بنات البحرين .. شوية استفسارات.؟؟

أفا معقولة ولا رد؟؟؟
محد يعرف ؟؟؟

هلا حبيبتي عندج اللو لوهايبرماركت فرع الرفاع الشرقي في الطابق الثاني تحصليين اكسسووات وخلق هندي بالاضافه لاشياء مفصله وجاهزه بس عن الاسعار ما اعرف روحي وشوفي

شلونكم حبايبي عرايس البحرين؟

بغيت أسوي لوك هندي حق مناسبة زواج قريبي ..
أبغي أحد يدلني على أماكن تبيع أزياء هندية وتكون بأسعار معقولة .. يعني في حدود 50 دينار
أو محلات تبيع قماش ساريات هندية

بالإضافة إلى الاكسسورات تبع الزي الهندي .. هاي وين ممكن ألاقيها ..

منتظرة ردرودكم .. لا تتأخرون

أرتب ستايل هندي

هو قطع ساري جاهزة تفصلينها على مقاس جسمج

الجاهز كامل ..,

أحسه مبهدل ومب حلو

وبيحتاج تعديلات

*

وتعرفين ستايلات الهنود فخمة جداً كلها شك راهي

*

روحي سوق واقف

محل أسمه ( أنظر وألبس )

عنده قطع ساري هندي " تنورة + مشمر + بلوزة " 3 قطع

القطع عنده متنوعة بلألوان والشك

تبدأ الأسعار من 40 دينار

إلى حوالي 160 دينار!..

كلما زاد سعر القطعة .. زاد دمج الألوان فيها , وثقل الشك فيها

خذي لج قطعة على ميزانيتج , وبعد تساومي معاه وبيخفضج .. لأنه يخفض وايد

*

ومن ثم وديها خياط متخصص + بيرفكت

هو المحل نفسه يفصل , بس ما عليج .. ترى تفصيلهم كلش مب أوكي

- روحي خياطة الأطراف الناعمة " سوق واقف "

- خياطة شامواه " الديه "

*

بتكلفج خياطة الساري ,

من 10 إلى 20 دينار تقريباً

*

الإكسسورات !..

روحي سوق المنامة

القضيبية , محلات الهنود إلي تبيع ساري وهالسوالف

بتلاقين عندهم أساور وايد + أطقم هندية

*

عندج أيضاً ( مدهش للإكسسورات ) في سوق الرفاع + سوق جد علي

يجيبون بين الفترة والثانية

إكسسورات هندية , وبأسعار حلوة

كمام الأمل .. مشكورة أختي يبي لي روحة

حلم العذارى .. أختي كفيتي ووفيتي ... مشكوووووووة وااااااااااايد
بس ممكن تدليني على محل ( أنظر والبس )
شاكرة ليش أختي

هلا اختي في محل في سوق واقف هو يبيع جلابيات ويبيع قطع ساري حلووين كلهم شك ، المحل ماعرف اسمه بس اذا تعرفين وين يوقف بيت الدونت تمشين شوي جدام وبتشوفينه ، او اذا تعرفين مودا بيطار تمشين شوي قدام اول محل ماعرف بالضبط اسمه ، بس دخلت عجبتني جلابيه واشوف عندهم قطع شك ساري وحلوين بس الاسعار مادري

المنامية .. مشكورة حبيبتي على الوصف
مو يمكن هالمحل نفس اللي تقصده حلم العذارى؟

محل اشكال عنده قطع ساري كشخه
ومحل ديفيا مجابل لاس جانز في المنامه قريب من الكنيسة
عنده قطع ساري فخمه

والاكسسوارت بتحصلينها في كل مكان عندج سوق المنامه محل صوب بشير مال النخي
واحتمال تحصلين في مجمع دلمون

حلم العذارى .. أختي كفيتي ووفيتي ... مشكوووووووة وااااااااااايد
بس ممكن تدليني على محل ( أنظر والبس )
شاكرة ليش أختي

صاير في وسط السوق

شفتي محل ( ساهرة , عبايات الحمراني , مكتبة طاهرة .. إلخ )

هو موجود هني على نفس هالصفة

شاكرة ليكم أخواتي على التفاعل

نور الكوثر;10003516:
المنامية .. مشكورة حبيبتي على الوصف
مو يمكن هالمحل نفس اللي تقصده حلم العذارى؟

اي شكله هو

مري اشكال اللي في سوق واقف بعد عندهم

وديفيا عندج في المنامه وبعد مادري في وين

إي سمعت عن أشكال إنه عنده أشياء روعة.. بحاول أمره وآخذ فكرة ..

أني حابة أسوي لي موديل هندي بس مو دارج واجد ..
يعني التنورة والقميص سويته لي مرتين وما أبي أكرر هالموديل

بنات يا ريت اللي عندها موديل هندي حلو وغريب تحطه .. وأكون من الشاكرين

ماقصرواا البناات

والله أني أستفدت

مشكووررين يزاكم الله خييير

,,اني سويت لي ستايل هندي في جلوتي من جم شهر,,
بس عن جد الستايل هندي 100%
الساري اخذته من السعودية من محل في مجمع جمعة اسمه أسرار الهند..
بس عن جد شغل راقي واسعارهم تسوى,.التنورة جاهزة بس التوب يجي فيه التطريز للجيب واليدين بس انتي تفصلينه

الاكسسوارات من سوق المنامة,, بس مو من عند الهنود اللي محلاتهم متشابهة,,
فيه محل صاير شوي غير عنهم,, هو صغيير وصاير على الزاوية,,
شفتين وين محل النخج بشير؟؟ تمشين سيدة وداخل بتحصلين محلات ذهب هو صاير وياهم
الصراحة اكسسواراتهم شغل مضبوط ,, ومو اي كلام.. بس اسعارهم اغلى من برة,, فرق يعني
اذا بتاخذين سات كامل فيه من 25 ورايح,, حتى مطليين بذهب فيه.. و الخزامات الستيكرات فيه..

امم الصندل تقدرين تاخذين من نفس محل الساريات او محل الاكسسوارات,, الاثنين عندهم.. بس اني اخذت من محل في بوكوارة صندل عادي بس موديله شوي مثل الهندي عشان اريح لي في اللبس ويصير فيه كعب شوي

والتسريحة كان في بالي اسوي لي كامل نازل,, بس قالوا لي اللي في الصالون التسريحة المرفعة مع ثيابي بيطلع افخم,, وسوت لي مرفعة بس اللي تجي شوي نازلة على الرقبة ..

في محلات في منامه تهبل يم محل دفيا (محل الاقمشه) يم الكنيسه مقابل آخر فرصه والله القطع تهبل وفي جاهز بس القطع أحلى حدهم دوق وبالالوان اللي تبينها والاسعار تتراوح بين 50-100بس يستهلون هالسعر لانه شغل يد وحلوين وايد حلوين

دمعة .. مشكوووووووووووورة حبيبتي ما قصرتين على المعلومات الكشخة :wink:
أني واجد سمعت عن هالجمعة سنتر وكلش خاطري أروحه..
ممكن تخبريني بكم تقريبا شريتي القطعة ؟
والموديل شلون صاير؟ إذا عندش صورة للموديل بيكون واجد تمام ..
وحتى إذا عندش صورة للتسريحة بيكون تمام لو حطيتيها ..

واجد تسألت اعذريني .. بس حابة أستفيد من خبرتش..



أمل .. زين قلتي لي .. لأني أوردي كنت بمر ديفيا بشوف شعنده عشان أقرر على المكان اللي يعجبني .. مشكورة خيوتي على المعلومة