يقولون ان اصل هالبسكوت اسباني ..الله يخلي كتاب الكوكيز من مارثا بنت ستيوارت :wink:
الطعم خليط بين بذور اليانسون والبرتقال والفرفه ..
حلوو جربووه
الكمية 24 حبة على حسب القطاعه المستخدمه..انا صار عندي اكثر ..
المقادير:
كوب سكر + 3\4 لرش سطح البسكوت
كوب و ربع سمن نباتي ..كريسكو أو مازولا
بيضه وحده كبيره
1 ملعقه صغيره فانيلا مركزه او ملعقتين صغار سكر الفانيلا
2 ملعقه كبيره روح البرتقال المركز
مبشور برتقاله وحده
3 اكواب طحين جميع الاستعمالاتوزياده لمد العجينه
1\2 ملعقه صغيره بيكنج بودر
1\4 ملعقه صغيره ملح
2 ملعقه صغيره بذور اليانسون مطحون
1 ملعقه كبيره ماي
1\2 ملعقه صغيره قرفه مطحونه
الطريقه :
1- في العجانه يعجن كوب سكر +السمن النباتي على سرعه متوسطه - سريعه الى ان يصير اللون فاتح ..تقريبا 3 دقايق
نضيف البيضه و الفانيلا ومركز البرتقال ومبشور البرتقال ويخلط شوي
2- ننخل الطحين والبيكنج بودر والملح وبالتدريج نضيف خليط الطحين ووبذور اليانسون للمزيج على سرعه بطيئه وبالتدريج نضيف الماي (يمكن زيادة كمية الماي او تقليله الى ان تتكور العجينه بيدج)تلف في ورق نايلون وتبرد فالفريزر لمدة نص ساعه
3-نسخن الفرن على درجة 350 ..ونخلط باقي ال3\4 السكر مع القرفه ويترك على جنب
4- على سطح مرشوش بالطحين تفرد العجينه بسمك 1\4 انش وتقطع بالقطاعه وتنقل القطع على صينية الخبز عليها ورق مشمع ..وترش القطع بخليط السكر والقرفه ..وتبرد فالفريزر لمدة 1\4 ساعه ثم توضع الصينيه فالفرن لمدة 12 الى 14 دقيقه (( يادوب يستوي البسكوت بس مايكون بني من تحت ))..ينقل البسكوت على سلك ليبرد ..
يتخزن هالبسكوت في علبة محكمة الاغلاق وفي درجة حرارة الغرفه لمدة اسبوع كامل
وبالعافيه
بذور اليانسون
