أمس اشتهيت اسوي فتة حق الغدا ..
وكانت أول تجربة .. والحمدلله عدت على خير :D
نبدا
المقادير :
4 حبات باذنجان تقطّع لمربعات صغيرة أو متوسطة الحجم
3حبات بطاطا تقطّع لمربعات أيضًا
علبة حمص ( نخي )
خبز عربي يقطع لمربعات صغيره
صنوبر
مقادير خلطة الروب :
3 علب روب ، سماق ، عصير ليمون ، زيت زيتون ، بقدونس مفروم فرم عادي مب ناعم ، ثوم مطحون أو مهروس
طريقة التحضير :
نحتاج صينية بايركس عشان نصف فيها المكونات و تكون للتقديم .
نقلي الباذنجان + البطاطا و نصفهم بالطبق طبقة ورا الثانية
و بين كل طبقة و الثانية نضيف خلطة الروب
وبعدها نضيف النخي ( الحمص ) و نفس الشي نحط باقي خلطة الروب
نحمص الخبز في الفرن و الصنوبر نقليه لين ما يصير لونه ذهبي او بني
ونضيف باقي البقدونس فوق طبقة الروب + الصنوبر + الخبز حسب الرغبة
واستمتعوا بالطعم اللذيذ الممزوج بقرمشة الخبز و الصنوبر :tongue: >> أعرف أشهّيكم صح ؟(a)
هني و عافية على قلوبكم (f)
ملحوظة : قوربا اسمي المستعار في منتدى آخر ..