حامل من جديد ومحتارة اسوي ربط ولا لا

مساء الخير دكتور
انا سبق لي رسلت لك موضوع:
http://forums.3roos.com/showthread.php?t=439418

والآن الحمدلله انا حامل طبيعي بدون علاج
وتابعت اول زيارة عند استشاري أكثر من ممتاز وكتب لي ديفاستون وبيبي اسبرين وهايبارين لأن سبق لي وفاة اجنة. وقال لي في الأسبوع ال 12 بيسوي لي ربط.

لكن بسبب زحمة المستشفى وكل مرة احتاج انتظر اربع أو خمس ساعات عشان ادخل للدكتور وغير كذا اذا ابي اسوي التراساوند لازم نفس الشي موعد مع دكتورة الألترساوند وانتظار.

رحت لمستشفى ثاني جديد
ممتاز من ناحية الشكل والهدوء والمواعيد مرتبة ومنظمة، الكل يمدح فيه
سويت موعد مع استشارية هناك جديدة في المستشفى ماسمعت عنها لا كلام كويس ولا لا

المهم قالت لي المفروض ما اخذ ديفاستون لأن الديفاستون يسبب ضمور في الأعضاء التناسلية للجنين لو كان ولد، وقالت لي بخصوص الربط مابتسوي لي، قلت لها انا سبق لي الإجهاض مرتين في بداية الشهر الثاني ومرة في الشهر السادس ( حمل بثلاث أجنه).

قالت لي ماتعتبر حالتك ريسكي ، وبتابع معاك من الأسبوع ال12 واذا احتجتي ربط بسوي لك
وسألتها ليش مانسويه بس كإجراء احترازي ، قالت لي ما انصحك لأنك تعرضين الحمل لإحتمال ضعيف بالإجهاض وانتي احتمال ماتحتاجين شي خصوصا ماعندي مشكلة في الرحم ولا في عنق الرحم لا ارتخاء ولاقصر

أسفة دكتور طولت عليك .. لكن ابي استشيرك في كلامها هل هو صحيح
يعني اتابع معاها ولا لا.