كيف اتكلم مع خطيبي ..ساعدوني

المشكلة !..

إنكم إثنينكم تستحون وايد

وكل واحد يتكلم بشكل [MARK="FF3399"]سطحي , [/MARK]

*

أقدر شعورج

لأن فترة الخطوبة هي [MARK="FF3399"]فترة تعارف[/MARK]

وإنتوا مقضين الوقت بأشياءات سطحية ومالها أي معنى , مجرد سوالف وينتهي الوقت !..

*

الرجل بالعادة ..,

ما يعرف بالعواطف والمشاعر , ولا له بالغزل .. ولا له بالمبادرات مثل المرآة

لأننا نختلف عنهم

أحنا العاطفة هي تحكمنا ..,

*

أستخدمي معاه أساليب جديدة , تكسر الروتين إلي إنتوا عايشينه

تكلمي معاه بالجرآة .. ولكن أكيد بحدود الآدب!..

إذا متعودة تنادينه بأسمه

نادينه بأسم الدلع , وإذا ما ينفع , قولي له " حبي , عمري .. إلخ "

ومع الأيام هاللفظ بيشبك على لسانج

ومثل ما أنتي متعودة تنادينه

هو بعد بيتعود بيناديج بدون ما أنتي تقولين له وتعلمينه

وبيصير كلام الغزل والمبادرة منج شي طبيعي وهو بعد بيعتاد عليه

حتى بعد الزواج !..

*

تكلمي معاه عن يومج , شنو سويتي .. وجذي

بس لا تدشين بالتفاصيل جيبيها بطريقة سوالف ممتعة مب مملة وروتينة

تعودي في البداية تقولين له " وحشتني .. أشتقت لصوتك "

حتى لو كلمتيه البارح , وكلمج الصبح

قولي له إنه [MARK="FF3399"]يوحشج بكل ثانية[/MARK]

هالشي بيفرح قلبه

وبيقربه منج

وبيخليه هو يشتاق لج بعد

*

الأهم والمهم !..

سولفي له عن الأشياء إلي تحبينها

والأشياء إلي تكرهينها

كل شي .. كل شي بشكل عام

ولمن تقولينها له , سآليه عن هلأشياء وش يحب .. وش يكره

وسالفة , تجر سالفة

وبتعرفين عن عالمه [MARK="FF3399"]أشياء وايد [/MARK]

*

سولفوا عن الذكريات ..,

الأشياءات الماضية

من دراسة , من طفولة .. إلخ

*

خلو سوالفكم متنوعة عن اليوم وأمس وإلي عقبه

وشوي .. شوي

سولفي له عن التجهيزات

عن المستقبل

عن شنو تحبين

مب شرط يشاركج الحديث , يكفي إنه يستمع

وإنتي نفس الشي .. تعودي تكونين مستمعة جيدة وما تقاطعينه أبد

خليه يحب سوالفج ولا يمل منج

وإنتي بعد حبي سوالفه .. وخليها ما تنقطع عنج

*

إنتي بيدج تبادرين وتغيرين بس بشكل غير مباشر .. ومع الوقت ومع الأيام

بتتعمقون في سوالفكم وفي أحاديثكم

وبتبعدون عن الحديث بسطحية .. وعن الأحاديث المعتادة

*

والله يوفقج إن شاء الله

[MARK="FF3399"]وييسر أمور زواجكم[/MARK]