اللي عندها خدامه فلبينيه تتفضل

جوفي انا لي تجربتين ويه الخدامه الفلبينيه
اكتشفت انه الفلبينيات المسلمات ماا ايون صغار ايون لج من 60 وفوق اعمارهم بس يزورون الجواز ويخدعون المكتب
وبما انهم كبار فالسن فدايما يبون ينامون
مايبون يشتغلون
ولغتهم الانجلينزيه مو قويه

فإذا ناويه تييبين خدامه مسيحيه اووكي بس بالنسبه لمسلمة مانصحج نهائيا

مشكوره وياريت الباقي يردون الله يجزاكم كل خير

نصيحتي ييبي مسيحيه واكدي على المكتب انها اتكون جامعيه لان اذا مش جامعيه انجليزيتها ما اتكون قويه، هذا طبعا عن تجربه، واذا تبين تختبرين الانجلش عندها بامكانج تاخذين رقمها من المكتب وتتصلين فيها وتسالينها اذا اتحب اتكون جليسة اطفال + تنظيف لاني انا تعبت وايد يبت 3 خدامات للحين وكلهن شردن عني ما يحبون الاطفال ابدا...

الفلبينيات في التنظيف وترتيب واكي بس مالهم خلق للاطفال و الافضل المسيحيه اخلقهم كويسه اما المسلمين حقين سحر ونصيحه لتخلين الطفال مع الشغالات

ما حبيت ادخل ولا ارد


لذلك اقول



up


up


لرفع الموضوع

مشكورين وما قصرتوا

انا عندي مربيه من يوم عمري سنتين .. اهيه فلبينيه ولي يومج احين كملت عندنا 20 سنه >>عمري احين 22 واي زينة وتعلمت الانجلش ع يدها وكل من يسألني وين دارسه انجلش وكل من يجوفها يفكرها خدامتنا اهيه يو اتيي امي قالت ان عمرها حوالي 30 يعني اكيد احين صارت فالخميسن بس نشيطة ..

علمتني كل شي صج انها مسيحيه بس تحثني اقوم اصلي ..
اهيه معاي طول الوقت بحكم اني وحيده هلي وامي دايما فالشغل
وكأنها ظلي دايما تنهيني اذا بسوي شي غلط
تساعدني في دراستي ..
علمتني اطبخ
اخيط
اسوي اشغال فالبيت
عطتني من خبرتها وتجاربها
ودايما اسولف وياها جنها صديقتي
والكل فالعيله متخبل عليها ويتمنون وحده مثلها
احنا يبنا اختها تخدم عندنا ماتمت الا شهرين وسفرناها سبحان الله


احنا بالاول يبناها ع اساس انها خادمه بس امي جافت انه تخليها مربيه وتييب خادمة

فأنا اجوف ومن رايي انج تيبين لج ثنتين من جنسيتين مختلفتين يبي لج فبينيه بغض النظر عن مسلمة او مسيحية ولاتيبينها صغيرة وايد ولا عوده وايد .. احنا ع فكة مربيتي مو جامعيه فماله علاقة باللغه وخلاف..

ولاتخلينها تجيس شغل البيت الا اذا اهيه حبيت من نفسها جربي انتي ..

نسيت اقولج .. ان خدامتنا ماراحت تجوف اهلها من 17 سنه .. لانها وايد حبت معاملتنا لها وشغلها عندنا .. ولها غرفتها الخاصة وتلفزيونها وشاريين لها مكينة خياطة بحكم انها تحب تخيط وايد .. واحين ببتدي اخيط لي انا ع يدها ههههههه


اي معلومة ثانيه خبريني فديتج..

ع الخاص

بصراحة بقول لج تجاربنا وياهم لان احنا كنا وايد نجيب فلبينيات
وانا صغيرة امي جابت فلبينية ما اعتقد انها كانت فوق ال18 سنة،، كانت صغييييييرة،، مسلمة واسلامها عدل ولله الحمد، تصلي وكل شي، وشغل البيت ما شاء الله عليها تسوي اللي غيرها ما يسويه، كل شغل البيت عليها بحكم ان امي تشتغل، وتربي اليهال بعد، يعني حق كللللل شيييييي، وما اقص عليج لو قلت لج اني كنت احبها اكثر من امي ههههههههه، تعرفين الياهل لما يحصل الاهتمام من الشخص،، كانت ممتازة

بعدها جربنا هنديات بس ولا وحدة عجبتنا،، وجبنا خدامة فلبينية مسلمة، الله لا يراويج،، مسلمة بس خبلة، مسكينة اما كانت مريضة نفسية أو مسحورة مادري عنها تحسينها مو طبيعية،، لدرجة انها كانت تلحق اخوي الوحيد بالسكين تبي تذبحه!! هههههه كل ما اذكرها اضحك،، وكذا مرة حاولت تزنط امي (تخنقها) بس من امي تضربها ترد لحالتها الطبيعية!!

ولما امي جابت الولد الثاني ابوي كان يبي خدامة عالسريع لان امي تداوم، فراح المكتب وقال ابي مربية، قال له في مربية فلبينية مسيحية جابوها ناس وما بغوها، قال جيبها مؤقت،، بس صراحة، تمت ويانا وطولت، كانت تعلم اخوي انجليزي وتنيمه،، يحليلها كانت نعومة ههههه حتى اخوي كان هاااااادي وايد لان اغلب الوقت وياها،، والحلو فيها ان ديني لي ودينكم لكم، يعني مالها خص في اليهال من ناحية الدين،،،

والحين في بيت زوجي عندهم فلبينيتين، وحدة تحسينها هبلة، المشكلة انهم كانو جايبينها لي هههههههه، بس انا فضلت اجيب اندونيسية،، والثانية كلبة، سوسة وكذابة ودوم تتحرش في الشغالات، اول ما جات شغالتي الاندونيسية كانت كل يوم تصيح وتشتكي منها،،، وتقول لو انج ما توديني بيت ابوج اغير جو كان مت من زمان (على اساس شغالة ابوي تقرب لها) والصراحة زينة ومو هامتني اللغة صراحة،، علمت بنتي تسمي قبل كل شي وتاكل باليمين وصفات حلوة صراحة
حتى شغلها نظيف وما تتشكى وتتذمر،، ولا تتدخل في اللي ما يعنيها

الخدامة مو عالجنسية،، هي بالحظ، فشغالة بيت ابوي اندونيسية بس تعرف عربي عدل، ومرات تراجع حق اليهال دروسهم،، بس اختي مرتين جابت اندونيسية بس دوم مالها بارض للشغل