تجمع الحوامل الاتي سيلدن في شهر سبتمبر ( ايلول) - الجزء الحادي عشر

المحمدية;10100615:
أنا عنيت لك أول مرة يجيكون لي في المستشفى هو إللي ألمني و ما ادري كم مرة فحصوني
بس بعدين حطوا لي سيلان و ما ادري شنو سووا فيني نمت و أنا كلحين اقعد اتألم و ارد انام و بعدين قعدتني الممرضة و خلوني على وضعية الولادة أفففففففففف ما ابي اتذكر .... خلني ناسية هالاشياء
شوي الا تقولي يالله بش بش ..ههههههههه و شفت ولدي بعد روحي طلعوه .. و من هاللحظة بتشوفين راح الألم تماما ..



و ان شاء الله زوجي تعجبه الشاورما ... لين حباها .. كل اسبوع لازم اسويها مرة اله هههههههه
ولدي سويت له شوربة و نكهتها خفيفة .. ما يحب طعم قوي و حار أو حامض .. ما اقدر اغصب عليه

اميرة العشاق;10100717:
^_^ باقي لي 20 يوم وادخل التاسع

يالله هانت ربي يسهل علينا يارب ونولد ولاده سهله ميسره بأذن الرحمن

أقلام الزمن;10100769:

صحوووبة

ما تشوفين شر

واهم شي استانستي البارحة وتسوقتي زين

المحمدية
ذكرتيني صج سبحان الله بس يطلع البيبي يروح الالم كلياً ولا كأن صاير شي انا لما دشيت الولادة الممر ضة اللي هناك تقول لي لا تصارخين توج على الولادة وقاعدة ومتربعة على كيفها واني ماكان احد وياي لاني كنت راقدة بالمستشفى ونزل علي الماي وعلى طول ودوني الولادة قبل لا يجون اهلي واقول لج عاد قهرتني اني بموت وهي تقول لي لا تصارخين بعدج يبي لج وقت لين تولدين جان احس الجاهلة خلاص بيطلع راسها بره الا اقول لها اكي بتطلع جان تقووم تفز من مكانها من وصلت صوبي سيدة طلعت الجاهلة وارتحت جسدياً مو نفسياً :( الا تقول لي بعد عصري روحج باقي المشيمة :eek: وااااااااات مشيمة شنو واقعد اعصر واني كلش مافيني قوة ما رضت المشيمة تطلع الا امي واصلة تركض تبي تدخل تشوفني جان يغطوني وخلوها تدخل بعدها وصل زوجي وعمتي :eek: الا تقول الممرضة حق زوجي انت زوجهااا؟؟؟ قال لها اي قالت له تعال وقع بسرعة عشان نوديها العمليات حق نطلع المشيمة :rolleyes: قال لهم شنوووو بتسونها عملية ؟؟؟ قالت له لا بس بنخدرها وبنطلع المشيمة بس لازم توقيع
واني اتشهد قلت بمووت شالو كل شي علي ولبسوني قبعة العمليات واخدوني :eek: دخلوني غرفة تخووووف صج مثل التلفزيونات مالت عمليات <<<<ههههههههه عجل مالت شنو ياحلوة

قعدت اطالع الغرفة واطالع وجوه اللي هناك فجأه رحت في سبات عميق ما وعيت الا اني بره العمليات فتحت عيوني و كأني شفت امي وخواتي ورديت رجعت حق سباتي العميق << تأثير المخدر وحطوني تحت الملاحظة لي الساعة 12 في الليل وبعدها ودوني الجناح

صاحبة الظل الخفي;10100746:
المحمديه انتي الحين عارفه الالم ورايحتله بريولج اما احنا البكرية ماندري بالدنيا
ولانعرف شبيسون فينه وبس خاطري اعرف الالم وهل بقدر استحمله او لا

عيوون محمد;10100789:
مساااء الخير

احلى عراق الحمد لله على سلامتك وكله باجره ياارب

مشكورات كل وحده سالت عنى او طمنتني رحت اليووم
قالت ليا لوو نزل مويه او شي بنوولدك خلاص لانه بيتعب البيبي كذا

وقالت ليا لا حسيتى بالم ديركت تجين وللان مافي الم وفرج الله قريب

صاحبة الظل الخفي;10100800:
شسالفه المشيمة بعد محد سولف عنها
يعني لازم عمليه يطلعونها ولا انه فهمت غلط

أقلام الزمن;10100844:
اني من قبل ما اعرف عنها استغربت يوم قالو لي عصري عشان تطلع المشيمة

بس يقولون لج المشيمة تعتبر الولادة الثانية تعصرين وتطلع مثل البيبي بس اني ما رضت تطلع لان ماكان فيني قوة اني اعصر ولما يدخلون ايدهم يبون يطلعونها اقعد اصارخ من قمة راسي واتحرك ما اخليهم يكملون شغلهم واذا ظلت في بطني خطيرة واااااااااايد يمكن اروح فيها عشان جذي ودوني العمليات بس ما سووني عملية خدروني وطلعوها واني مادري بالدنيا <<< بس مادري شلون طلعوها اهم شي ما شقو بطني ولا شي

اميرة العشاق;10100650:
جعفريه حموده يجنن طالع قمر ربي يحفظه ويخليه لج

أقلام .. تسلمين حبيبتي على النصايح أنا بكريه ..وأستفدت منها وربي يعوضج خير..يارب وان شاء الله بس تطلعين من الاربعين تجين وتبشرينا

بحملك يارب ربي يعطيك الف عافيه على هاي النصايح

بس انا منعوني من المشي من الاسبوع 30 لان الرحم مفتوح 4 سم

ويبوني ارتاح على الاقل بس ادخل التاسع بس زي ماقلتي

لو الوحده تولد ويكون طفلها بين احظانها ترتاح وماتحاتي زي

لما يكون في بطنها وماتعرف شنو فيه ..



محمديه وربوعه ودريم ويب وبنت التميمي.. مبروك التاسع ..وعقبال الولاده السهله الميسره

عيون محمد نقص الماي مو زين روحي تطمني يكون احسن ولا تتركين نفسك

مو زين تتهاونين ابد انا بعد ماقريت اللي يصير بالمنتدى صرت اخاف

شخباركم جميعاااااااااا

المتواجدون حاليا (6عضوات و0ضيف )

‏اميرة العشاق, ‏أقلام الزمن, ‏المحمدية, ‏صاحبة الظل الخفي, ‏عروسه الشرق, ‏جعفريه

شخباركم .............؟

صاحبة الظل الخفي;10100891:
:confused:
:confused:
:confused:
ياربي الولادة تخوف

صاحبة الظل الخفي;10100800:
شسالفه المشيمة بعد محد سولف عنها
يعني لازم عمليه يطلعونها ولا انه فهمت غلط

جعفريه;10100950:
تسلمين بعد قلبي أموره ..

ويخلي لج النونو ..

ويتمم لج على خير وتقر عيونج بشوفة النونو ..

أستانس لين اشوف اسمج من ضمن المتواجدين واقول الحمدلله انج بخير..

وان شاء الله توصلين للتاسع بالسلامه ..