وتم الاجهاض !!

الله يعوضك خير اختي مالي خبرة مع اني بعد اجهضت و بتمنى احمل ثاني بس يعني لما شاف الرحم مفتوح مو كان لازم يسوون لو ربط وبعدبن قبل الحمل الثاني ما راجعتي الطبيب يوصفوا لك مثبت و مقويات و اشياء تساعد على الحفاض على جنينك اختي قدر الله وماشاء فعل بس لازم تراجعي الطبيب وهم بيقولولك انسب وقت للحمل من جديد وربي يرزقني واياكي بالحمل الثابت السليم المعافى ويرزق كل محرومة ياارب

مرحبا الغلا ...


قلت لهم سووا لي ربط ..بس قالوا الربط ما ينفع الا اذا كنت في الشهر الثالث او الرابع .. وانا كنت في الشهر الاول


اما حملي الاول .. كان ولدي في الخامس..وقالوا نبضه خفيف .. وتوفى

اشكرج ع المرور

الله يعوضك يارب

الله يعوضج الغاليه..طيور في الجنه يكونون ان شاء الله

حبيبتي اهم شي اصبري على عمرج شوي..لا تحملين على طول...خلي جسمج و رحمج يرتاح عشان يقدر يستقبل حمل جديد وهو مب تعبان ...وعشان يكون الحمل صحي و ما تتعرضين لمشاكل اثناء الحمل لا سمح الله...
اتريي عالاقل 3 شهور لين رحمج يرد لطبيعته و مكانه ..واستمري عالفوليك اسيد او الفيتامينات اللي كنتي تاخذينها...وتصبرين الحين ولا انه تصير لج مشاكل لا سمح الله وانتي في شهور حملج

الله يسهل عليج و ايسر لج امورج حبيبتي...و نسمع ان شاء الله خبر حملج وولادتج قريب

ربنا يعوضك ان شاء الله وتحملي قريب
بصي انا اجهضت مرة قبل كده والدكتورة برضو قالت لي ان الرحم مفتوح بس انا اخدت حبوب بتضيق فتحة الرحم وبتمنع الانقباضات اللي هو الطلق يعني واخدت مثبتات
لو عاوزةاسم الحبوب اللي اخدتها دي راسليني عالخاص وانا اجيب لك اسمها لاني مش متذكراه دلوقتي
وربنا يرزقك بالذرية الصالحة ان شاء الله

[FRAME="7 70"]
حبيبتي قلبي معك انا بعد فقدت طفلي بالخامس يارب يجعله طير من طيور الجنه......ويعوضني ويعوضك خير ياكريم يارب ولا تستعجلي انتظري ثلاث شهور على الاقل .......زواعرفي ان الله لنا الله يحبنا لانه يبتلينا واقريعلى نفسك كثير ......وانشاالله تبشرينا بالحمل الثابت ياااااااااااااااااارب ...قلبي معك.... قولي((( الهم اجرني في مصيبتي واخلفني خيرا منها))))
[/FRAME]

الله يعوضك يااارب ...

الله يعوض عليك يارب
بس اهتمي بحالك هالفترة وارتاحي نفسيا وجسديا
وانتظري فترة واخذي حمض فوليك عشان يمنع التشوهات ويقوي الجسم
والله يطعمك يارب بالحمل الثابت..

الله يعوضك خير يارب
ماحد كان عارف فين الخير
عليكى بالدعاء والاقتراب لله عز وجل

angel eyes;10043760:
الله يعوضج الغاليه..طيور في الجنه يكونون ان شاء الله

حبيبتي اهم شي اصبري على عمرج شوي..لا تحملين على طول...خلي جسمج و رحمج يرتاح عشان يقدر يستقبل حمل جديد وهو مب تعبان ...وعشان يكون الحمل صحي و ما تتعرضين لمشاكل اثناء الحمل لا سمح الله...
اتريي عالاقل 3 شهور لين رحمج يرد لطبيعته و مكانه ..واستمري عالفوليك اسيد او الفيتامينات اللي كنتي تاخذينها...وتصبرين الحين ولا انه تصير لج مشاكل لا سمح الله وانتي في شهور حملج

الله يسهل عليج و ايسر لج امورج حبيبتي...و نسمع ان شاء الله خبر حملج وولادتج قريب

نفس ردي وهذا الكلام الصح

الله يعوضج الغاليه
وان شاالله تحملين

ربنا يعوضك ان شاء الله

الله يعوضج حبيبتي بالحمل الثابت السليم

الله يعوض عليك

ويرزقك بالحمل السليم والذرية الصالحة

تعرفين انا يوم سقطت في اول حمله قالت لي الطبيبة لا تفكرين تحملين قبل شهرين او ثلاثة .. علشان بيت الضنا يرد حجمه ومكانه وجسمج يكون قوي يتحمل يشل جنين.. ما اقتنعت بس فعلا سمعت الكلام وما جربت احمل الا بعد مرور الشهرين..


الحين عقب ما ربيت الحمدلله عرفت معنى كلامها.. لأني مربيه من اكثر من شهر ونص و يوم ارضع لازلت احس بانقباضات فالرحم ويقولون لي هذا معناته بيت الضنا لازال شوي شوي يرجع حق حجمه الطبيعي ومكانه الطبيعي..

ففعلا اقتنعت انه الموضوع ياخذ وقت حتى لو حسيتي انج بخير .. بس يوم تتريين على عمرج يكون فرص الجنين اليديد فالحياة والحمل السليم اكبر بوايد عن لو استعيلتي..


وهم اصلا يوم بتحملين مره ثانية بيسوون لج الفحص اللي يبين اذا كان الرحم مفتوح.. خصوصا لو طبيبتج كانت خبره وشاطرة..