فزعة ياأهل الامارات

انا من الامارات وممكن اساعدج بس جاوبيني على الاسئله
هو من وين في الامارات؟
وكم كان مهرها؟
والعرس وين راح يكون في السعوديه ولا الامارات؟
تقريبا الزهبه نفس شى في الامارات والسعوديه

أم الغربه،،

ف البداية مبروووووووووووووك والله يسهل أموركم،،

شوفي ي الغالية،، أنصحكم بعدم الإكثار من الذهب،،
يعني طقم كبير واحد وصغير اثنين
4 شوالي (أساور اليد)
حزام (إذا كانت العروس أو عاداتكم تلبسون دروع) وبس..

حتى الزهبه لا تكثرون منها،،
يعني 10 بدل (تنوره وقميص)
10 مخورات (كندوره نسائية) ماأعرف ايش تسموها عندكم،،
3 فساتين سهرة أو 5 بالكثير،،
7 مغربي ضخم حق عراوس،،
5 عباة مطرزه حق الأعراس ولا تنسى العباة السادة عشان الطلعات،،
اكسسوارات وملابس النوم طبعا
تاخذ عطورات صغيرة الحجم عشان مايمل الزوج،،

المهم تركز على الثياب إللي بتلبسهم قدام الناس،، وتركز على جو الإمارات جو حار يعني لازم تكون معظم ثيابها قطنية،، والجلابيات المغربية تكون أحلى لو كانت حرير،،

المهم،،
تفكر بعاداة أهل زوجها لأنها بتوصل عندهم،، مش تلبس أشياء غريبه!!

أتمنى إني أكون أفدتج،، وإذا عندج أي سؤال حياج الله،،

تقبلي مروري،،

هلا ورحبا بج....

بالمباااااااارك وربي يسعدهم ويهنيهم...

بضيف على ما قالته الاخت شمعة الامارات....

فالبداية أكيد هي شافت أهلى المعرس وشافت طريقة لبسهم ... فالأفضل لها ان تلبس نفس الطريقة... حتى ما تكون شاذة عنهم.....

واللي أعرفه انه كل بلد له عادات فاللبس وفي الأكل والنوم...

يعني موعد الأكل وموعد النوم حتى كل عايله عنا فالامارات غير منهم اللي ينام من غبشة (من وقت) ومنهم من ييلس إلى وقت متأخر قليلا...

واللبس أيضا اللي اعرفه عن ربعي السعوديات انهم يتخبلون على القطع المخورة (المطرزة) اللي نلبسهم ويقولون انهم ما يلبسون مثلنا....

فالمخور من عاداتنا ومن أكثر ما نلبسهم بالاضافة إلى البدل والمغربيات..

وإذا حبيتي تقدرين تاخذين لج قطع من السعودية وتطرزينهم فالامارات ...

وعن المغربيات إذا بغيتي تفصيل بعطيج أسماء محلات وعنا حريم مواطنات يبيعون مغربيات جاهزة أو (دراعات ) حللللوة ...

وأنصحكم بأنكم تشترون الزهبة بالمعقلون لأنج تعرفين السوق كل فترة ينزل شي يديد ...

فلا تكثرو من القطع والبدل ... هاي نصيحة... لأنه بنت عموتي ما خلت شي فالسوق واشترته والحينه كله طايح ما تروم تلبسه لأنها حملت وضاقن عليها الملابس ....

وإذا احتجتي أي شي فنحن فالخدمة وما يطيب خاطرج إلا الطيب ولا يردج إلا لسانج..

موفقين دنيا وآخرة...

تبين رايي؟؟

خل تسوي اللي اهي تبيه وعاجبها !!

يعني اذا اهل الامارات يحبون اطقم الذهب تكون كبيرة .. بس اهي تحب الشي الصغير .... او حتى لو كان العكس

وراحت خذت شي يعجب اهل الامارات .. ما بتحب تلبسه بعدين !!!


وحتى الثياب .. خل تاخذ الالي يرضي ذوقها ... بس ممكن تعرف شلون الجو هناك .. هل مسموح عندهم القصير او لا .. ولا الكت مسموح او لا .... وعقب اهي تاخذ اللي يعجبها في حدود المسموح



عن الجلابيات و المغربيات

اعرف ان اهل الامارات عندهم هالشي اساسي جدا .... بس اذا اهي ما تحب .. مو لازم !!

كل واحد وذوقه


هاذي رايي

وشكرا

الله يبيض وجيهكم ويكثر من امثالكم سؤال ثاني ودي اعرف احسن كوفيرة في منطقة العين في البريمي

البنات كفوا ووفوا..

نحنا عاداتنا انه اللبس يكون محتشم حتى لو التجمع نسائي.. فالافضل تبتعد عن سوالف القصير والكت عالاقل لين تعيش ويا اهل زوجها وتعرفهم زين.. بس قوليلها تركز على الاطقم الخفيفه فالذهب لأنه اكيد بتييها عزايم .. وعن القماش تشتري من السعودية احسن لأنه الاسعار وايد اقل..

وعادات اهل العين لاااازم مخاوير وجلاليب .. طبعا بالاضافه الى البدل..

والله يوفقها

بالبركه اانشاء الله
بس عندي شك اذا اشتريتو كل هذي الطلبات ان الفلوس تكفي
بس انا رايي ان تجهز نفسها بش معقول ولفتره معقوله
بس ما شاء الله عندنا في الامارات يوم تشتري العروس كانها تشتري لقبيله مب شخص ههههههههه

الله يوفقها

حمستوني اعرف وش المغربيات:)؟؟؟

وعندكم يعني ماتلبس فساتين ناعمة ولا تايورات؟؟

وش تقصدون بالبدلات؟؟؟ عندنا تعني البنطلون وطقم البلوزة حقته او الجاكيت يعني تجي مع بعض مو انت تركبينها:)

بالتوفيق عسوله والله يوفقك يارب

ويكتب اجر كل من رد عليك

بالبركة حبيبتي...

بس انتي شو تبين بصالون بالبريمي؟؟؟؟........ترى الحين لو بتسيرين هناك لازم بطاقة او جواز سفر...
وعمري ما سمعت انه في صالونات هناك...