السلام عليكم
بنات شلونكم ان شاء الله بخير
بنات وين يبيعون اكسسوارات للشنيول (فستان العرس)
انا فستاني سكري
مو عارفة اخذ له اكسسوار فضي او ذهبي؟
وفستاني فيه من جدام شغل هل يبيله قلب ولا اكتفي بالتراجي؟
وطرحتي قطعه وحده تنحط على الراس هل احط في شعر تاج الكبار ولا صغير ؟
محتارة حدي
وابي اماكن يبيعون جلابيات راقية حق صباحيتي
اول شي مبروووك مقدما
والله مدري ان شاء الله البنات يفيدونج
لون الفستان سكري ..,
لكن ؟!..
شنهي لمعته الرئيسية ؟!.
( سلفر , ذهبي , أو أبيض سادة " لون الكريستال " )
خذي لج طقم إعتماداً على لمعة فستانج والشك الموجود فيه
*
والأطقم ..,
تلاقين الحلوة والكشخة في السعودية
وتحديداً إكسسورات " بنت النور "
*
في البحرين ,
عندج إكسسوارت مدهش " جد علي "
متجر فاضل " مجمع اللؤلؤ "
وفي محلات وايد بعد , إن شاء الله باقي البنات يفيدونج فيها
*
والحين موضة التاج للعروس
تراجعت بشكل كبير وايد ..,
ممكن تسوين لج تسريحة فخمة بإكسسوراتها بدون تثبيت الطرحة
على أساس التصوير تقدرين تقلعين وتلبسين في الطرحة على راحتج
لأن يفضل عدم تثبيتها ,
أريح وأرتب
*
إذا فستانج فيه شك وكريستال وايد في الصدر
ممكن تلبسين تراجي كبار وايد .. مع أسويرة فخمة .. أو ساعة فخمة .. وخاتم بيدج
يعني تستغنين عن العقد
وإذا تحسين في مساحة كبيرة ومناسبة للعقد , لبسي عقد
على حسب الموديل وشنو يناسبه
في اي مجمع يصير محل بنت النور في السعودية
الفستان سكري يعني مايل للذهبي
الإكسسوار الذهبي بيطلع أحلى معاه وبلمعه فضية يعني السوارفسكي فضي بس الحديد ذهبي.
بالنسبه لي أحب العروس تكون لابسة طقم كامل تراجي وقلب واسواره وخاتم. لأن المعازيم هم اللي يلبسون تراجي فخمة. ولو العروس لبست بس تراجي ماراح تكون مميزة.
الشعر ممكن تحطين تاج ذهبي ويكون كبير، ما أقصد اللي يكون وايد وايد كبير لا قصدي الطويل مو الصغير.
الطرحة ثبتيها من تحت التسريحة بحيث تقدرين تغطين بها ويهج عشان لما يرفعها ما تخترب وبعدين لما تقعدون شويه تقدرين تخلين البنات يشيلونها لج.
خلج كوووووووول
الاكسسورات عندج محل خالد في مجمع مدينة عيسى يجيب شغلات راهية .. وعندج الامود في السيف والسيتي سنتر .. والدو ينزلون شغلات كشخة .. ساعات ينزل عقد وتراجي مناسبين لبعض ..عندج ميرانو .. وخالد ستايل في البوكوارة .. وهم عندج فالمحرق محمد زكريا جنب الف واثنين .. وعندج محلات السعودية ..طبعا في فنسيا ومجمع الجمعه ..
انا افضل تلبسين طقم كاااامل ونااعم اذا فستانج مشغول وايد .. لان حلاتها العروس جذي مثل ما قالت اختي قطاف .. و التسريحة على ذووقج والتيجان الكبيرة نفس اللي تستخدمهم حنان دشتي لعرايسها موجودين بالسعودية .. وممكن تستغنين عن التاج وتحطين اكسسورات .. اهم شي انتي شنو بخاطرج سويه ..
هذيان عاشقة كفت و اوفت
و رايي من رايحة
والبنات بعد ما قصروا .. ان شا ءالله استفدتي و حصلتي جواب استفسارج
بالتوفيق