سفر الحامل

انا سمعت انه السفر بالطياره مو زين في الاشهر الثلاثه الاولى والاشهر الثلاثه الاخيره

وهو بشكل عام مو زين للحامل بس تقدر تسافر في الاشهر الوسطى

والله يتمم لها على خير اتمنى اكون افدتك

شكرا على المرور انا دورت كذا مكان والمشكله النص يقوول زين والنص يقول مو زين ودكتورتها ما قاعده ترد عليه ا وسفرتها عقب شوي


بس الاكثرية طمنوها يعني تعرف ناس سافروا 8 ساعات روحه ورجعه

هي بتسافر بسياره

ولا بطياره

لان بالطياره مو زين لكن بالسياره عادي

اول الاشهر خطر السفر

و الاشهر الاخير بعد خطر

خل تشوف دكتور مو شرط تدكتورتها اذ مستعيله اي دكتوره تكشف عليها

و خل تستخير والله يسهل امورها

والله مدري انا سافرت وانا بنص الشهر التاني بالطياره

بس الحمد لله ماصار شي

بس خليها تتأكد وتسأل الدكتوره

شكرا على الردود بس الدكتورة ما قاعده ترد كلمت ممرضة قالت لها اذا بسيارة خطر وطيارة اوكي عكس اللي قالته الاخت :(

احسن وسيلة لسفر الحامل هي اكثر وسيلة اختصارا للوقت يعني ما تستغرق وقت طويل و مايكون في اهتزاز قوي يعني اعتقد الطيارة احسن من غيرها لانها بتوصل بسرعة وادا اضطرت تسافر في سيارة اة غيرها تحاول تتوقف كل ساعة او سعتين تمشي شوي عشان تنشط دورتها الدموية و عني انا سافرت في شهوري الاولى و ما حصل لي شيء والحمد لله من السفر خليها تتوكل على الله وان شاء الله خير بس هي تحاول تاخد كل الاحتياطات و بعد ما توصل ترتاح زين و ماعليها شر ان شاء الله

انا سمعت السفر في الاشهر الاولى مو زييييييييييييييييين ابد بالطياره

واذكر اني سمعت قصة وحده انها مسافره بالطايره واهي بالاشهر والاولى وسقطت

حييل جريب مااخذ لها شي الاحوط انها ما تسافر اول 3 شهور

انا قالو لي خطر ويوم صرت بالشهر الرابع سافرت بالطياره واكدت علي ما امشي مسافه طويله

خلها تسأل اكثر عشان ما تتوهق

انا سافرت و انا في الشهر الاول ،،
هو السفر مب زين من بداية الشهر ال6 ،، لكن قبل عادي ،،

استشيري الدكتوره احسن

انا بعد ودي اسافر ووخايفة توني في الشهر الثاني انتظر بقية الردود

اهلي مب راضين اقولون بداية الاشهر مب زين بس انا احس كلما كبر بظني صعب السفر والحركة اللحين اخف

مرحبا اختي عن نفسي حملت وانا بشهر العسل ورجعنا البلاد لي شهر ونص حامل وانا مااعرف
والحمدلله ولا صار شي وتم الحمل باذن الله
وبحملي الثاني سافرنا وانا توني داخله الثالث وخوفوني الاهل بكلامهم انه مب زين
ورحت لدكتوره اسألها فحصتلي عمق عنق الرحم اعتقد وقلت لها ابا اسافر
قالت توكلي على الله وان شاء الله ماشي خطر عليج او على البيبي والحمدلله ماصار شي وتم الحمل
وقالت الدكتوره ان بالاشهر الاخيره يمكن يكون خطر
لان ثقل البيبي وكثر الجلوس والمشي بشكل عام عدم الراحه وخاصه بالرحلات الطويله يمكن يصير ضغط على الرحم او البيبي ينزل

بس المعروف ان بالاشهر الاولى الحمل مايكون ثابت فهذا الي يخوف الناس

الله يوفقج ويثبت حملج

السلام عليكم
قوليلها تتوكل على ربي وتسافر وربي يحفظ جنينها وحملها