مليت من البيت وأبي الحل السريع

اختي من رأيي خلي بيتك مكان للترفيه...

يعني مثلا سوي غرفه كبييييره سوي فيها العاب لأولادك..سوي فيها كمبيوتر وتلفزيون..هذي الغرفه ما تدخلوها الا وقت محدد عشان ما تملوها...حاولي تستعمتعي مع أطفالك..منها أطفالك يستمتعوا يوم يشوفوك تلعبي معهم ومنها أنتي تستمتعي...


يعني مثلا سويلهم العاب مفيده...مسابقات مع جوائز يزيدوا ثقافتهم..ومثلا حددي وقت للقرأه تجتمعي فيه أنتي وأولادك وزوجك وتقروا فيه وتناقشوا اللي توقروه...


يعني حاولي تجيبي أفكار من هالنوع...

اتمنى أكون أفدتك..

الله يكون فعونك اختي وليش ما يرضى يودج عل الاقل بيت اهلك اتشوفين امك ولعيال يستانسون مع اعيال خالتهم
وانتي هم بعد اتغيريين جو يومين 3
والله يهدي زوجك

الله يعينك حبيبتي حاولي تقنعيه بأسلوب هادي بعض الرجال الله يهديه مايحب الطلعة وينسى او يتناسى حق عايلته عليه قولي له أحنا لنا حق عليك وهاذي إجازة وبكرة تجينا المدارس وربطتها وحنا ماتمشينا ومن هالكلام والله يسخره لك يا رب

نفس المشكلة والمعاناة توني صايحة ومتخانقة معة وأزيدك من الشعر بيت ماعندي خوات بنات يشاركوني همومي ولاصديقات مايحب الصدقات ولاحتى تلفون ثابت اتكلم مع أحد اوسع صدري مليت مليت مليت مثلك أنا ...
زوجي مايحب السفر ولا يحب اطلع إلا لأمي والشئ الضروري تفكيرة شايب يقول أبجيب لك ماكينة تخيطي عليها تصوري وشلون يستهتر فيني .. من جد انا تعبت حتى لو أحاول أني أجدد حياتي أو اشتري شي لازم اتخانق معه عشان الفلوس لأن تفكيرة منطقي مايحب يشتري إلا الشئ الضرووووووووووري وبس
يمكن مأحد يصدق أن أحد عايش بها الطريقة بس من جد والله العظيم أن هاذي حياتي وماخفي أعظم ...
الله يصبرني عليه تكفوووووووووووووون أبغى حل بدون مصاريف .... وجزاكم الله خيرا

خواتي وعزيزاتي
في كثير من الطرق والحلول ولكن يبيلها صبر وقوة احتمال فإذا انتي مستعده تطبقينها راح تحصلين الراحه التامه والوناسه
غالياتي الحياة الزوجه اخذ وعطا وبعدين حاولوا انكم ما تشدون بالكلام يعني في امور بالحياة تتطلب منا نرخي في الوقت اللي ازواجنا يشدون فيها والعكس صحيح بس الزوجات يطبقونها اكثر
وصدقوني كل شي يجي بالكلمه الطيبه.. بالكلمه الهاديه حتى لو عصب ولا هاوش خلج انتي كووول وفي الفتره اللي هو يكون بهذي الحاله خلي فكرج يشرد بذكر الله والاستغفار ولا تحاولين انج تسمعينه بس خلي عيونج بعيونه وبينيله انج تستمعين له وانتي بالاصل شارده بذكر الله سبحانه وتعالى..
بالنسبه للي تبي ريلها يغير من روتينه انا بعطيج فكره اذا كنتي تقدرين تنفذينها راح يتغير ريلج بالتدريج مثلا حاولي بيوم تتصلين بأحد الفنادق وتتفقين معاهم يسوون لريلج هديه مجانيه مثلا ليله بالفندق او غدا او عشى مجاني له ولكل اسرته ولازم الاسره كامله وطبعا انتي تكوني دافعه المصاريف سواء بنفسج او تطلبينه من أهلج.. راح تلاحظينه بعد ما يقضي هالسهره برا البيت مع اسرته مزاجه تغير..
وفكروا بأمور ثانيه بس لو تشغلون مخكم وتاخذون الحياه ببساطه راح تستانسون بحياتكم
وتحياتي لكم واسمحولي اذا ما قدرت افيدكم

الله يفرج همك

وهموم جميع المسلمين يارب

اختتتي روحي ابها حللوة مررة مو لازم سفر للخاررج او داامه ما يوافقق سوي لج ليلة حمرة وتعدلي وحطي ميكبب او هل امووور ا اقنعييه اب دللعج وربي يوفققج

والله مااعرف شنو ارد داخله ادعي لك انتي واختي محيط الدموع

الله يصلح الحال ... حاسة فينج يا عيني انا زوجي كان جذية بس مع الزمن تغير ما اقولج 100% بس للأفضل على الأقل بالاجازات صار يسافر مع العيال ... عشان يتغير تطلب الامر مني صبر من 9 الى 10 سنين صبروا الله يصبركم انا كنت الهي نفسي بالاعمال التطوعية في المراكز الدينية ولله الحمد ... وعيالي ليضاقوا طرشتهم بيت اهله أو يلعبون بالكمبيوتر والالعاب الإلكترونية هذا الى جانب ادخلهم دورات تدريبية انجليزي كمبيوتر دورات تحفيظ قرآن كريم ... وجزرت السنوات بهالطريقة لين الله هداه وحس بالدنيا وشاف وربعه مع عيالهم كيف ... صار بينه وبين نفسه يقول مساكين عيالي انا عمري ما طلعتهم ويحليلهم ما يتكلمون ... يعني الدنيا علمته انه مقصر ... وصار يسأل وين تبون تروحون هالسنه ... شو رايج نطلع اليوم ... لا وبعد سبحان الله ولله الحمد ربي حتى ترضى صار يقول بجهز لج سفرة ما كنتي تحلمين فيها بخيريج بين 3 دول وما يكون فالج الا طيبة الخاطر .... سبحان الله رائعتي دائما اردد هذه الاية الكريمة واتذكريها انتي دائما (( انك لا تهدي من أحببت ولكن الله يهدي من يشاء )) وادعي الله له بالهداية وصلاح الأمر

رائعتي انا كنت دائما اصير نفسي واقول الحمدالله انه اجت على طلعات ودخلات وما اجت على اشياء اكبر مثل انه يكون خمار وسكار وراعي بنات الحمدالله مصيبة اهون عن اخرى ... رائعتي زوجكِ هو نفسه ما يطلع مع شباب وما له في السهرات والروحات والله اعلم ويحتاج الى الوقت لتغيير ان شاء المولى .

اختكِ العتب

شكر لكل اللي ردوا علي وحاولوا يساعدوني . شكر كبير الله يوفق الجميع . وأبي أوضح شي لkh-imane صحيح زوجي يوديني لبيت أهلي وصديقاتي بس مليت أبي أسافر
ربي يوفق كل اللي ردوا علي وينولهم اللي في بالهم يا رب

اختي حاولي تقنعيه ,,عالاقل اذا رفض يسفركم خارج السعوديه قوليله خلاص ودنا اي منطقة داخل المملكة مع العلم انه السعوديه فيها اماكن ترفيه واااااااايد ومهرجانات..
واذا رفض بعد حاولي اتروحين مع اهلج لان الاجازة من جد مللل وما حد يستحمل يقعد في البيت

شكرا لكم جميعا .. الله يعين من جد أنا مررررررررررررررررره ضايق خلقي ... حتى بنوتي وولدي الصغار حرام محرومين من الوناسه مثل باقي الناس
أنا هلحين تركت موضوع السفر وما صرت أتكلم فيه ابدا ... والله أحاول أصبر على عيشتي اللي مسجونه فيها
يااااااااااارب تصبرني يا ااااااارب
معليش أزعجتكم بس حابه أفضفض لأن مة عارفه وش ممكن يصير لو ما فضفضت

يحقلك والله

جلسة البيت تجييب المرض
انا لي شهر جتني اعراض اكتئاب الله لايوريه لمسلم
تكرهين الدنيا كلها وتزهدين في كل شي

بس لمااقرا قرآن واصلي ارتااح

الله يسخر لك زوجك يارب طيب جربي تكلمين اخوه مثلا يقنعه تروحون انتو واهل اخوه مع بعض او من اهلك اخوانك اتفقي معاهم ان انتو تخرجون مع بعض جربي او اقنعيه باسلوب قولي انك طفشانه وزهقتي وانت زوجي مالي غيرك يمكن يحن قلبه والله يهديه وتخرجون يارب

الله يفرجها عليج

انزين انتي بافكارج تقدرين ترفهين نفسج ....


يسلموو

حاولي معه قولي عشان نفسيات الاولاد وخلي اولاده يقنعونه ...

نشبي عيالك في حلقه وخليهم يزنون على راسه لين يخرجكم :)