أخيرا طهرت ولدي بس !!!!

أختي قيمي الحلقة خلاص
هو بتألم منها فكي عنو الربط والحلقة هيك أمي كانت تعمل وتنصح والطفل بعدها يهدا وما عاد يبكي
واسألي برضو الطبيب
وألف مبارك يا قلبي

ألف مبرووووك

بس اذا في انتفاااخ لاازم تاخذيه للطبيب

و ماا يصير اتشيلين الحلقة بنفسك

هي اتطيح لحاالهاا بعد 4 أو 5 أياام ع حسب

و أتمنى أكوون أفدددتج

هلا اختى
الف مبروك
الانتفاخ عادى انا ولدى عمره الحين 6 اشهر طهرت بحلقه وانتفخ له واجد
وخفت من الانتفاخ لان ما كان شئ طبيعى اتصلنا على الدكتور اللى طهره وطمنا لا تخافين
ومايصير تشيلينها بروحج لازم هى تطيح بروحه اذا التئم الجرح بطيح ويمكن تاخد وقت لان ولدى اخدت معاه وقت اكثر من اخوه حتى عقب ما طاحت كان منتفخ ومكان الحلقه نوع الملتهب بس اللحمد لله ماصار له شئ.

الانتفاخ عادي وما يصير تشيلين الحلقه

هي تطيح لحالها ,,ولدي طاحت منه بعد 10 ايام تقريباً

بس اذا التهبت وصار فيها لون أبيض ضروري تأخذينه للطبيب

لانه الالتهاب بسبب ارتفاع في درجه الحراره بعيد الشر عنه

أما سالفه انه يعصر وينتفخ سره فهذا بسبب الغازات

وألف مبروووك

تسلمون والله على الرد عسى ربي يجزاكم كل الخير ويبارك فيكم ،،

والله حدي اخترعت يوم غيرتله حفاظته تو لانه امي اللي كانت تغيرله وهي بعد خايفة وماتعرف اذا

الانفاخ عادي او لا و كأني شفت في خياط بعد جمب الحلقة!!! وفي دم بعد كل ماغيرتله حفاظته :(

انا قاللي الدكتور راح يصير في انتفاخ بس والله ما ادري انتفاخ في شو بالضبط !! كنت دايخة الصبح

ولاني مستوعبه شي !!!!

الله يعين ..

تسلمون والله ماقصرتوا حبيباتي ،،

ألف مبروك على تطهير البيبي
أنا طهرة ولدي أول ما طلع من الأربعين وحطاله حلقه بس ولدي ياته حمه بالليل وكان هذا دليل على الإلتهاب وعلى طوال ثاني يوم وديته العيادة شال الدكتور اللزق ولاحظة عليه قبل ما أروح العيادة لم كنت أبدلة حفاظة كان ما قادر يبول وأنتي بكرامة لأنه وايد راصنه عليه وكان كل مايبي يسوها يصرخ ولم قالت للدكتور قال لازم أشيلها الحين وعادي مافيها شي
وحبية أقولج بعد غسليه بماي البحر علشان بسرعة يطيب والدكتور قالي ماي وملح بس الوالدة الله يخليها قالت ماي البحر أحسن

الفففففففففف مبروك بس مرة مرة لاتشيلي الحلقة وفيه مرهم اسمه ميبو الدكتور كتبه لي لما طهرت ولدي ونفس الشي كنبوه لولد اختي روووووووووووووعه صراحة وترا والسره طلعت من كثر ابكي عادي مافي شي يخوف اعطيه فيفادول 2ونص ملي وخلاص انشاء الله تمر والله يعينك كلها 3 او 4 ايام وهذا كله ينتهي

دلوعة بودي وتوتو20 يعطيكم العافية حبيبتي

عطاني الدكتور كريم ميبو ريحته حدها مو حلوة !! بس معروف انه زين ،، بس ماي وملح مانصحوني

فيه قالوا في بودرة بالصيدلية للطهور بس ما كتبلي عنها الدكتور بس يقزلزن انها زينة !!

والله يعين ان شاءالله ،،

شاكرو لكم حبيباتي على النصايح ،،

عززيتي
هي اولها بعدها بتلاخظي انو بيقشر وشكلها مثل المحروق اسما الله
انا يوم شفت ابني متت من الخوف بس الدكتور قال طبيعي يقشر عشان يطلع جلد حديد
ولا يهمج عيووني
الله يقومها بالسلامة والف مبررررررررررررروك

اول مرة اسمع انه بيتقشر !!!!!!!!!!!! زين قلتيلي ،،

تسلمين أخت نداوي على المعلومة .. :)

الله يخليه لج و تفرحين به مع معرس ياااااااااااااااب

انا طهرت ولدي من كم شهر بس بالخياطه ..

اهم شي تتاكدين انه تبول وانت بكرامه

بالنسبه للانتفاخ شي طبيعي

بس لو كنت خايفه الاحسن تراجعين المستشفي لانه محد يقدر يحدد خطر هالانتفاخ شفوي الاحسن تاخذينه ع مستشفي و يشوفونه له وتتلاحقين عليه من البدايه

فديته ولدج يكسرون الخاطر اليهال يوم يطهرونهم :(

اذكر اخواني يوم صغار يودونهم البحر عقب ما يطهرونهم ههههه يقولون ماي البحر زين ..

الله يعافيه ان شالله :)

كلي شموخ ،،
مفتون ،،

تسلمون حبيباتي على المرور والرد ،، فعلا قالولي أهم شي اني الاحظ تبوله وانتوا بكرامه !!

وماي البحر أحس انه راح يخليه يتألم !! :(

والانتفاخ الحمدلله خف ،، بس لاحظت انه شوي صاير لونه أزرق المنطقة اللي فوق !! مو مكان

الطهور المكان اللي أعلى المنطقة !! مادري ليش !! أمي بعد ماتعرف ليش صاير لونه ازرق يوم

تسألني أقولها أنا شدراني انتي أدرى !! قالت وانا شعرفني آخر ولد طهرته من 28 سنه :) يعني

حتى الماما نفسي :)

ألف مبرووووووووووووووووك على التطهير
والحلقة خليها لا تشيلينها ,, بروحها تطيح بعد 6 أو 8 أيام
وعند بعض اليهال تاخذ 10 أو 13 يوم عااااادي جدا
والانتفاخ طبيعي , بس ما يكون وارم بدرجه كبيره

والله يخلي لج الكتكووت

الف مبروك
انا ولدي طهرته من 4 ايام بس بشاش لاني نسيت اقول الدكتور وهو حط شاش وما سال بصرح عذاااااااااااب اليوم الحمدالله بدي يخف صرخ برغم طاحت الشاش بس احس في انتفاخ ولون بياض شوي مدري شي عادي او لا بصرحه انا الي الان ما غسلته الحريم قالو صبري عليه بس امسح بمناديل مبلله و اصب زيت زيتون ماعرف الي متي واستعمل مرهم كتبه الدكتور عشان ما يصير التهاب

ما قصرن البنات يعطيييهن العافية ياااارب
كيف ولدج الحين...؟؟

مبرووك على التطهر،،،والله يحفظه لج ياقلبي،،وماعليه شر

اذا في انتفاااخ لاازم تاخذيه للطبيب

و ماا يصير اتشيلين الحلقة بنفسك

هي اتطيح لحاالهاا بعد 4 أو 5 أياام ع حسب