منو فكرت تزين غرفة المستشفى بروحها؟؟؟؟؟

هلا ام سيف
انا بعد خاطري اسوي شي بنفسي وبيه شي ناعم
وهذي حملي الثالث
ننتظر العرايس اذا عندهم افكار حلوه يعطونه

هلا ام سيف و نووورة اني بعد خاطري ازين غرفة المستشى وهذا ثاني حمل لي ،،
دورت في النت عن كم شغلة ،، وشفت المعظم يحط تعليقة ترحيب على الباب ،، انتو عاد حاولوا تبتكرون شكل ،، دبدوب او شي غير واخذوا اشياء تتعلق يعني فيها خيط ،، وزينوا الشكل بريش أو بالونات ،،
أو صمموا استاند حطوا عليه ورد استقبال ،،وداخل الغرفةلا تكثرون من التزيين لأن الهدايا اللي توصل بتصير من ضمن الديكور ،،
وانتوا بعد سوو سيرج في النت ،، وان شاء الله تحصلون افكار ،،
وهذي صورة من موضوع شوكولاتة مرة في منتدانا ،،http://www.3roos.com/uploaded2008/154784/01210105152.jpg

ممكن تيزين السويت ..

بالورود و البلونات ..

و تسوين طقم الفراش و مفرش و الاستكانات و تلبيس الكلينكس و فراش الياهل ..

و تزينون الباب بعبارت ترحيب و وردود ..

انه بزين ان شاء الله الغرفه بروحي

بمساعده زوجي وحماتي

زوجي سوى ليي الاستندات وبركب زينه في السقف اسم ولدي وفراشات نازله ,,


وباقي التوزيعات اشتغل عليهم



وافكر على الباب احط بالونات

والله فكره حلوة ام سيف..

بس خلصي كل شي وعطيهم اختج مثلا عشان ما اتمين تحاتين ولا اتعبين عمرج وانتي توج مربيه..

شفت شي حلو حسيت به كيوت انه مثل حبل و عليه قباضات الغسيل بس يكونون صغار ومتدلي منهم اشياء كيوت مثل البلالين او بعض الدباديب او اي شي تبينه ..

حلو تسوين منه شي قياس الباب بس باتجاهات متعاكسه وتعلقين عليه اسم بنتج او ولدج ..

اما فالغرفه نفسها انا من رايي انه البساطه احلى شي.. خذيلج طقم السرير يكون ناعم و لونه فخم مثل البيج اللؤلؤي ولا فيه تطريز ذهبي بسيط .. ولا تاخذين شي اوفر و الوان قويه مثل الاحمر وهالسوالف.. وخلي ضيافتج كلها الاكواب والصحون والصياني ذهبيه .. وبس ما تحتاجين تزيين زياده داخل..

موضوعج حلو حبيبتي
وانا بكريه وما اعرف وايد بس بعد ناويه اسوي كمن شغله بنفسي
باذن الله راح اشتري (او افصل عند الخياط) طقم كامل (لحافي+لبسي+لحاف البيبي+لبس البيبي) وبركب عليهم كرستالات وحركات بسيطه
لكن ما احب اطقم علبة الكلينكس والمفارش والمدرش شو،، احسه مال اول
ويمكن اشتري بالونات وارتبهم نفس الي بمحلات البالونات ، يعني ع شكل عامود مدور، اظن فهمتيني حبيبتي
وبسوي التوزيعات وبرتبها بنفسي وبخليها مصففه على طاولة وحوالين الغرفه فيعطون منظر
وبسسس
ماحب التدفيش بصراحه
واتمنى اكون افدتدج يا عمري موفقه