بنات البحرين(مرمريز 3)

هلا الشيخه مرمريز 3 وااايد كبيرة .. في نظري مو حلوة يعني الي في اول الصاله مايدري عن الي عند الكوشه والعروس ماتبين من على الكوشه انا حضرت عرس صديقتي وماعجبتني .. من ناحية ماقدرت اشوف العروس عدل ..وهي تشيل 800 شخص عندج مرمريز 2 او 1 حلوة حق 400 شخص ..

بصراحة اني عجبتني ووووووووووووووووواجد وهي افخم وحدة في مرمريز
والناس اذواق وهي صج كبيرة وتشيل 800 بس انتي تقدري تقولين لهم تبين حق 400 شخص فبيشيلون كراسي وطاولات

توني البارحة معزومة فيها

بصراحة راقية جدا وفخمة وجدا كبيرة

احلى صالات مرمريز هي حتى المسرح حلو وكشخة

بس نفس ماقالو لش العروس ماتبين وهي ع الكوشة

لانها واسعة جدا

مشكورييين فديييتكم
وبنسبه للفنادق محد عنده فكره؟؟

الفنادق تكون اسعاراها غاليه شوي ..طبعا اتلكم عن الخمس نجووم
ليش ماتجربين اليت سويس شوفي جم اسعارهاا ..

اما بالنسبه لمرمريز انه سمعت انه 3 كبيره وفخمه بس ماجفتها .. ان شاء الله اجرب وقت باروحها او بخيرج

هي صج فخمه بس كبيرة واااايد وااايد والعروس ماتبين

الفنادق أسعارها .. وايد مرتفعة

يعني ما في وجه مقارنة بينها وبين الصالات العادية !..

*

صالة مرمريز (3)

تشابه مرمريز (2) بنسبة 80% تقريباً

هي أجدد صالة من تبع مرمريز

أفتتحوها شهر 4 على ما أظن !..

كبيرة واااااااااايد .. واااااااايد

تشيل حتى 700 شخص!..

وفخمة جداً .. وجديدة غير مستهلكة

وتقدرين تغيرين فيها وتحطين إضافات لو حبيتي

*

وشاملة كل الخدمات طبعاً ( ديجي , كيكة , تصوير , بوفيه , مسرح , ورد طبيعي , ضيافة الطاولات , بطاقات , سيرفس .. إلخ )

سعرها يوصل إلى 2590 .. الحد الأقصى " يعتمد على قائمة البوفيه + الأيام كانت عادية أو إجازة "

وهذي قائمة أسعارها :

المدعوين بوفيه1 بوفيه2 بوفيه3
400 2,190 1,990 1,790
500 2,290 2,090 1,890
600 2,440 2,240 2,040
700 2,590 2,390 2,190

*

وتخفيض 200 دينار للأيام العادية !..

توني حاضرة في عرسين وخطوبة في مرمريز 3 وايد حلوه وكبيره تنفع القاعة حق معازيمهم وايد

تسلمووووووووون حباااايبي فديييتكم ما قصرتوووو وانشاء الله القاااها بعد العيد

حجزيها وانتي متطمنه

حلوة وراقيه

انا حاجزتها حق شهر 2

بس خاطري اغير المسرح اهوا مافيه شي بس هادي يعني

روحي اي وقت وجوفيها

بنوتات
بسألكم احد يعرف عروض التصوير في صالات مرمريز
يعني اي استديو وكم صورة ومن هالسوالف