بنات ... من زوجها السبب في تأخر حملها ؟؟؟

انا تاخر حملي بسبب زوجي

و نفس الشئ عنده ضعف في الحيوانات المنوية

و يتعالج عند دكتور محمد الدرازي

زوجي فيه دوالي على شان جي فيه ضعف

و قاعد الحين يتعالج


الله يرزقج الذرية الصالحة

مشكورة اختي ام خالد ..... والله يشفي زوجج وزوجي ...... بس من متى زوجج بدأ بالعلاج وهل صار تحسن في حالته ... هل كلام الدكتور مطمأن عن حالته ؟؟

توت بري;10065335:
مشكورة اختي ام خالد ..... والله يشفي زوجج وزوجي ...... بس من متى زوجج بدأ بالعلاج وهل صار تحسن في حالته ... هل كلام الدكتور مطمأن عن حالته ؟؟

الله يسمع منج يا رب

زوجي تعالج عنده من شهر 4

عطاه بالاول فيتامينات وما صار تحسن

بعدين اكتشفنا الدوالي والحين قاعد يعالج الدوالي

و اذا ما خف تاثيرهم لازم عمليه :(

ادعي لزوجي انه ما يحتاج لعملية

و الله يرزق الجميع

معاكم بس ان شاء الله احكلكم بكره عشان عندى ظروف دلوقتى مش لوحدى يعنى
هههههههههههههههههه

ام خالد ان شاءالله يستفيد زوجج من العلاج ومايحتاج عملية وماتكملين هالشهر الا وانتي حامل ...

doadoa ننتظرج اختي .... ويارب يشافي ازواجنا ونحمل قريب ان شاءالله...

الله يشفيلكم ازواجكم ويارب مايمر هادا الشهر الا وانتوا حوامل

انا كذا طلعت المشكله من زوجي تخيلو بعد ماتعذب بالتحاليل والمراجعات ..........طلع معه لزوجه بالسائل المنوي وعطاه الطبيب دواء كحه مذيب بلغم ؟؟؟ (((يقول كويس لكل لزوجه بالجسم )))وكلوميد تخيلو ؟؟؟؟ومضاد حيوي ..... وسبحان الله ماكمل شهر وحملت ...... بس للاسف في الشهر الرابع توفى البيبي ..والحمد لله على كل حال

أختي أحنا كان عندنا مشكلة في الحركة وهذي ماكانت عنده من قبل لأني حملت بولدي مباشرة بعد زواجي لكن على ماحملت ببنتي تأخرت وسبحان الله علاجنا كان من كبسولات من عند العطار حتى بعد شهر كان في فرق في الفحوصات... والحين أخو زوجي كان عنده مشكلة بالتشوهات وفي شهر بدل 80 بالمائة تشوهات صاروا الحين 20 بالمائة تشوهات...

المهم الكبسولات عند عطار الجواهري (الحين أسمه عالم الأعشاب) أسمه اكستريم.. بس بعد شهر لما رحنا ناخذ العلبة الثانية مافي الا أكس أكستريم يعني أقوى من الأول وسبحان الله الشهر اللي بعده حملت..

انا وزوجى لسه ما حللنا وهنحلل قريب ان شاء الله ويارب تطلع النتائج كويسه ويرزقنى ويرزقك ويرزق كل البنات بالخلف الصالح عاجلا غير اجلا

مشكورات خواتي وجزاكم الله خير ....

اختي سمسمة الرياض ... دواء كحه يعالج المشكله ياسبحان الله ..... الله يرزقج ويعوض عليج في القريب العاجل ان شاءالله

اختي رانيه البحرينية ... الله يبشرش بالخير فرحتيني والله... لان احنا بعد رحنا الى هالعطار وعطانا هالكبسولات واللحين صار الى زوجي اسبوع وهو يستخدمه ويستخدم معاه خلطة العسل وان شاءالله خير وما ينتهي هالشهر الا وانا حامل ان شاء الله ... وعلى فكره زوجي بعد قبل ماكان يعاني من اي مشكله وكنت احمل بسرعه بس سبحان مغير الاحوال ... بس ياريت لو تذكرين جم كانت نسبة حركة الحيوانات المنويه عند زوجج هل كان وايد ولا شي بسيط ؟؟


اختي رورو .... ان شاءالله مافيكم انتي وزوجج الا العافيه وان شاءالله قبل نتايج تحاليلكم ربي يبشركم بخبر حملج يارب

توت بري ، رانيا البحرينية ممكن سؤال ..وين يصير هذا العطار بالضبط اذا ما عليكم أمر ؟؟

اختي تراتيل ملكوتية .... العطار هذا اسمه عالم الاعشاب واحنا الفرع اللي نعرفه في سوق المنامه واعتقد ان لهم فرع ثاني بسوق المحرق ... ويمكن لهم فرع بسوق واقف

هلا أختي فرع سوق المحرق عند مركز الشيخ سلمان الصحي وسط السوق...

أختي توت.. المفعول أثر في 3 شهور تقريبا والحمدلله حملت.. مادري وين نتائح المختبر لأن مادري وين حطيت الأوراق...

بنات عندي سؤال اذا زوجي يبي يحلل في عيادة خاصة يؤوح حق دكتور مسالك بولية او وين بالضبط وشلون الأجراءات يعني يخلونه ياخذ معاه من السائل المنوي من البيت او في العيادة يفحصون..لأن انه فحصت نفسي وكل شي سليم حتى تبويضي ممتاز وقال زوجي هالشهر اذا ماحملت بيروح يفحص بس قالي سألي لأن يستحي يسأل احد وانه ماااعرف اسأل من..ياريت تساعدوني بعيادة ممتازة في البحرين واذا تعرفون الخطوات اكووون شاكرة لكم...من فرج كربة لأخية المسلم فرج الله له كربة من كرب يوم القيامة

أختي حلوة... ممكن تراجعون دكتور أخصائي عقم أو ممكن دكتور جراحة.. أحنا زوجي كان يراجع بالأمريكي عند دكتور سنجاي غوبتا أخصائي جراحة وهو اللي عطاه حق مختبر الأمريكي وسوينا التحليل في البيت وخذيناه بسرعة للمختبر لأن لازم يوصل في خلال نص ساعة...

رانيا البحرينية;10104722:
أختي حلوة... ممكن تراجعون دكتور أخصائي عقم أو ممكن دكتور جراحة.. أحنا زوجي كان يراجع بالأمريكي عند دكتور سنجاي غوبتا أخصائي جراحة وهو اللي عطاه حق مختبر الأمريكي وسوينا التحليل في البيت وخذيناه بسرعة للمختبر لأن لازم يوصل في خلال نص ساعة...

مشكووورة اختي ماقصرتي ..تنصحيني اه بعد اتابع في الأمريكي ؟؟؟
كنت في المستشفى الدولي على التأمين بس بعدين شالو من قروب شركتنه وحتارة اتااابع في ابن نفيس او الامريكي او التخصصي ونور ؟؟؟

شتشورون علي واذا عندكم اسماء الكاترة بالتحديد اكووون شاكرة لكم

شخباااااااااركم نات

حبيت اعرض عليكم التحليل تبع زوجي ... اتمنى من القى احد من الاخوات يعرف يشرحه لي

وهذا هووو



Test result/value units ref.range
Semen analysis

Volume 6.0 ml 1.5- 5.0
Viscosity sl.viscold SI .Viscoid
Liquefacqtion 20 min 20-30
Reaction ALKALINE ALKALIN
PH 8 7-14
COLOUR TURBID WHITE TURBID WHITE
MICROSCOPIC EXAMINATION

TOTAL COUNT 12 MILLION/CC 20-150

IMMEDIATELY MOTILE 50 % 60-99
AFTER 1 HOUR 40 % 50-99
AFTER 3 HOURS 25 % 40-99
AFTER 24 HOURS < 05


MOTILITY SCORE 2 = MODERATE

SPERM MORPHOLOGY

NORMAL SPERMS 50 % 60-100
ABNORMAL HEAH 20 % 0-35
ABNORMAL BODY 20 % 0-20
ABNORMAL TAIL 10 3- 6
Aggregation of Spermatozoa nil
WBC 0-1 /HPF
RBC NIL /HPF

ينابيع الزهور اعرف شي بسيط من التحليل وهو :

هذا TOTAL COUNT 12 MILLION/CC 20-150

يعني عدد الحيوانات المنوية وعند زوجج 12 مليون .... والعدد الطبيعي المفروض يتراوح من 20 الى 150 مليون يعني العدد قليل عند زوجج

وهذا ...IMMEDIATELY MOTILE 50 % 60-99
AFTER 1 HOUR 40 % 50-99
AFTER 3 HOURS 25 % 40-99
AFTER 24 HOURS < 05

يعني حركة الحيوانات المنويه ...... في الساعه الاولى المفروض انها لا تقل عن 60 % وعند زوجج 50 %
وبعد ساعه المفروض انها لا تقل عن 50 % وعند زوجج 40 % يعني الحركه عند زوجج اقل من الطبيعي

وهذا NORMAL SPERMS 50 % 60-100
ABNORMAL HEAH 20 % 0-35
ABNORMAL BODY 20 % 0-20
ABNORMAL TAIL 10 3- 6
Aggregation of Spermatozoa nil
WBC 0-1 /HPF
RBC NIL /HPF

اعتقد انه شكل الحيوانات المنويه واذا كانت صحيحه ولا فيها تشوهات بس مااعرف اشرح اذا اللي عند زوجج اوكي ولا لا


هذا اللي اعرفه ... وان شاءالله البنات يفيدونج اكثر مني ....

والله يشافي زوجج وزوجي ويرزقنا الحمل احنا وكل البنات اللي يبون الحمل ..

حلوه موت ......... انا اعتقد ان الزوج لازم يتابع عند دكتور مسالك بوليه لانه راح يكشف عليه وراح يعرف شنو فيه بالضبط واذا يحتاج ادويه ومنشطات راح يعطيه واذا لقى فيه دوالي راح يتصرف معاه .... وانا اسمع عن الدكتور محمد الدرازي انه شاطر .....
شوفي اختي انصحج تروحين المركز وتقولين لهم يحولونج على السلمانيه وهناك راح يتابعون معاج ومع زوجج من اول مره راح يسوون لج تحاليل كامله لج والى زوجج ..... وعلشان ماتضيعون وقت بعد التحاليل خلي زوجج ياخذ نسخ من التحاليل من السلمانيه ويروح الى الدكتور محمد الدرازي او اي دكتور مسالك بوليه يعني التحاليل راح تكون جاهزه عندكم وراح يكلفكم الدخول على الدكتور والعلاج بس .... وفي نفس الوقت تتابعون في السلمانيه ...