اشلونكم يا بنات ..
هذا اول موضوع لي في قسم المكياج ..
حبيت اوريكم المنتجات اللي خلت بشرتي ماشاء الله تصير فظيعة ولله الحمد .. و صار لي سنين استخدمهم تقريباً 5 سنوات و كل ما اوقف عنها الكل يقولي شنو فيج كان بشرتج تعبانة او مريضة ..؟
أولاً الغسول :
طبعاً انا بشرتي دهنية و في نفس الوقت حساسة و كنت اعاني من الروس السودة اذا استخدمت غسول للبشرة الدهنية يهيج و يهي وصير احمر و ما اقدر احط مكياج حق ايام ..
واذا استخدمت شي للبشرة الحساسة يدهن وجهي و تزيد الرؤوس السوده..
إلى ان رحت مرة اسوي تنظيف بشرة وقالت لي خبيرة التجميل عن الغسول هذامن درمالوجكا Dermalogicaو اسمه spical cleansing gel:
استخدمه الصبح و قبل ما احط مكياج و بعد ازالة المكياج , وفي الليل قبل كريم الليل ، وهو لطيف جدا على بشرتي و نفس الوقت يتظف الدهون ..
و صرت ما استغني عنه ابداً أبداً .
المنتج الثاني و الثالث اكتشفتهم بالصدفة ، زوجة اخوي كانت جايبة مجموعة مستحضرات من صيدلية بوت من لندن و انا اخترت كريم الليل حق البشرة الدهنية الحساسة و من بديت استخدمه الكل صار يسألني شنو امسوية في ويهج يغذي البشرة بطريقة خطيييييرة ، و لما شفت نتيجته شريت المنظف اللي بعد المكياج من نفس النوع ..
و صرت اوصي اي احد يروح لندن انه يشتري لي بس الحين ماله داعي ما قصر الشايع فتح لنا الصيدلية في ستس سنتر .
و سلامتكم :)