بنات تعالو قولولي شو اللي يصير فيني

حبيبتي
انتي اللي يصير لج مثل اللي يصير لي وانا يمكن اخس منج بوووووايد
لدرجه ان وانا راقده كأن احد يشيلني ويقطني من فوووق وعلى السررير
انقز من الرقااد ويدي تعورني من قوووه الطيحه ..
بس كان هالشي من فترى طويله يمكن قبل سنتين
تدرين ليش كان يصير فيني حذي؟!!
لو اقولج تستغربين
انا قبل ثلاث سنين تقريبا لما بروح ارقد في غرفتي اصك كل المصابيح ( اليتات)
واذا برقد اسمع اصووات غريبه في كبتي .. وكأن احد يصك ويبطل فيهم
تدرين ان انا قبل كنت غبيه وسمحي لي على هالكلمه وراح اقولج ليش
كنت غبيه لان عبااالي مافي شي اسمه الجن ... وعبالي الجن في ايام قبل بس
تدرين ان في كل بيت يوجد الجن ولكن جن مسلمين وما يأذون احد
وقول الله سبحانه وتعالى وقد خلقنا الجن والانس ,, صدق الله العظيم
تدرين انا شنو كنت اسووي لما اسمع اصووواات
كنت ازفهم !! واقوول لهم كلام بحيث ان ما اخاااف حتى لو كانواا جن !!
مسووي روحي كللش ويزعم سوبرماااان ..
واكثر ظني واعتقاااادي ان الشي اللي كان يصيدني وانا راااقد ( نايمه ) اهو لان ااذي الجن والله اعلم ..
مرت الايااام وتأذيت من هالشي .. وقمت اقرى قران ..
ويوم قريت قران عرفت من خلال كلام الله عز وجل ان الجن عايش بينا وهاي الحققيه لا تنكر

لو رجعناا لج والى موضوعج يمكن انتي تختلفين عني ...
يمكن تمرين بمرحله فيها اضطربات عصبيه وقلق الله يبعده عنج وعنااا.. وتفكييير ..
وهاي الشي الي يخليج تنقزين بعد كل رقده .
او يمكن تحاتين شي.. او خايفه من شي ... لا سمح الله
وانصحج تقرين سوووره البقره او ايه الكررسي او ما تيسر من القراان
وتعوذي من بليس
وانشالله فترى وراح تعدي ..

موفقه يالغاليه

و عليكم السلام و رحمة الله و بركاته
حبيبتي يمكن شاغلك شي
قولي لا اله الا انت سبحانك اني كنت من الظالمين و اقرءي اية الكرسي

بصراحة ماعرف شي عن اللي يصير عنج
بس ان شاء الله مافيج الاالعافية يارب
توضاي وروحي صلي ركعتين واقراي سورة البقرة
استغفري الله 1000مرة وان شاء الله ماعليج شر يارب
وطمأنيني عليج اختي
ان شاء الله البنات يفيدونج ماحبيت ادخل ومارد

خواتي

انا من طبعي اقرى المعوذات واية الكرسي قبل لا انام

وكم مره اعيدها بس جاني هالشي بعد

عشان جي استغربت وقمت من النوم

وخفت الصراحه

حبيبتي اتصور هالشئ طبيعي
كلنا نمر بهالشئ وانا وحده منهم
بين كل فتره وفتره احاول انام واول مااغفو احس كأني اطيح من فوق مبنى عالي جدا الى الارض
وكأني اقع في حفره مظلمه واحس بروحي حتطلع مني واحس بتخبطات الهواء تضرب جسمي بقوه
يعني كأني اطيح صحيح واصحى فجأه وانا مخنوقه وفزعانه كثير وشوي وارجع انام عادي.
من انا صغيره وانا يجيني هالشئ من فتره لفتره واخرمره يمكن من سنه تقريبا.
وكل مااقول امي او اسولف لخواتي الكبار يقولون لي جاثوم عاد وش هالجاثوم الله اعلم
حاولي لا تكبري الموضوع وانسيه واذا صارلك هالشئ تعوذي من ابليس اللعين
ونامي وانتي تستغفري لحد ما تغفي .
تحياتي

انا تصير لي ولما سألت

قالو لما تنامي وانتي مجهده ممكن يصير لك كدا

يعني امكن اشتغلتي كثير في البيت

او لعبتي رياضه

يعني اجهدتي نفسك

لاتخافي مافيكي شي

وتصير للكل

هدي نفسك ولاتشغلي بالك بيها

حبيبتي اقرأي آية الكرسي والمعوذات ولاااازم تحصنين نفسك كل يوم بأذكار الصباح والمساء والله يحميك ويحفظك من كل شرر

البنات ما قصروا
أنا بعد كان يصير لي ذا الشي وقالوا لي من التعب والتفكير ونصحوني بالمعوذات وآية الكرسي
وراح خلاص الله لا يرده ذاك الاحساس

تقبلي مروري

اختي

قبل النوم توضأي واجلسي على سريرك بهدوء اقرأي آية الكرسي ثلاث مرات ثم اقراي المعوذتين مرتين لكل واحدة ثم التوحيد مرتين .

اخيتي

اتمنى تسمعين كلامي اذا مو مقتنعه بكلام البنات شغلي القران بغرفتك و نامي وهو يشتغل انا جربت الطريقه والحمد لله نجحت

حبيبتي اللي يصير لج شي طبيعي وأغلبنا اذا مب كلنا مارين فيه
هو تكونين في حاله نص صاحيه ونص نايمه
وكأنك تحلمين انج طايحه، عاد من فوق السطح ولا في حفره خخخ كلو واحد

وهالشي له تفسير علمي وله علاقة بالمخ وهو ان المخ يشوف عضلات جسمج ترتخي مثل ما التنفس يصير ابطأ عند النوم ودقات القلب بعد فيقوم المخ و يرسل علامات للجسم تخليه يصحصح، ناس تقول عشان يعطي الجسم اشاره انه حي وناس تقول لانه عباله ان انتي صج طايحه من على مكان ويخليج تستعدين حق تحمين نفسج او ترتدين او شي جذي
عشان جذي تييج النفضه

وهو لا جن ولا جاثوم ولا شي
بس ممكن من اسبابه ان عندج اضطرابات في النوم أو قلق

عاااااااااااادي يااختي توكلي على الله ولاتخافين كلنا صار معنا كذا احياناً من التعب الجسمي او النفسي والرغبة في النوم الشديدة كل شي له سبب الله اعلم وش سبب هالحاله بس لاتخافين هالشي مر على الكل الله يحفظك

الغاليه..

الي يصيدج ...هذي هو ( الجاثوم) يا اختي .. فحاولي اختي ان تأخذي جمب اليمين..في نومج ..وان تذكري اذكار النوم .. يا اختي وصلي ركعتين قبل نومك ...

وحاولي ان يكون عشائك خفيف .. وما تاكلين اي منبهات .. كافين .ز شاي كوفي .. شوكلاته .. على الاقل 4 ساعات من نومك..

واستغفري كثيرا.ز يا اختي..قبل نومك

ام جنى

مثل ما قالوا البنات ما راح ازيد عليهم

والله يحفظج ويحفظنا وما عليج شر

لا تحاتين

حبيبتي يمكن هالشي طبيعي اكو معظم البنات يصيدهم
واني وياكم بعد نفس حالتج
لا تخافين

هلا اختي
لاتخافين انا بعد نفس طريقتك من تنتفظ رجولي
خلاص اروح في نوم عميق ولااحس بشي

انا تجيني هلحاله كثييييير000 واحيانا معها كوابيس ورى بعض اشوفها وانا مفتحه عيوني وهلحاله تجيني بذات بعد الزواجات والحفلات الي احضرها وتسمى ندهه يعني نفوس متعلقه فيك وتطريك دايم من كثر تعلقها فيك00 فتره وتروح اقري المعوذات وتوضي قبل لاتنامين00 انا دايم تصيرلي هلحال الى درجة اني اترك فراشي ومانام الااذ طلع الصبح00

شئ طبيعي


أقري المعوذات و الكرسي


الله يحمنينا من شياطين الانس و الجن