السلام عليكم ورحمة الله وبركاته
كيفكوووون يا أحلى عرايس؟؟ ان شالله بخير
و وش أخبار شعوركم؟؟ ان شالله زينه <<<< أشك، ولا كان مادخلتوا هني :bleh:
طيب أول شي ولأنكم وحشتووووووووني خلوني أسولف معاكم شوي وأقول لكم قصة حياة شعري:poster_av1:
شعري يا طويلات العمر، كان كثيف وطويل ويضرب به المثل <<< ايه صح
بس صج كان غليظ (كثيف)، مع انه جاف وشعرته رقيييقه
لحد ماوصلت لمدري أي مرحله وابتدى شعري بالانكماش والتناقص :sad:
المهم، ماوعيت نفسي الا وشعري خفيف :eek: ،،، هو ما أخبي عليكم صار أسهل حق التمشيط والتصفيف وماياخذ وقت وايد نفس قبل :21_195: بس بعد صار يكسر الخاطر
طيب وش الأسباب التي أدت الى حدوث ذلك؟؟؟
مدري والله، اتوقع وايد أشيا ومنها التقدم في العمر، يعني الواحد مايصير طول عمره يتم بنفس الشعر
المهم، أنا من فتره رحت أصبغ شعري، وكنت أبيه أشقر، بس بما ان شعري مايستحمل اللي في الصالون اعتذرت مني وقالت لي ماقدر اصبغ اللون اللي تبينه وصبغت لي لون ثاني
بس
صار شعري برتقالي :down:، جني صخلة بودعي (والصخله هي الماعز، و "بو دعي = بو دعيج" هو شخصيه في مسلسل خليجي قديم اسمه الأقدار)
المهم، قذلتي صارت برتقاليه وكنت ألوع الجبد، مع ان الكل يقول لي ان الصبغه كانت أوكي بس انا وايد صادني احباط :pain:
فشسويت؟؟؟؟؟
اختكم رجعت راحت صبغت شعرها بعد مرور 5 شهور تقريبا
ورحت عند وحده، صبغت لي اللون اللي أبيه بالضبط، وقالت لي عادي شعرج يستحمل و و و و
وصار اللون رووووووعه
لكن...... كلها فتره بسيطه وشعري ابتدى يتساقط بشكل فظييييييييع
ووصل لدرجة اني لما امشط شعري أصيح
وأسمع صوت الشعر وهو يتقطع،،، شفتوا صوت القماش لما تقطعينه بيدك كيف؟؟؟ هكذا كان الصوت :cry::cry:
بس ما أقول الا الله لا يوفقها اللي صبغت لي شعري، كانها تعرف ان هاذي النتيجه :UP202::UP202:
طيب ما أطول عليكم <<< وش عقبه :21_186:
بعد 6 شهور من الحادثة رجعت صبغت شعري بلون بني غامق،، حق خطوبتي <<< كلكم باركوا لي :21_112::con1::21_112:
وطبعا شعري على حالته :icon9:
بس من فتره، رحت الصيدليه، وكالعاده اشتري لي أشياء مالها داعي :deal:
ومن ضمن الأشيا اللي شريتها هاذي الاشيا اللي في الصورة
ويعني ظلوا عندي فتره ليست بالقصيره خخخخخخخخ ونسيت اصلا اني اشتريتهم
بس من كم يوم، قلت خلني أجرب شي من هالأشياء، لأن كان حمام الكريم اللي استعمله مخلص
أول شي استعملت زيت بيزلين لتقوية الشعر، وهذا الزيت عادي يعني صار لي فتره استعمله ومافيه شي مميز وااايد
وبعدين غسلت شعري بشامبو بيزلين لتقوية الشعر
وبعدها حطيت الشي اللي ابي اجربه وخليته شوي وغسلت شعري، نشفت شعري وحطيت فيه سيروم عن التشابك ومشطته وربطته
عقب فتره استوعبت اني مشطت شعري عادي بدون ما أحط كريم فيه، وأنا في العاده لااازم أحط كريم ولا ما أقدر امشط شعري من التشابك
فاستانست شوي
بس عقب يوم شفت شعري صاير ناعم وشحلوه وجان استانس أكثر :wavetowel2:
ومن يومين رجعت استعملته، بس هالمره صار شعري حلوووووووو، والله وبدون مبالغه من منبت الشعر لحد النص صار ناااعم وكأنه مستشور، ومش اي استشوار بعد،، يعني شغل عدل
والنص الثاني صار مكسر أو مموج لأني كنت معجفته (مجدلته) بس بعد صار حلو، وبما أن الشعر اللي تحت محترق من الصبغه القديمة فما بان عليه التأثير مثل الشعر اللي فوق
طيب الحين تبون تعرفون وش المنتج صح؟؟؟؟؟ :yes:
هو الشي اللي في الوسط <<<<< يلا اركبوا فوق وارجعوا للصورة وشوفوه :tongue:
المنتج هو من منتجات شركة St. Ives واسمهMud Miracle
وهو بلسم مجدد لحيوية الشعر، يصلح الشعر الضعيف والمتكسر ويزيد من حجمه ومرونته وقوته.
تقدرون تستعملونه للشعر المصبو[SIZE=2][SIZE=3]غ :up:
طريقة الاستعمال:
تغسلين شعرج بالشامبو وبعدين تحطينه على الشعر وتمشطينه، لحد مايتخلل الشعر كله،وطبعا يفضل استخدام مشط له أسنان كبيره
تتركينه على الشعر من 1-2 دقيقه وبعدين تغسلين شعرج
طريقتي:
نفس الطريقة المذكورة اعلاه :8884:
بس انا مامشطت شعري<<< مشطي ضايع
وبعده حطيت سيروم ليفون لتشابك الشعر
وهذا هو
وعقبه بانتين بديل الزيت، اختاري اللي يناسب نوعية شعرج
ومشطت شعري وربطته بربطه مثل هاذي
وبعدين عجفته (جدلته) وربطته من تحت
وبسسسسسسسسسسسسس بالهنا والشفا
ايه صح، وين تلاقون هالأشيا؟؟؟
في الصيدليات الكبيره والهايبرماركتات
بنات البحرين، أنا أخذت البلسم من صيدلية ناصر والسيروم من رويان
وأسعارهم السيروم بدينارين (20 ريال) والبلسم بعد في هالحدود بس ماذكر السعر بالضبط
وخلااااااااص انتهى الموضوع
وان شالله يكون عجبكم واستفدتوا منه
واذا عجبكم لا تنسون التقييم
، تراني الحين في الشغل وقاعدة أكتب لكم ،،، يعني الموضوع فيه مخاطره :poster_war:
ايه صج نسيت، ملاحظه:
ترى الصور كلها مسروقة، ماعدا اللي عليها اسمي
وممنوع النقل، الا بعد الاستئذان <<< تبي تحس انها شخصية :21_131:
والرجاء ذكر المصدر [COLOR=Magenta]أنا الشوق من منتديات عروس
[COLOR=Indigo]ودعواتكم لي
وسلامتكم :21_209:
[/COLOR]
[/SIZE][/COLOR][/SIZE][/SIZE]
