احبك يا مدرستي ... لايفوتكم

السلام عليكم اخواتي ^^
حابه اليوم انزلكم موضوع جديد من نوعه عن (تطوير التعليم ) كل وحده تتكلم عن دولتها او مدينتها عن تطور التعلم ^_^
انا ساكنه في جده ومدرستي اسمها الخمسون المدرسه الوحيد المطوره >>دحين اقولكم اش فيها... قبل لا اقول عنها.. اسم المشروع >>احم احم (مشروع تطوير الملك عبدالله بن عبدالعزيز (حفظه الله) واليكم الاتي:
1-اعطاء كل طالبه تنتسب الى المدرسه جهاز محمول( لاب توب ) .
2-التعلم على طريقة مجموعات ( التعليم التعاوني )>>بطلنا الصفوف ههههه .
3-استخدام السبورات الذكيه (باللمس). >>مره حلوه.
4-استخدام صوت الذي يقوم بالبلاغ عن بدايه او نهاية اليوم الدراسي اوبين المحاضرات او فترة الفسحه (حرمه تتكلم ) >>بطلنا الجرس صار صوت زي حق المطار .>>هع
5-الخروج الالكتروني (اعطو كل طالبه بطاقه مكتوب فيها اسمها وتكون مع ولي الامر ولمن يجي يبغى يأخذ بنته يمررها على الجهاز اللي عند الحارس وفي داخل المدرسه فيه شاشة عرض الاسماء وصوت حرمه ) >>فلللله.
6-انترنت 24 ساعه شغااال (بس الشبكه مراقبه ماينفع ندخل اي شي ). :D
7-دايماحفلات تكريم واستقبال (يزورونا ناس كبار من الوزاره )>> مثل ساميه بن لادن.
8-المديره حقنا سفروها المانيا عملو معاها اجتماع <<اش تبغو اكتر من كدا :tongue:.
9-زيارة الوزير والوزيره حق التعليم لمدرستنا >> والله ناسيه اسمهم.
10-اختارو 10 بنات من مدرستنا يروحو يقابلو الامير خالد الفيصل (الله يسعدو) في فندق الشيرتون اللي عند البحر.
11-نظام الفصول الطائره (احنا نروح للأبله الفلانيه لمن يكون عندنا محاضره).
12-نسينا كلمه حصص سيرنا محاضرات وفي اليوم 3 او 4 محاضرات كل محاضره ساعه ونص ماعدا الاخيرا 45دقيقه.
13-قبل سنتين طلعت مدرستنا المدرسه المثاليه>>احم احم هههههههه :tongue:
14-نظام اللمس في بعض اماكن المدرسه ( غرفة التفصيل والرسم والكمبيوتر والاقتصاد ومصادر التعلم) >>رقم سري وبصمة المعلمه.
15-المدرسه كلها سيراميك وبويه جديده >>تجننن مشاءالله.
16-طاولات وكراسي للطالبات والمعلمات والإداريات جديده.
17-موقع خااص لمدارس تطوير.
18-نشيد خااص لمدرسه تطوير >>نقولو نحن الطالبات بعد النشيد الوطني والنشيد الوطني صوت رجل مسجل >>روووعه صوته.
19-قالو لنا السنه الجايه بإذن الله في مفاجأت جديده.
وانا حااااسه انو ناقص اشياء ماقولتها بس يلا الحمدلللللله يارب >> موضوع من جهدي لااسمح بنقله الا بذكر المصدر بإسمي واسم المنتدى .
واسفه على الإطاله واتمنى انكم تقيموني وتتفاعلو معي.
اختكم:saro0o