أبي أصالح عمتي أم ريلي ..عشان شعبان ورمضان

توكلي على الله وخيركم من يبدأ بالسلام واكيد زوجك هيقدر اوي تصرفك ده وربنا هيكرمك..شوفي هي محتاجه ايه وهاتيه

زى ما قالت أختى فوق توكلى على الله وإبدأى بالسلام وبعدين بالنسبة للهدية شوفى هى كان ناقصها إيه أو بتحب إيه وهاديها به..وربنا يحنن قلبها عليكى ويبعد عنكم وساوس الشيطان.

حبيبتي أذا انتي مو عارفه شلون تراضينها وتخلينها ترضى عليك قولي لزوجك أنك بتراضينها وهو بيضبط الوضع لانه اكيد يسعى لأرضاكم والله يهدي الجميع

اشتري لي قطعتين حلوين وغرشتين عطر وبخور وسلمي وباركي لها بالشهر وحبيها فوق راسها وعامليها بالطيب ولاتكثرين الدوس

وعليك بالدعاء

والله يحفظكم انتِ وزوجك

مهما تكون مره كبيره والله كريم

شتسوين ام زوجك وهذا القدر

الله يسعدك

الله يحنن قلبها عليج مثل ماحنن قلبج عليها
ويطول بعمرها ويهدييها ياارب

مافي احسن من التسامح اختي والي بتسوينه شي جدا طيب اصلا محد ضامن حياته
الله يهديك ان شاء الله

وعن الهديه حتى لوكلمة طيبه وبوسه عالراس تكفي واذا بعد بتشترين توستر خخخخخخخخ زيادة الخير خيرين وانا اشوف لوتاخذين عطر بعد حلو شرايج : )

توكلي على رب العالمين ودوري الثواب من الله على اللي تسوينه

ملكه على عرشي;10015713:
حبيبتي أذا انتي مو عارفه شلون تراضينها وتخلينها ترضى عليك قولي لزوجك أنك بتراضينها وهو بيضبط الوضع لانه اكيد يسعى لأرضاكم والله يهدي الجميع

انا مع كلام اختي وعشان زوجك يرضى عليك ويعرف انك انت اللي بدات
بالسلام وانه ماشي في خاطرك على امه

حبيبتي ليش مااتزورينها و تاخذين لها هديه وخلي زوجج معاج
صح انها بتكون صعبه بس ربج بيسهل لانه النيه صافيه وبشرط انج مااتكرربن الموقف مره ثانيه

اتوكلي على على الله وخيرهم من يبدأ با السلام

وهي في مقام امك

حبيبتي الله يوفق ما بينكم ويزيل كل خلاف.

انتي شوفي عمتك شو تحب ، مثلا اذا تفضل ادوات مطبخية وتحب تطبخ اكلات منوعة وحلويات اشتري لها جهاز تقدر تستعمله بالمطبخ.

او اشتري لها مثلا قطعة مخور ، او قماش او بخور لأن الحريم يحبون هالسوالف.

بنات دعواتكم والله محتاجه دعائكم لي صدقوني الموقف وااااااااايد صعب صار لي 7 سنين متزوجه الحمد لله بس لازم كل سنه لنا زعله عوده والا زعلتين ...هيه واااااااااايد صعبه وأتحاسب بالكلمه وتتريا مني غلطه ما أدري ليش ما تحبني ...بس تبي تتحكم في ريلي كل يوم طالعين وانا يالله يالله بالطلعات شوي أطلع وأتقارن يوم يوديني عند أهلي ,,أعراس أهلي .. ليش ما توديها ويانا عند أهلك وليش وليش بس توديها عند أهلها...

دعواااااااااااااااتكم الله يهديها ويحنن قلبها رغم أنه عندي عيال بس بعد متحكمه شوي علي .. وكانت بخرب بيتي بسببها ألين أهلي أدخلوا وقالوا له أمك على عينا وراسنا بس ما تضلم بنتنا ....حتى بناتها ما قاموا يكلموني يخافون من أمهم ولا يسلمون ألا أختهم العوده والله أحترمها واااااااايد وأحبها الله يسعدها أن شاء الله... صار لي أكثر من شهرين ما أسير بيتها ...بس كل جمعه أودي لها العيال...

الله يهديج يا عمتي ...

الله يهديه يارب ويحنن قلبه
عليج يارب انتي سوى الى عليج
روحي راضيه وخوذيله شئ بيدج تفرح في
وطيبي خاطره حتى لو كانت هى الى غلطان مهم كان هذي جدت اعيالج وام زوجك
وهم صحيح امهات ازوج مايقصرون بس شنسوى المطلوب عليا نسوى واحسن شئ تروحيله في هذي الايام المباركه
والله يسرلك امورك معه ويهديه الك يارب تحياتي لكي بتوفيق اختكي --مايا--

يالغاليه
ام زوجج
مثل امج عامليها مثل ماتعاملين امج
اخذي لها هديه تسوى مقامها مقام امج
وطيحي على راسها وتأسفي منها وتسامحي
قولي لها انتي مثل امي
وجدة عيالي
وانا اذا زعلتج بشي انا آسفه
حتى لو شي انتي مو مسويته ميخالف ام زجج امرأة كبيره تحملي منها الكلام اللي راح تقوله من القهر
وميخالف لاتكبرين السالفه اي شي تقول خليج ساكته لما يطيب خاطرها من اللي عندها ويكون اللي عليج سويتيه والباجي خليه على رب العالمين



دمتم سالمين
اختكم شريفة

فكرة حلوة انج تراضينها وانتي لج الاجر.. ومثل ما قالولج بوسه عالراس تكفي.. لكن الهدية احلى

عاد توستر مب حلوة تاخذينلها الصراحة ..

فكري في شي احلى ..الحريم الكبار يحبون القطع او العطور او الدخون .. شي جذيه يعني حق رمضان والعيد بينفعها :)


الله يصفي القلوب ان شالله :)

الله يوفقك وزين انك فكرتى تصالحى ام زوجك

الله يفرج همج ويصلح ما بينج وبين عمتج.. توكلي على الله وبادري انتي بالزينة واخذي لها شي حلو تستفيد منه وعليه القيمة.. بمناسبة رمضان وان شالله تبشرينا بعودة المياه الى مجاريها

بالتوفييييق

الله يعطيك على قد نيتك •••

الغالية دامك نويتي تصالحيها لا تتذكري ولا تذكري سبب زعلك منها ••• ما في بيت يخلى من المشاكل والزعل ••• هالشي طبيعي دامكم من بيئتين مختلفات ••• واذا هي تتحكم ترا لانها تشوفكم صغار فنظرها مهما كبرتوا •••

ماحبيت فكرة التوستر ••• نا اقول خذيلها شي تستخدمه دايما ••• حتى البخور فكرته حلوه اذا هي تحبه ••• بس خذيلها النوع الزين عشان لما تنسأل عنه تتذكرك •••

••• الله يسخركم لبعض ويهدي سركم •••

شكرا لكل أخت شاركتني وردت علي ولو بدعوة ربي يسعدكم يابنات ...

بصراحه أبي أسير لها ويا ريلي وغير جيه ما أقدر أبد .. بس ريلي يبي يكون بعيد عشان أمه ما تزعل منه عشان هو دافع عني يوم غلطت فيني وما يبي يدخل مره ثانيه ويوم قلتله قالي أتصرفي الله يخليج خليني بعيد...

كيف أقنع ريلي هو الوحيد الي أبيه يسير وياي عشان أخاف من أمه ممكن تطلع وتخليني بروحي وأطنشني ..

دعواتكم بنات...