا تحاتي ولدك وايد لأن على ماتولدين كبر وصار يمشي وإنتي دايماً اطلبي من الله االقوة والقدرة على تربيتهم وناس واااااااااااااااايد صارت لهم مثل هذي الحالة والحمدلله ولادهم كبروا وبالعكس تربينهم مع بعض كأنهم توم .. وعلى زوجك هو اللي خلاكِ تحملين هو يتحمل:cool: <<<< أمزح
وزوجك فهميه وضعك وإن شاء الله يتقبل ويساعدك ..
وحنا إن شاء الله راح ندعي لك الله يصبرك ويقدرك ..
ولا تهتمييييييييييييييييين (y)
اول شي مبرووك ع الحمل..والله ايتمم لج على خير
غاليتي لاتضايقين ولا شي انا مريت بتجربتج حملت ع ولدي وعمره 6 شهور وتعبت نفسيتي في البدااايةواييد,,بذات انه مايرضع المرضاعة,,وتم صياااح وانا احاول اعلمه واعوده ع المرضاعه لكن مافيه امل ابد فطمته عن صدري وتم ع الاكل بس اتخيلي بدون حليب ابد ماتقبل شي اسمه مرضاااعة وتلقينه طول اليل والله ايصيح من اليوع لكن عودته اني اعطيه اكل وايدواينش من الصبح يدور الريوق الللين كمل سنة بالضبط ومسك المرضااعة....وعن حملي والله كان اخف حمل ابد ماتعبت فيه حتى بطني كان صغير..ويبت عبدالله ونور البيت علينا والحين كله يلعبوون ويا بعض وياكلون ويا بعض ,,فلا اتحاتيين بس بصراحة كنت مهتمه فالكبير اكثر لانه بدا يفهم والصغنون كنت كله ارضعه وارقده,,وريلج حبيبتي من اتنومين العيال بالليل افضي له بس يبالج رقاد الظهر عشان اتحملين سهر الليل..الله ايعينا صدق مسؤؤؤلية
عزيزتي مالي غير الدعاء لك بأن الله يسهل أمرك
وتأكدي ان الأمر فيه خيره لك
وحده من قريباتي طالبة بالجامعة وماعندها شغالة
عندها 3 أولاد أعمارهم متقاربة يعني ماتكمل شهرين بعد الولادة إلا وهي حامل:)
وماشاء الله عليها منسقه وقتها
تلاقينها دائماً كاشخه والبيت نظيف وعيالها مرتبين وقايمه بواجبات زوجها ومتفوقة بدراستها(y)
تقول إنها بالأول حست بإحباط :ss:
وكانت ناوية تتهور وتعمل إجهاض :mad:
بس إستخارت وربي هداها
أصغر عيالها عمره سنة وخمس شهور
بعد ولادتها فيه ركبت لولب والسنة هذي الحمدلله اتخرجت
تقول اللين تلاقي وظيفة ويصير عمر الصغير 3 سنوات
بتشيل اللولب
ماأقول غير ماشاء الله عليها الله لايضرها
ذكرت القصة حتى تشوفين أن غيرك ظروفه اصعب والحمدلله ربي يسرها
اولا الف مبروك على الحمل وهذا رزق من رب العالمين حبيبتي
ولدش مو لازم تفطمينه عن الرضاعه، لأن مريت بنس الموضوع بس بنتي كملت سنه لكنها ما ترضع الا طبيعي وما ترضى بالرضاعه ابدااااااااااا ولما سالت الدكتورة قالت اذا تحسين انك ممكن ترضعين وانتي حامل وما راح يضرك او الجنين ، فعادي ما في اي مشكله استمري على الرضاعه الطبيعية، وفي كل الحالات بنتك كملت سنه فلو فطمتيها اريح لك.. ولأني اشتغل اضطريت اني افطمها ، تغربلت في البداية بس الحمدلله قدرت افطمها.
والصراحه مهتمه في بناتي وزوجي اكثر من اهتمامي في البيبي، بس ما يعني اني ناسيه عمري ، احاول اني ما انسى عمري لأن الجنين له حق علي بعد
وفهمي زوجك انه الجنين تسبب بوجوده اثنين ، يعني اهو له دور بعد في الموضوع ولازم يساندش على الاقل
ربى يهون عليكى ويساعدك حبيبتى
وعسى ان تكرهوا شيئا وهو خير لكم
واعتبرى ان ربى رزقك بتؤام
ممكن تنقلى سكنك قريب من امك علشان تساعدك او انك تجيبى شغاله هى تكون مسئوله عن البيت وانت تربيه الاطفال وزوجك
بس اللى انا مستغرباه ان شريط الحمل بتاعك فى الشهر الخامس؟
ازااااااااااااااااااى؟
ص
صاحبة الظل الخفي
عروس ماسية
08-08-2009 | 01:17 AM
الف مبرووووووووك اختي
ومثل ما الله رزقج بالحمل ان شاءالله بيعينج على التربيه
الحمل صار ولازم تتقبلين الفكرة وتفكرين شلون تنظيم وقتج عشان تعطين كل واحد حقه واولهم انتي
اختي انا وضعي مثلك
بس انا حملت وولدي عمره شهرين وتازمت مررره ولحد الحين مو راضيه اخبر احد انا الحين بالخامس
وتوني افطم ولدي ومررررره تعبانه
الله يكون بالعون وانا متاكده ان هذي خيره من رب العالمين
تخيلي ان الفرق بين ولدي والبيبي 11 شهر بس حتى مو سنه ومرررره ضايق خلقي
بس الله كريم
ربى يهون عليكى ويساعدك حبيبتى
الف الف مبروووك حبيبتي
الي انتي تمرين فيه انا مريت فيه من 3 سنوات
ولدي البكر كان عمرة 8 شهوور واكتشفت اني حامل مع اني كنت ارضعه بس والله اني استانست ما اعرف ليش مع ان ولدي كان صياح وزواع .. وزادت فرحتي يوم عرفت انها بنوته .. مع اني كنت نفسيا تعبانه من تصرفات اهل زوجي وخاصتا اني ساكنه وياهم ...
يبت بنتي وولدي عمرة سنه و 4 شهور انا اولد واسمع صوته برع فالانتضار وهو يزاعج ويركض ويلعب .. وكانت الولاده سهله لدرجه ما تتوقعينها والحمدلله خلال نص ساعه من وصولي المستشفى ولدت ومن ثاني بوووووووش بنتي طلعت للدنيا ...
ربيتهم مع بعض وتربيتهم كانت سهله والحمدلله .. ما حسيت اني اربي 2 لانه شغل البيت على الخدامه وتربيه الاطفال علي وعلى زوجي ... واهلي ما قصروا .. والحمدلله زوجي ما قصرت وياه طلعات ونيلس ويا بعض من يدخل البيت اشغل اليهال باي شي وانا وهو نقعد مع بعض بس اخصص وقت للنقاش وياه بامور اليهال يعني هالاسبوع جدولنا بيكون جي وجي وجي ...
ما يصير انتي بروحج اتنضمين لازم يشاركج عشان ما يحاسبج اذا انشغلتي عنه ...
الحين لو تشوفينهم مستحيل يفترقون 24 ساعه يلعبون ويتضاربون ويحضنون بعض .. واذا واحد فيهم قام وما شاف الثاني يصيح ويدور عليه ... الصراحه احمد ربي انهم يو ورا بعض ولا احس لو كان في فارق فالعمر كان بيكون في اختلاف فالتفكير من بينهم ..
بس اترييت عقب وما حملت الين ما بنتي كملت سنتين وشهر وعقب حملت والله رزقني ببنت من اسبوع واتصدقين من حملت احس اني عيزانه ومالي بارض للحمل والرضاعه والتربيه .. لاني وايد باعت بين بنتي وبنتي اليديده .. والحمدلله كاني ارضع واسهر ...
الله بيقدرج ان شاء الله وبتربينهم ويا بعض وبتشوفين الصداقه الي بتتكون بينهم عقب وبتحمدين ربج .... بس عودي زوجج يساعدج في كل امورج .. حتى فالغسيل والكوايه ترى مو عيب ولا هي اهانه ...
مشكلتج بسيطة ومايبيلها هاي كله
انتي فكري فالناحيه الايجابيه ...
بيكون عندج اثنين بتكبرينهم فنفس الوقت وبترتاحين فتره طويله ...
ادري بتقولين صعب بس الموضوع صار وانتهى فمافي خيار ثاني غير تتقبلين وتفرحين فيه
بس خلج حذره عقب ما تولدين البيبي تاخذين مانع عدل ....
من تخلصين الاربعين ...
والله يعطيج العافيه والصحة والقوة
مشكورات حبيباتي .والله استانست بالردود وايد....اشكركم وحده وحده....الحمد لله .الله يقويكم ويقويني على هالمسؤؤليه.......بصراحه نبهتوني على اشياء مهمه .صدق احسن انهم يكبرون وياا بعض.....وانا مب اول وحده ولا اخر وحده تحمل وتييب يهال متقاربين بالعمر.......الف حمد وشكر لك يارب
بسسس خواتي ابا حلول حق فطام ولدي ........بشرط اني ما اعطيه مرضاااااعه....
من جذي انا اخذ ابره منع الحمل .. حق اتجنب هالموقف ..
بس الحين صار الي صار ..
وتقبلي الموضوع لان ما في حل ثاني غير انج تتقبلينه ..
مبارك حملك ان شاء الله
و احمدي ربك ..
و لا تخافي من التفكير في امور ما صارت .. انت فوضي امرك لله ..
انا حملت على ولدي و كان عمره سنة و ثلاث شهور و ما اعتنيت بنفسي و لا ارتحت و ما ادري شلون افطمه و بعدين صادني اجهاض في الاسبوع 12
اتأسفت .. و قلت اللي رزقني اياه قادر على ان يعطيني الصحة و القوة على الاعتناء به .. و لكن اهملته و الله خذاه من عندي
انت افرحي و خلي نفسيتك و معنوياتك مرتفعة .. و سعيدة بالحمل .. و دائما اشكري الله على النعمة .. و اسأليه الصبر .. و الصحة .. و القدرة على تربية الولدين
و قعدي مع زوجك و فهميه انك بحاجة اله في هالضروف و الحمل صار خلاص و لازم يصير امر واقع .. و ان شاء الله بساعدك ..! متأكدة !